Lêwi 4:24 - Sơ̆p Hlabơar Nơ̆r 'Bok Kei-Dei

²⁴ Na dan ti sư tơ kơ̆l bơbe tơno noh, đơ̆ng noh pơlôch hloi 'bơ̆t anăp Kră Yang, pơm tơmam soi 'buh wă huai tơdrong yoch.

Lêwi 4:24 ပူးပေါင်းရင်းမြစ်များ

II Pot 12:16

Jên gah tơmam soi huai iŏk tơdrong glăi, păng jên gah tơmam soi huai iŏk tơdrong yoch, đe ưh kơ chĕp tah tơmơ̆t lăm hnam akŭm kơkuh kơ Kră Yang; jên ei 'măn kơ 'bok soi.

II Ho 29:23

Lu sư kư̆m rôp iŏk bơbe tơno wă pơm tơmam soi huai đơ̆ng yoch năm tơ anăp pơtao păng lu kon pơlei akŭm, dan ti lu sư kơpal lu kon sem soi pơyơ̆r noh,

Le 29:38

'Nâu dôm tơmam ih athei pơyơ̆r tơ chơnang soi; 'bar tŏ kon triu 'nao minh sơnăm, pơm rim năr ling-lang thoi noh.

Êsai 53:6

Đĭ-đăng lu bơ̆n thoi triu jrok trong. Rim 'nu kiơ̆ trong kơdih: Lei na Kră Yang iŏk đĭ tơdrong yoch lu bơ̆n tơpŭ ăn kơ sư.

Lêwi 1:11

ket pơlôch hloi tơ gah yă-nơ̆m kơ chơnang soi 'bơ̆t anăp Kră Yang. