Lêwi 5:17 - Sơ̆p Hlabơar Nơ̆r 'Bok Kei-Dei

¹⁷ Tơdah bu mă pơm glăi minh tơdrong lăm dôm lu nơ̆r tơtă Kră Yang khă kuă ăn kơ pơm, mă khan sư ưh kơ băt ôh kơ tơdrong noh, lei bơngai noh kư̆m yoch bơih păng gô pŭ iŏk tơdrong yoch sư.

Lêwi 5:17 ပူးပေါင်းရင်းမြစ်များ

Horiso 19:12

Bu băt kơdih đei yoch glăi? Apinh Kră Yang mơnat tơdrong yoch mă inh ưh kơ băt.

Lêwi 4:13

Tơdah đĭ-đăng lu bơngai Isơrael yua kơ hơch 'bơm pơm yoch boih, mă-lei lu bơngai tơpôl akŭm tam mă băt păng lu sư pơm yoch minh tơdrong lăm lu nơ̆r Kră Yang tơtă khă ưh kơ ăn pơm, yua kơ tơdrong noh sư jing yoch boih.

Lêwi 4:22

Tơdah đei yŏng pơgơ̆r ayơ mă yua kơ hơch 'bơm pơm yoch minh tơdrong lăm nơ̆r tơtă Kră Yang 'Bok Kei-Dei Sư khă ưh kơ ăn pơm, mă đei pơm yoch boih.

Lêwi 4:27

Tơdah minh 'nu bơngai lăm lu kon pơlei hơch 'bơm pơm yoch, minh tơdrong lăm nơ̆r tơtă Kră Yang păng pơm tơdrong Sư khă ưh kơ ăn pơm noh na jing yoch boih.

Lêwi 5:15

Layơ bơngai bu mă hơch 'bơm kơ pơm yoch lăm minh tơmam rơgoh Kră Yang. Na bơngai noh yua kơ tơdrong yoch sư kơdih, sư athei chĕp ba tơ Kră Yang minh pôm kon triu tơno ưh kơ đei Jĭ kiơ, athei rôp đơ̆ng lăm khŭl sư, ih jô̆ tinh kon triu noh gĭt sư hơgăt kiơ̆ kơ jên hu seikơl đơ̆ng hnam akŭm rơgoh, noh jơ̆ minh tơmam soi huai đơ̆ng yoch pơm glăi kơ khôi juăt.

Lêwi 5:18

Yua kơ tơdrong yoch sư kơdih bơngai noh athei chĕp ba tơ 'bok soi minh pôm kon triu tơno ưh kơ đei jĭ kiơ. Ih jô̆ sư gĭt thoi tơmam soi pơyơ̆r yua kơ đơ̆ng yoch glăi kơ khôi juăt, na 'bok soi gô soi sơmah ăn kơ bơngai mă glăi 'bơm pơm yoch, na tơdrong yoch bơngai noh gô mơnat ăn.

Lêwi 5:19

Noh jơ̆ tơmam soi sơmah huai đơ̆ng yoch yua kơ sư đei pơm yoch hăm khôi juăt, sư pơm yoch boih 'bơ̆t anăp Kră Yang.

Luka 12:48

Dôm lu đĭch đam mă ưh kơ băt kơ nơ̆r yŏng sư ată, na ưh kơ pơm kiơ̆, yŏng sư kư̆m gô tôn teh mơ̆n, mă-lei lăp lăp 'biơ̆. Bơngai bu yŏng sư ăn jang tih hloh kơ đe, bơngai noh, dah sư ưh kơ chu, yŏng sư gô phak sư kơtang hloh kơ đe.

Rom 14:23

Mă tơdrong sa, mă tơdrong kiơ kiơ noh nai bơ̆n tơchĕng khan băt giĕng băt ưh, mă-lei bơ̆n kư̆ kơ pơm, noh bơ̆n yoch boih yua kơ bơ̆n ưh kơ kiơ̆ kơ đon lui bơ̆n.