Lêwi 4:31 - Sơ̆p Hlabơar Nơ̆r 'Bok Kei-Dei

³¹ Đơ̆ng noh sư gô pleh lê̆ đĭ rơmă thoi pleh lu rơmă tơmam soi 'blŏk bơnê mơ̆n. 'Bok soi chĕp ba 'buh tơ chơnang soi jing tơmam soi pơyơ̆r 'bâu phu kơ Kră Yang, noh bơih 'bok soi gô pơm tơdrong sut rơgoh yoch sư, na bơngai noh Kră Yang gô mơnat ăn.

Lêwi 4:31 ပူးပေါင်းရင်းမြစ်များ

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

Esơra 6:10

wă kơ lu sư soi pơyơ̆r lu tơmam soi 'bâu phu ăn kơ Kră Yang 'Bok Kei-Dei kơpal plĕnh lăp đon păng krao khan kơ tơdrong arih pơtao păng lu kon drŏ-nglo inh.

Jop 42:8

Na dang ei, rôp bĕ tơpơh tŏ rơmo tơno păng tơpơh tŏ triu tơno năm truh tơ Jop, đĭch đam Inh, lu iĕm pơyơ̆r tơmam soi 'buh; na Jop đĭch đam Inh, gô krao khan ăn kơ lu iĕm; Inh gô tơl nơ̆r sư, na Inh huay kơ phak lu iĕm kiơ̆ kơ tơdrong kơtul kơmŭl lu iĕm, yua kơ lu iĕm ưh kơ đei pơma tơpăt gah Inh thoi Jop đĭch đam Inh mă pơma bơih.”

Le 29:18

Na 'buh pơđĭ triu tơno noh tơ kơpal chơnang soi; 'noh jing tơmam soi 'buh, đei 'bâu phu pơyơ̆r kơ Kră Yang, wă khan tơmam soi 'buh păng ŭnh pơyơ̆r ăn kơ Kră Yang.

Êsai 42:21

Kơ tơdrong 'lơ̆ng tơpăt Sư kơdih Kră Yang lăp đon, Sư gô pơm kơ khôi juăt Sư hơdah păng ư-ang.

Êsai 53:10

Mă-lei Kră Yang lăp đon ăn kơ sư đe teh pơjuă păng pơjĭ. Đang kơ sư pơyơ̆r akâu jăn sư pơm tơmam soi huai iŏk đơ̆ng yoch. Sư gô 'bôh adrĕch adrung sư; lu năr sư gô rai sot kơjung, păng jơhngơ̆m đon Kră Yang wă na gơh jing đơ̆ng Sư.

Lêwi 1:13

Mă-lei sư gô iŏk đak ôp klak păng tơkong. Đơ̆ng noh lu 'bok soi gô pơyơ̆r đĭ tơmam soi 'buh dan tơ kơpal chơnang soi noh pơm tơmam soi 'buh wă khan tơmam soi 'buh lăm ŭnh wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:17

Sư gô hek 'bar pah pơnăr, mă-lei lê̆ sư oei tơklep ưh kơ tơpleh. Đơ̆ng noh 'bok soi 'buh dan tơ kơpal chơnang soi, ŭnh sa oei khơ̆ng, noh tơmam soi 'buh, wă khan tơmam soi 'buh lăm ŭnh, wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:9

Mă-lei sư gô iŏk đak ôp klak păng tơkong. Đơ̆ng noh lu 'bok soi gô 'buh dan đĭ tơmam soi tơ kơpal chơnang soi, noh boih tơmam soi 'buh, wă khan tơmam soi 'buh lăm ŭnh sa wă pơyơ̆r đei 'bâu phu 'lơ̆ng ăn kơ Kră Yang.

Lêwi 14:18

Đak rơmă oei oei lăm tơpang ti, 'bok soi gô hling tơ kơ̆l bơngai wă kơ rơgoh noh. Thoi noh 'bok soi gô soi sơmah pơm rơgoh ăn kơ sư 'bơ̆t anăp Kră Yang.

Lêwi 15:15

'Bok soi gô pơyơ̆r, minh pôm sem pơm tơmam soi huai đơ̆ng yoch minh pôm sem pơm tơmam soi 'buh, thoi noh 'bok soi gô soi sơmah wă kơ goh tơdrong yoch sư 'bơ̆t anăp Kră Yang yua kơ đei tơdrong jĭ lĕch đak đuh đơ̆ng akâu.

Lêwi 19:22

'Bok soi gô iŏk triu tơno noh pơm tơmam soi wă kơ goh đơ̆ng tơdrong hơch 'bơm pơm yoch, 'bơ̆t anăp Kră Yang wă soi sơmah ăn kơ bơngai mă đêl pơm glăi noh, thoi noh tơdrong yoch sư gơh mơnat ăn.

Lêwi 2:2

Sư gô ba ăn kơ lu 'bok soi kon drŏ-nglo Arôn; lu 'bok soi gô chup iŏk minh kơđôp tơpŭng mă hrâu hăm đak rơmă ôliwơ noh păng hơdai hăm đĭ-đăng tơmam 'bâu phu sư; păng wă soh đĭ tơmam soi noh tơ kơpal chơnang soi, pơm 'blŏk hơdơ̆r minh tơdrong soi pơyơ̆r 'buh soh hăm ŭnh wă kơ 'bâu phu 'lơ̆ng ăn kơ Kră Yang.

Lêwi 2:9

'Bok soi sư gô iŏk tơmam soi wă pơyơ̆r noh pơm tơmam soi 'blŏk hơdơ̆r, soh tơ chơnang soi noh pơm tơmam soi soh hăm ŭnh sa đei 'bâu phu 'lơ̆ng ăn kơ Kră Yang.

