Lêwi 7:20 - Sơ̆p Hlabơar Nơ̆r 'Bok Kei-Dei

²⁰ Bu mă đei tơdrong kơnê̆ 'mê̆-'mach na sa tơmam soi 'blŏk bơnê pơyơ̆r kơ Kră Yang, bơngai noh đe gô puh tơlĕch sư đơ̆ng kon pơlei pơla.

Lêwi 7:20 ပူးပေါင်းရင်းမြစ်များ

Bl 17:14

Rim 'nu drŏ-nglo mă ưh kơ chu kăt tơdra sĕch akar sư kơdih, gô tơlĕch lê̆ sư đơ̆ng khŭl adrĕch sư; bơngai noh sư sơngah kơ nơ̆r Inh pơgơ̆p pơkă.”

Le 30:33

Tơdah bơngai bu pơm rok pơgang 'bâu phu nhen thoi noh na tuh hling tơ minh bơngai nai, đe gô puh jăk đơ̆ng kon pơlei pơla sư.

Le 30:38

Tơdah bơngai bu pơm nhen thoi noh wă yua kơdih akâu 'bâu phu, đe gô puh tơweh lê̆ sư đơ̆ng kon pơlei Isơrael.

Êsêkiên 33:25

Lei na khan bĕ kơ lu sư, Kră Yang khan thoi âu: Yua kơ lu iĕm sa 'nhĕm oei pham, măt lu iĕm maih lăng tơ rup yang, lu iĕm tuh pham pơlôch băl, lei lu iĕm gô iŏk char âu hă?

Lêwi 18:29

Yua kơ adrĕch bu pơm minh lăm dôm lu tơdrong kơnê̆ mă Inh areh noh, đe gô puh tơweh sư lĕch đơ̆ng kon pơlei lu sư.

Lêwi 19:8

Bu sa tơmam soi thoi noh gô pŭ iŏk tơdrong yoch sư kơdih, yua kơ sư pơm 'mê̆-'mach kơ tơmam rơgoh 'lơ̆ng Kră Yang bơngai noh; đe gô puh tơlĕch đơ̆ng kon pơlei pơla sư.

Lêwi 20:3

Inh kơdih gô hil mĭl kơ bơngai noh păng pơtôch lê̆ sư đơ̆ng kon pơlei pơla sư, yua kơ sư jao kon hơ'lơ̆p sư kơ yang Mơlŏk, pơm kơ anih 'lơ̆ng rơgoh Inh jing kơnê̆ 'mê̆-'mach păng pơ'mê̆ kơ anăn 'lơ̆ng rơgoh Inh.

Lêwi 23:29

Lăm năr noh bu mă ưh kơ hơdrĭ kơ jơhngơ̆m pơmat akâu sư kơdih đe gô puh tơlĕch sư đơ̆ng kon pơlei pơla sư.

Lêwi 7:19

Ưh kơ gơh sa ôh 'nhĕm ayơ mă đei hơtŭt 'bơm tơmam 'mê̆-'mach, 'nhĕm noh athei 'buh hŭt lê̆ tơ ŭnh. 'Nhĕm ayơ mă gơh sa lu bơngai rơgoh đĕch gơh sa 'nhĕm noh.

Lêwi 7:25

bơngai bu sa rơmă lu kon sem brem yua 'buh hăm ŭnh sa pơyơ̆r kơ Kră Yang, đe gô puh tơlĕch sư đơ̆ng lăm kon pơlei sư kơdih.

Lêwi 7:27

Bu mă sa lu pham noh đe gô puh tơlĕch sư đơ̆ng lăm kon pơlei sư kơdih.

Jo 19:13

Bơngai bu mă hơtŭt 'bơm akâu bơngai lôch păng ưh kơ ôp sut sư rơgoh, gô pơm ăn kơ Bơsŭn Anih Akŭm Kră Yang 'mê̆-'mach. Bơngai noh đe gô pơpuh tơlĕch sư đơ̆ng lăm khŭl bơngai Isơrael; yua kơ đak ôp sut tơdrong 'mê̆-'mach ưh kơ đei tơtreh tơ akâu sư, lei na sư oei 'mê̆-'mach đĕch, tơdrong 'mê̆-'mach oei tơ lăm akâu sư.

I Kor 11:28

Thoi noh boih na rim 'nu bơ̆n athei tơchĕng lăng lăm akâu bơ̆n kơdih 'mơ̆i wă kơ băt bơ̆n gơh huch sa đak păng 'bĕng 'noh dah ưh.

I Sam 20:26

Năr noh, Sôl ưh kơ đei pơma kiơ, tơchĕng khan băt đei tơdrong kiơ truh kơ Đawit boih 'nâu! Hơbŏ sư ưh kơ rơgoh, đei tơdrong 'mê̆-'mach boih 'nâu.