Lêwi 7:19 - Sơ̆p Hlabơar Nơ̆r 'Bok Kei-Dei

¹⁹ Ưh kơ gơh sa ôh 'nhĕm ayơ mă đei hơtŭt 'bơm tơmam 'mê̆-'mach, 'nhĕm noh athei 'buh hŭt lê̆ tơ ŭnh. 'Nhĕm ayơ mă gơh sa lu bơngai rơgoh đĕch gơh sa 'nhĕm noh.

Lêwi 7:19 ပူးပေါင်းရင်းမြစ်များ

Lêwi 6:27

Bu mă hơtŭt 'bơm 'nhĕm soi gô jing rơgoh păng tơdah pham sư tơprah tơ ao athei pih ao ih noh tơ lăm minh anih 'lơ̆ng rơgoh.

Lêwi 7:18

Tơdah bu sa 'nhĕm soi noh lăm năr mă pêng, Kră Yang ưh kơ lăp ôh kơ bơngai pơyơ̆r păng Kră Yang kư̆m lăng ưh kơ yua kiơ kơ sư mơ̆n; noh jing tơmam soi Kră Yang areh, na bu sa tơmam noh gô pŭ iŏk tơdrong kư̆ kă sư.

Lêwi 7:20

Bu mă đei tơdrong kơnê̆ 'mê̆-'mach na sa tơmam soi 'blŏk bơnê pơyơ̆r kơ Kră Yang, bơngai noh đe gô puh tơlĕch sư đơ̆ng kon pơlei pơla.

Luka 11:41

Iĕm athei asong ăn kơ lu bơngai dơnuh hin tơmam sa iĕm lăm pơnhan noh na 'Bok Kei-Dei kư̆m lăng tôm tơdrong iĕm rơgoh 'lơ̆ng ngăl.

Jang 10:28

Pêtrôs khan kơ lu sư: “Iĕm kư̆m băt boih tơdrong juăt nhôn bơngai Juđê ưh kơ ăn nhôn mơ̆t tơ hnam đe tơmoi phara khŭl păng ngôi hơdai păng đe. Mă-lei 'Bok Kei-Dei tơbăt kơ inh nhên boih, inh ưh kơ gơh jô̆ kơ bơngai phara khŭl kơnê̆ ôh.

Rom 14:14

Yua kơ inh lui kơ Yêsu Krist păng inh gơnang kơ Sư tơpă, na inh băt tôm tơdrong tơmam sa, ưh kơ đei tơmam sa ayơ bơ̆n sa khan yoch. Đơ̆ng đon bơ̆n tơchĕng khan yoch đĕch na jing yoch.

Rom 14:20

Tơdrong sa et iĕ ioch đĕch na wă pơrăm 'nhŏng oh bôl buăl kiơ̆ tơdrong 'Bok Kei-Dei. Bơ̆n băt dôm tơmam sa bơ̆n gơh sa ngăl, mă-lei dah 'nhŏng oh bơ̆n yoch yua kơ bơ̆n sa, noh măk ai kơ bơ̆n mă sa noh boih yua kơ bơ̆n dang pơyoch sư.

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Tit 1:15

Bơngai bu đei đon 'lơ̆ng tơpăt, sư huay kơ tơchĕng kơ tơdrong giĕng ôh yua kơ sư pơm tôm tơdrong 'lơ̆ng tơpăt ngăl. Bơngai bu yoch ưh kơ wă lui kơ 'Bok Kei-Dei, bơngai 'noh mă sư kiơ̆ tơdrong giĕng mă ưh, sư ưh kơ đei layơ pơm tơdrong 'lơ̆ng, kơlih kơ đon sư lơ kơnê̆ tơpă.