Lêwi 7:30 - Sơ̆p Hlabơar Nơ̆r 'Bok Kei-Dei

³⁰ Sư athei chĕp ba hăm ti sư kơdih tơmam soi yua 'buh hăm ŭnh ăn kơ Kră Yang; sư athei chĕp ba rơmă hăm sĕch kơtơh, sĕch kơtơh wă yua lăm tơmam pơyơ̆r chro to, âu 'bơ̆t anăp Kră Yang;

Lêwi 7:30 ပူးပေါင်းရင်းမြစ်များ

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Lêwi 10:14

Mă-lei sĕch kơtơh mă pơyơ̆r chro 'ma 'ngiĕo păng blu kon sem dơrong mă đei pơyơ̆r hiŏng tơ kơpal, na ih păng lu kon akăn ih athei sa tơ minh anih rơgoh yua kơ đe đei 'măn lê̆ kơ ih păng lu kon drŏ-nglo ih đơ̆ng lu tơmam pơyơ̆r 'blŏk bơnê đơ̆ng kon pơlei Isơrael.

Lêwi 10:15

Lu sư gô chĕp ba blu kon sem dơrong soi pơyơ̆r hiŏng tơ kơpal păng sĕch kơtơh mă đei pơyơ̆r chro 'ma 'ngiĕo hăm lu rơmă sư, wă soi pơyơ̆r chro 'ma 'ngiĕo 'bơ̆t anăp Kră Yang, dôm tơmam noh đe 'măn bơih kơ ih păng lu kon drŏ-nglo ih, kiơ̆ kơ tơdrong juăt ling-lang, mă Kră Yang đei tơtă bơih.

Lêwi 3:14

Sư gô pơyơ̆r pơm tơmam soi 'buh ŭnh sa ăn kơ Kră Yang, lu rơmă lom klak hăm đĭ-đăng rơmă klep tơ klak sư.

Lêwi 3:9

Đơ̆ng tơmam soi pơyơ̆r 'blŏk bơnê noh, sư athei soi 'buh pơyơ̆r kơ Kră Yang: Rơmă, kiĕng chơ̆ng iŏk 'bơ̆t kơting chơđui, đĭ-đăng lu rơmă lom klak.

Lêwi 8:27

Sư dan đĭ-đăng tơmam noh lăm ti Arôn păng lăm ti lu kon drŏ-nglo sư. Sư pơyơ̆r chro 'ma 'ngiĕo 'bơ̆t anăp Kră Yang.

Lêwi 8:29

Môis iŏk sĕch kơtơh kon triu tơno kiơ̆ kơ tơdrong pơyơ̆r chro 'ma 'ngiĕo 'bơ̆t anăp Kră Yang noh 'nhĕm ăn kơ Môis kiơ̆ thoi Kră Yang pơkă kơ sư.

Lêwi 9:20

Lu sư dan lu rơmă tơ kơpal sĕch kơtơh, đơ̆ng noh soh pơyơ̆r tơ kơpal chơnang soi.

Lêwi 9:21

Arôn iŏk sĕch kơtơh păng blu 'ma pơm tơmam soi chro 'ma 'ngiĕo 'bơ̆t anăp Kră Yang thoi Môis tơtă.

Jo 6:20

Na tơpơng 'ma 'ngiĕo 'bơ̆t anăp Kră Yang; noh jing tơmam rơgoh lê̆ kơ 'bok soi, kơtơh păng blu mă sư đei pơyơ̆r 'ma 'ngiĕo. Klaih kơ noh bơngai kiơ̆ khŭl Nasirit gơh huch sik hơmu.

Jo 8:11

Đơ̆ng noh, Arôn gô pơyơ̆r lu bơngai Lêwi 'bơ̆t anăp Kră Yang jing tơmam soi đơ̆ng lăm adrĕch Isơrael pơyơ̆r tơpơng 'ma 'ngiĕo, wă kơ lu sư bơ̆jang kơ Kră Yang.

Yo 10:18

Dah Inh ưh kơ ăn, ưh kơ đei bu gơh pơlôch Inh ôh. Inh lôch yua Inh wă kơdih Inh đĕch. Inh gơh ăn akâu Inh lôch, Inh gơh ăn akâu Inh iung arih; noh đơ̆ng 'Bă Inh pơkă, na Inh pơm thoi noh.”

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.

Both 18:3

'Nâu boih mă tơmam 'măn kơ lu 'bok soi gơh iŏk yua mưh kon pơlei pơyơ̆r tơmam soi minh pôm, rơmo tơno dah triu akăn; minh pah hơngiĕng dah meng tơ'bong păng hlŭng klak.