Lêwi 4:19

Sư kư̆m pleh lê̆ đĭ lu rơmă 'măn 'buh tơ chơnang soi.

Lêwi 4:26

Đĭ rơmă sư gô 'buh tơ kơpal chơnang soi, thoi rơmă tơmam soi 'blŏk bơnê mơ̆n, noh na 'bok soi gô pơm tơdrong sut rơgoh yoch sư, na sư gơh đei tơdrong mơnat ăn.

Lêwi 4:35

Sư pleh đĭ rơmă thoi đei pleh rơmă triu kon pơm tơmam soi 'blŏk bơnê, 'bok soi gô chĕp ba 'buh tơ chơnang soi tơ kơpal tơmam soi 'buh hăm ŭnh pơyơ̆r kơ Kră Yang, thoi noh bơih 'bok soi gô pơm tơdrong sut rơgoh yoch bơngai mă pơm yoch na tơdrong yoch sư gơh mơnat ăn.

Lêwi 5:10

Sư gô pơyơ̆r mă 'bar, noh jing tơmam soi 'buh kiơ̆ kơ tơdrong juăt 'bok soi gô sơmah wă kơ rơgoh, đơ̆ng yoch bơngai noh mă pơm boih, na tơdrong yoch bơngai noh gơh mơnat ăn.

Lêwi 5:6

Đơ̆ng noh sư athei chĕp ba tơmam soi pơyơ̆r yua kơ pơm yoch, hăm tơdrong juăt Kră Yang minh pôm kon triu dah bơbe akăn pơm tơmam soi huai iŏk yua kơ yoch, na 'bok soi gô soi sơmah kơ sư wă kơ sư rơgoh đơ̆ng yoch.

Lêwi 8:21

Đang kơ đe iŏk đak ôp klak mot, lu tơkong, đơ̆ng noh Môis iŏk đĭ akâu kon bơbe tơno 'buh pơyơ̆r tơ kơpal chơnang soi, noh pơm tơmam soi 'buh đei 'bâu phu yua 'buh hăm ŭnh wă pơyơ̆r kơ Kră Yang kiơ̆ thoi đei tơtă kơ Môis boih.

Jo 15:25

'Bok soi gô soi sơmah huai iŏk đơ̆ng tơdrong yoch ăn kơ đĭ-đăng tơpôl kon pơlei Isơrael, lei na tơdrong yoch đĭ tơpôl kon pơlei noh gô mơnat ăn, yua kơ noh tơdrong yoch glăi hơch 'bơm păng kon pơlei đei anhăk ba 'bơ̆t anăp Kră Yang tơmam soi kơdih, wă khan tơmam soi yua ŭnh soh pơyơ̆r, hơdai hăm tơmam soi huai tơdrong yoch.

Mathiơ 3:17

Păng kư̆m đei nơ̆r pơma đơ̆ng plĕnh khan: “Âu boih Kon Inh mă 'mêm kơeng tơpă, Inh lăp đon kơ Sư tôm tơdrong.”

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Hêbrơ 1:3

'Bă Sư thoi lĕ kơ măt 'năr, Kon Sư thoi lĕ kơ hơdah. Tơdrong hơbŏ Sư kư̆m thoi lĕ kơ 'Bă Sư, Sư pơgơ̆r đĭ-đăng kơ plĕnh păng teh, yua kơ Sư Yang, Sư mơsêh tơpă. Păng Sư đei jur tơ teh âu ăn akâu Sư kơdih dŏng pơklaih kon bơngai đơ̆ng tơdrong yoch. Đang tơdrong 'noh boih na Sư tŏk oei gah 'ma kơ 'Bă Sư pơgơ̆r tơ kơpal plĕnh ti.

Hêbrơ 10:12

Gah Yêsu Krist, Sư soi akâu Sư kơ 'Bok Kei-Dei wă pơklaih tơdrong yoch kon bơngai minh 'măng sơ̆ tôm boih. Dang ei Sư tơoei gah 'ma kơ 'Bă Sư 'Bok Kei-Dei.

Hêbrơ 10:14

Lu bơngai mă gơnang kơ Sư soi kơ 'Bok Kei-Dei akâu Sư minh 'măng noh gô klaih đơ̆ng tơdrong yoch jing 'lơ̆ng tơpăt hăm 'Bok Kei-Dei. 'Bok Kei-Dei ưh pă layơ jô̆ yo kơ tơdrong yoch lu sư boih.

Hêbrơ 9:12

Yêsu mơ̆t boih hnam ei, truh tơ anih giĕng tih hloi. Sư mơ̆t soi minh 'măng đĕch tôm hloi kơ tơdrong soi boih yua kơ Sư soi hăm pham Sư kơdih. Ưh kơ sĭ Sư soi hăm pham bơbe pham rơmo ôh. Sư soi thoi noh đĕch, na bu wă gơnang kơ tơdrong Sư soi noh, bơngai noh gô klaih hloi kơ tơdrong yoch.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.

Tơdrông Tơ'bôh 5:9

Na lu đe ei hơri minh tơdrong 'nao thoi âu: “Pôm Ih đĕch trŏ kơ hek lăng hla bơar đe pơklep noh yua kơ Ih lôch tang kon bơngai, păng pham Ih lĕch sĕch Ih huŏng huai iŏk kon bơngai brŏk tơ 'Bok Kei-Dei đơ̆ng rim dêh char, rim adrĕch adrung, rim khŭl bơngai, rim kơ nơ̆r pơma.