Lêwi 7:31 - Sơ̆p Hlabơar Nơ̆r 'Bok Kei-Dei

³¹ 'bok soi gô soh rơmă tơ kơpal chơnang soi, na sĕch kơtơh gô 'măn kơ Arôn păng lu kon drŏ-nglo sư.

Lêwi 7:31 ပူးပေါင်းရင်းမြစ်များ

Le 29:26

Kŭm athei iŏk kơtơh triu tơno pơm yang pơchĕp ăn kơ Arôn, na tơpơng 'ma 'ngiĕo 'bơ̆t anăp Kră Yang, noh mă gah ih.

Lêwi 3:11

Lu 'bok soi gô soh pơyơ̆r đĭ tơmam âu tơ chơnang soi, noh tơmam sa pơyơ̆r soh hăm ŭnh ăn kơ Kră Yang.

Lêwi 3:16

'Bok soi gô soh pơyơ̆r dôm tơmam noh tơ kơpal chơnang soi pơm tơmam sa pơyơ̆r soh hăm ŭnh, đei 'bâu phu đĭ-đăng rơmă noh jing tơmam 'Bok Kei-Dei ngăl.

Lêwi 3:5

Lu kon drŏ-nglo Arôn gô 'buh pơyơ̆r dôm tơmam noh tơ kơpal chơnang soi tơ kơpal tơmam soi 'buh mă đei dan kơpal 'long ŭnh, ŭnh oei sa, noh jơ̆ tơmam soi ăn ŭnh sa 'bâu phu ăn kơ Kră Yang.

Lêwi 5:13

Thoi noh 'bok soi gô soi sơmah wă huai đơ̆ng yoch yua kơ sư pơm yoch boih iŏk minh lăm tơmam 'nâu, bơngai noh gơh đei mơnat ăn; tơpŭng mă oei rơkah noh gô lê̆ kơ 'bok soi kư̆m thoi tơmam soi pơyơ̆r phe 'ba mơ̆n.

Lêwi 6:16

Lu tơmam mă oei oei Arôn păng lu kon drŏ-nglo sư gô sa tơmam noh, ưh kơ đei 'buih pông, tơ lăm minh anih rơgoh, wă khan sa tơ cham Bơsŭn Anih Akŭm.

Lêwi 6:26

'Bok soi pơyơ̆r tơmam soi huai đơ̆ng yoch noh gô sa tơmam noh, đe gô sa lăm minh anih tơ cham Bơsŭn Anih Akŭm.

Lêwi 7:34

Yua kơ lăm lu tơmam pơyơ̆r 'blŏk bơnê chro to âu bơngai Isơrael Inh iŏk blu kon sem tơmam soi noh ăn kơ 'bok soi Arôn păng lu kon drŏ-nglo sư, kiơ̆ kơ tơdrong juăt oei ling-lang mă lu kon sâu bơngai Isơrael athei pơm kiơ̆.

Lêwi 8:29

Môis iŏk sĕch kơtơh kon triu tơno kiơ̆ kơ tơdrong pơyơ̆r chro 'ma 'ngiĕo 'bơ̆t anăp Kră Yang noh 'nhĕm ăn kơ Môis kiơ̆ thoi Kră Yang pơkă kơ sư.

Jo 18:11

Tơmam 'nâu kư̆m 'măn kơ ih. Tơmam ayơ mă bơngai Isơrael pơyơ̆r tơpơng 'ma 'ngiĕo, na 'nâu tơdrong juăt yua ling-lang ăn kơ ih păng lu kon drŏ-nglo kon drŏ-kăn ih. Bơngai mă 'lơ̆ng rơgoh oei lăm hnam ih gơh sa tơmam noh.

Jo 18:18

'Nhĕm sĕch sư noh lê̆ kơ ih, thoi lu 'nhĕm sĕch đe pơyơ̆r tơpơng 'ma 'ngiĕo păng blu gah 'ma noh 'măn kơ ih.

I Kor 9:13

Iĕm kư̆m băt mơ̆n dôm lu bơngai jang tơ lăm hnam akŭm 'Bok Kei-Dei tơm, lu sư sa tơmam đơ̆ng lăm hnam akŭm 'noh. Lu sư sa dôm lu tơmam đe pơyơ̆r kơ 'Bok Kei-Dei păng dôm lu tơmam đe ăn wă sơmah kơ 'Bok Kei-Dei.

Both 18:3

'Nâu boih mă tơmam 'măn kơ lu 'bok soi gơh iŏk yua mưh kon pơlei pơyơ̆r tơmam soi minh pôm, rơmo tơno dah triu akăn; minh pah hơngiĕng dah meng tơ'bong păng hlŭng klak.