Lêwi 6:18 - Sơ̆p Hlabơar Nơ̆r 'Bok Kei-Dei

¹⁸ Rim 'nu kon drŏ-nglo Arôn gơh iŏk sa noh, jơ̆ tơdrong juăt pơtă ăn ling-lang kơ adrĕch adrung lu iĕm, đơ̆ng tơmam pơyơ̆r soh hăm ŭnh pơyơ̆r ăn kơ Kră Yang; bu hơtŭt 'bơm tơmam noh gô jing rơgoh.

Lêwi 6:18 ပူးပေါင်းရင်းမြစ်များ

Le 29:37

Lăm tơpơh năr ih athei soi sơmah huai đơ̆ng yoch păng pơm kơ chơnang soi rơgoh wă kơ chơnang soi jing rơgoh 'lơ̆ng hloh, tơdah tơmam kiơ hơtŭt 'bơm kơ chơnang soi kư̆m jing rơgoh 'lơ̆ng.

Lêwi 3:17

'Nâu bơih jing tơdrong juăt ăn kơ lu adrĕch adrung iĕm ling-lang lăm đĭ-đăng jơhnơr lu iĕm oei arih tơ lăm đĭ-đăng anih tơ yơ lu iĕm oei, lu iĕm ưh kơ gơh sa rơmă dah pham.

Lêwi 4:24

Na dan ti sư tơ kơ̆l bơbe tơno noh, đơ̆ng noh pơlôch hloi 'bơ̆t anăp Kră Yang, pơm tơmam soi 'buh wă huai tơdrong yoch.

Lêwi 4:3

Tơdah 'bok soi mă đei tuh đak rơmă boih na pơm yoch, noh pơm ăn kơ kon pơlei yoch kiơ̆, 'bok soi noh sư athei pơyơ̆r kơ Kră Yang minh pôm rơmo dăm ưh kơ đei jĭ kiơ, yua kơ yoch sư pơm noh.

Lêwi 4:33

Dan ti sư tơ kơpal kơ̆l sem dơrong pơm tơmam soi huai yoch noh, na pơlôch hloi, sư jing tơmam soi huai đơ̆ng yoch 'bơ̆t anih đe juăt kơ pơlôch sem dơrong pơm tơmam soi 'buh

Lêwi 6:10

'Bok soi gô hrŭk ao che 'bui hơdrông păng hơbĕn che 'bui sư, na chup tơnuh đêl ŭnh sa tơ kơpal chơnang soi tuh lê̆ tơ cheng jê̆ chơnang soi.

Lêwi 6:19

Kră Yang khan kơ Môis:

Lêwi 6:27

Bu mă hơtŭt 'bơm 'nhĕm soi gô jing rơgoh păng tơdah pham sư tơprah tơ ao athei pih ao ih noh tơ lăm minh anih 'lơ̆ng rơgoh.

Lêwi 6:29

Rim 'nu bơngai drŏ-nglo lăm lu 'bok soi gơh sa 'nhĕm noh; noh jing tơmam rơgoh hloh.

Lêwi 7:6

Lu drŏ-nglo lăm adrĕch 'bok soi gơh sa 'nhĕm noh, tơ minh anih rơgoh. Na noh jing tơmam 'lơ̆ng rơgoh hloh.

Jo 18:10

Noh tơmam 'lơ̆ng rơgoh hloh ih athei iŏk sa tơmam soi noh lăm anih 'lơ̆ng rơgoh lu bơngai drŏ-nglo gơh iŏk sa.

Jo 18:8

Kră Yang khan kơ Arôn: 'Nâu Inh ăn kơ ih wei-lăng tơmam mă Inh đei iŏk akŭm đơ̆ng lu kon pơlei Isơrael pơyơ̆r kơ Inh, jing tơmam 'lơ̆ng rơgoh; Inh ăn boih tơmam 'nâu jing tơmam ih păng lu kon drŏ-nglo ih, tơdrong juăt 'nâu yua ling-lang hlŏng hloi.

I Kor 9:13

Iĕm kư̆m băt mơ̆n dôm lu bơngai jang tơ lăm hnam akŭm 'Bok Kei-Dei tơm, lu sư sa tơmam đơ̆ng lăm hnam akŭm 'noh. Lu sư sa dôm lu tơmam đe pơyơ̆r kơ 'Bok Kei-Dei păng dôm lu tơmam đe ăn wă sơmah kơ 'Bok Kei-Dei.

I Pet 1:16

yua kơ Sư đei khan tơ lăm sơ̆p hla bơar Sư thoi âu: “Iĕm athei pơm mă 'lơ̆ng tơpăt, yua kơ Inh 'lơ̆ng tơpăt.”

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.