Lêwi 6:11 - Sơ̆p Hlabơar Nơ̆r 'Bok Kei-Dei

¹¹ Đơ̆ng noh sư plôh lê̆ hơbĕn, na iŏk hrŭk hơbĕn ao nai chĕp ba tơnuh noh tơ 'nguaih tuh tơ minh anih rơgoh.

Lêwi 6:11 ပူးပေါင်းရင်းမြစ်များ

Le 29:37

Lăm tơpơh năr ih athei soi sơmah huai đơ̆ng yoch păng pơm kơ chơnang soi rơgoh wă kơ chơnang soi jing rơgoh 'lơ̆ng hloh, tơdah tơmam kiơ hơtŭt 'bơm kơ chơnang soi kư̆m jing rơgoh 'lơ̆ng.

Êsêkiên 44:19

Mưh lu sư lĕch năm tơ cham gah 'nguaih, anih mă đei kon pơlei, lu sư athei plôh lê̆ hơbĕn ao mă lu sư hrŭk bơ̆jang, lê̆ tơ lăm pôm anih rơgoh păng hrŭk ao nai, wă kơ lu sư huay kơ pơm kơ kon pơlei rơgoh 'lơ̆ng yua kơ đơ̆ng hơbĕn ao 'bok soi lu sư.

Lêwi 16:27

Đe gô anhăk ba rơmo tơno păng bơbe tơno tơ 'nguaih kơ gơđông, tơmam mă hlôi pơyơ̆r bơih pơm tơmam soi huai iŏk đơ̆ng yoch, pham sư đe anhăk ba tơ anih 'lơ̆ng rơgoh wă soi sơmah huai tơdrong yoch; đơ̆ng noh sư gô iŏk soh lê̆ lăm ŭnh, akar, sĕch păng ĭch, tơmam soi noh tơ 'nguaih kơ gơđông.

Lêwi 24:9

Lu 'bĕng âu gô 'măn kơ Arôn păng lu kon drŏ-nglo sư, lu sư gô sa tơ anih 'lơ̆ng rơgoh, yua kơ tơmam 'măn kơ lu sư noh rơgoh, noh đơ̆ng lu tơmam soi yua 'buh hăm ŭnh pơyơ̆r kơ Kră Yang, noh jing tơdrong juăt pơkă ling-lang.

Lêwi 4:12

Đĭ-đăng akâu rơmo noh sư athei chĕp ba lĕch tơ 'nguaih kơ anih kơđông, năm tơ minh anih 'lơ̆ng rơgoh, anih mă lu sư tuh tơnuh, đơ̆ng noh dan hơtŏk tơ kơpal 'long ŭnh păng 'buh hăm ŭnh, đe gô 'buh đĭ-đăng 'bơ̆t anih đe tuh tơnuh noh.

Lêwi 4:21

đơ̆ng noh lu sư anhăk ba rơmo dăm noh lĕch tơ 'nguaih kơđông, na 'buh pơyơ̆r thoi sư 'buh pơyơ̆r rơmo dăm adrol ki mơ̆n, noh Jơ̆ tơmam soi huai đơ̆ng yoch kơ lu khŭl akŭm.

Lêwi 6:10

'Bok soi gô hrŭk ao che 'bui hơdrông păng hơbĕn che 'bui sư, na chup tơnuh đêl ŭnh sa tơ kơpal chơnang soi tuh lê̆ tơ cheng jê̆ chơnang soi.

Lêwi 6:12

Ŭnh kơpal chơnang soi athei khơ̆ng ling-lang, ưh kơ gơh păt ôh. Rim pơgê 'bok soi dan 'long ŭnh kơpal chơnang soi, dan tơmam soi 'buh kơpal 'long ŭnh păng 'buh rơmă tơmam soi 'blŏk bơnê tơ noh.

Lêwi 6:20

'Nâu jơ̆ tơmam pơyơ̆r Arôn păng lu kon drŏ-nglo sư, gô pơyơ̆r ăn kơ Kră Yang lăm năr đe tuh đak rơmă tơ lu sư minh lăm mơjĭt êpha tơpŭng, pơm tơmam pơyơ̆r hăm tơpŭng đe juăt kơ pơyơ̆r hơnơ̆ng, minh puăt pơyơ̆r til pơgê, minh puăt pơyơ̆r til kơsơ̆,

Lêwi 6:22

'Bok soi lăm lu kon drŏ-nglo Arôn, bơngai ayơ mă đe tuh đak rơmă wă tơplih sư pơm 'bok soi kư̆m athei pơyơ̆r tơmam soi 'nâu kiơ̆ thoi tơdrong juăt pơkă ling-lang 'bơ̆t anăp Kră Yang đe gô soh pơyơ̆r đĭ tơmam noh.

Lêwi 7:6

Lu drŏ-nglo lăm adrĕch 'bok soi gơh sa 'nhĕm noh, tơ minh anih rơgoh. Na noh jing tơmam 'lơ̆ng rơgoh hloh.