28 Kră Yang khan kơ Môis thoi âu:
Lu kon drŏ-nglo Arôn gô 'buh pơyơ̆r dôm tơmam noh tơ kơpal chơnang soi tơ kơpal tơmam soi 'buh mă đei dan kơpal 'long ŭnh, ŭnh oei sa, noh jơ̆ tơmam soi ăn ŭnh sa 'bâu phu ăn kơ Kră Yang.
Bu mă sa lu pham noh đe gô puh tơlĕch sư đơ̆ng lăm kon pơlei sư kơdih.
Roi tơbăt bĕ kơ kon pơlei Isơrael bơngai bu mă pơyơ̆r tơmam soi 'blŏk bơnê ăn kơ Kră Yang athei anhăk ba kơ Kră Yang tơmam soi mă đơ̆ng lăm tơmam soi 'blŏk bơnê sư.
Kră Yang khan kơ Arôn: 'Nâu Inh ăn kơ ih wei-lăng tơmam mă Inh đei iŏk akŭm đơ̆ng lu kon pơlei Isơrael pơyơ̆r kơ Inh, jing tơmam 'lơ̆ng rơgoh; Inh ăn boih tơmam 'nâu jing tơmam ih păng lu kon drŏ-nglo ih, tơdrong juăt 'nâu yua ling-lang hlŏng hloi.
Đơ̆ng rŏng kơ bơngai jao akâu sư hơkôih sŏk boih, 'bok soi iŏk minh pah hơngiĕng ti triu tơno hơtŭk sĭn, iŏk minh pôm 'bĕng ưh kơ đei 'buih păng iŏk minh hlak 'bĕng klang ưh kơ đei 'buih na dan 'bơ̆t 'bar pah tơpang ti sư.
