Lêwi 4:27 - Sơ̆p Hlabơar Nơ̆r 'Bok Kei-Dei

²⁷ Tơdah minh 'nu bơngai lăm lu kon pơlei hơch 'bơm pơm yoch, minh tơdrong lăm nơ̆r tơtă Kră Yang păng pơm tơdrong Sư khă ưh kơ ăn pơm noh na jing yoch boih.

Lêwi 4:27 ပူးပေါင်းရင်းမြစ်များ

Horiso 19:13

Apinh Kră Yang bơwei lu đĭch đam Ih huay kơ pơrơ̆ng pơm yoch,d 'Nĕ ăn tơdrong yoch noh pơgơ̆r inh; na Ih huay chrih kơ inh, Păng huay kơ pơm tơdrong yoch tih.

Le 12:49

Kŭm đei lei-lăi minh tơdrong juăt ăn lu bơngai tơpŭ lăm dêh iĕm hăm bơngai tơmoi ayơ truh oei hơdai hăm lu iĕm.

Êsêkiên 45:17

Mă-lei yŏng pơgơ̆r athei hơmet lu tơmam soi 'buh, tơmam soi phe 'ba păng tơmam sa et sa năr kơ̆m giĕng lăm khei blŭng-a năr Sa'bat, lăm rim năr kơ̆m giĕng et sa lu bơngai Isơrael. Sư athei pơyơ̆r lu tơmam soi huai đơ̆ng yoch, tơmam soi phe 'ba, tơmam soi 'buh, tơmam soi 'blŏk bơnê wă huai đơ̆ng yoch ăn kơ kon pơlei Isơrael.

Êsêkiên 45:20

Lăm năr mă tơpơh lăm khei noh, ih kư̆m athei pơm tơdrong noh kơ lu bơngai pơm yoch hơch 'bơm dah yua kơ ưh kơ hlôh; thoi noh ih gô pơm rơgoh kơ hnam akŭm.

Lêwi 4:13

Tơdah đĭ-đăng lu bơngai Isơrael yua kơ hơch 'bơm pơm yoch boih, mă-lei lu bơngai tơpôl akŭm tam mă băt păng lu sư pơm yoch minh tơdrong lăm lu nơ̆r Kră Yang tơtă khă ưh kơ ăn pơm, yua kơ tơdrong noh sư jing yoch boih.

Lêwi 4:2

Khan bĕ kơ kon pơlei Isơrael: Tơdah bu mă hơch 'bơm kơ pơm yoch glăi minh tơdrong lăm nơ̆r Kră Yang tơtă ưh kơ ăn pơm.

Lêwi 4:22

Tơdah đei yŏng pơgơ̆r ayơ mă yua kơ hơch 'bơm pơm yoch minh tơdrong lăm nơ̆r tơtă Kră Yang 'Bok Kei-Dei Sư khă ưh kơ ăn pơm, mă đei pơm yoch boih.

Lêwi 5:17

Tơdah bu mă pơm glăi minh tơdrong lăm dôm lu nơ̆r tơtă Kră Yang khă kuă ăn kơ pơm, mă khan sư ưh kơ băt ôh kơ tơdrong noh, lei bơngai noh kư̆m yoch bơih păng gô pŭ iŏk tơdrong yoch sư.

Lêwi 9:15

Păng sư pơyơ̆r tơmam soi kon pơlei pơla. Sư rôp bơbe tơno pơm tơmam soi huai đơ̆ng yoch kon pơlei păng pơlôch kon bơbe noh, pơyơ̆r wă huai đơ̆ng yoch, nhen thoi tơmam soi huai đơ̆ng yoch mă adrol ki.

Jo 15:16

Gô đei minh khôi juăt păng tơdrong juăt lei-lăi ăn kơ lu iĕm păng kơ lu bơngai tơmoi mă oei hơdai iĕm.

Jo 15:22

Tơdah lu iĕm đei pơm yoch glăi 'bơm, ưh kơ kĕ wei răk dôm tơdrong juăt pơkă 'nâu mă Kră Yang đei pơkă boih kơ Môis,

Jo 15:27

Tơdah đei minh 'nu glăi hơch 'bơm pơm yoch, sư athei pơyơ̆r minh pôm bơbe akăn truh minh sơnăm pơm tơmam soi huai tơdrong yoch;

Jo 15:29

Khôi juăt 'nâu yua kơ rim 'nu bơngai hơch 'bơm kơ pơm yoch mă tơdah glăi 'bơm pơm yoch, kư̆m gô pơm lei-lăi minh pôm khôi juăt kơ lu iĕm bơngai Isơrael dah lu bơngai tơmoi mă tơpŭ lăm char âu.

Jo 5:6

Ih khan bĕ kơ lu bơngai Isơrael: Tơdah đei minh 'nu drŏ-nglo dah bơngai drŏ-kăn pơm tơdrong yoch mă kon bơngai ngăl juăt kơ pơm, pơm glăi kơ Kră Yang jô̆ bơngai noh pơm yoch;