Lêwi 7:13 - Sơ̆p Hlabơar Nơ̆r 'Bok Kei-Dei

¹³ 'Bĕng tơpŭng hrâu hăm 'buih, na pơyơ̆r hơdai hăm tơmam soi 'blŏk bơnê.

Lêwi 7:13 ပူးပေါင်းရင်းမြစ်များ

Je 33:11

Mă-lei đe gô kơtơ̆ng dơ̆ng nơ̆r hiĕk chhôk 'nă hal tơ noh, nơ̆r bre ŏng mai hle, nơ̆r đe hơri rah chĕp tơmam pơyơ̆r bơnê mơ̆t lăm hnam Kră Yang: ‘Hơri bơnê bĕ kơ Kră Yang Tih Hloh, yua kơ tơdrong 'mêm Sư oei oei ling-lang! Yua kơ tơdrong 'lơ̆ng Sư.’ ” Kră Yang khan: “Yua kơ Inh gô ăn kơ dêh char âu hiôk jơnap, kư̆m thoi adrol sơ̆,”

Lêwi 2:12

Lu iĕm gơh pơyơ̆r tơmam soi noh ăn kơ Kră Yang thoi tơmam soi pơyơ̆r plei blŭng-a. Mă-lei iĕm 'nĕ kơ 'buh tơ ŭnh tơ kơpal chơnang soi thoi tơmam soi đei 'bâu phu.

Lêwi 23:17

Lu iĕm athei năm ba đơ̆ng hnam iĕm 'bar tŏ 'bĕng wă pơm tơmam soi ba 'ma 'ngiĕo, 'bĕng noh pơm hăm minh lăm mơjĭt êpha tơpŭng, đei 'buih pông pơtŏ tơ ŭnh; 'bĕng noh jing tơmam blŭng-a lăm bơyan pơyơ̆r kơ Kră Yang.

Lêwi 23:18

Lu iĕm kư̆m athei pơyơ̆r hloi 'bĕng noh hăm tơpơh tŏ triu kon dang minh sơnăm, ưh kơ đei jĭ kiơ, minh pôm kon rơmo tơno păng 'bar tŏ triu tơno hơdai hăm tơmam soi phe 'ba păng tơmam soi huch wă pơm tơmam soi 'buh hăm ŭnh, pơyơ̆r đei 'bâu phu 'lơ̆ng ăn kơ Kră Yang.

Am 4:5

Soh bĕ tơmam soi đei 'buih. Roi tơbăt dôm tơmam soi pơyơ̆r hăm jơhngơ̆m hiôk; roi pơư bĕ wă kơ bơngai lăm teh đak băt; Ơ kon sâu bơngai Isơrael, lu iĕm oei 'maih wă kơ pơm tơdrong noh, Kră Yang khan thoi noh.

Mathiơ 13:33

Yêsu oei bơtho pơtih gia kơ lu sư dơ̆ng: “Tơdrong 'Bok Kei-Dei pơgơ̆r kon bơngai thoi lĕ kơ 'buih pông. Minh 'nu drŏ-kăn iŏk 'buih pông tŏ sĕt bơlŭ păng tơpŭng mi minh kơthŭng na tơpŭng noh kư̆m pông pơđĭ kơ minh kơthŭng noh mơ̆n.”

I Tim 4:4

Tôm tơdrong 'Bok Kei-Dei pơjing 'lơ̆ng ngăl, bơ̆n gơh sa đĭ-đăng, mă-lei bơ̆n athei krao khan bơnê kơ 'Bok Kei-Dei 'mơ̆i.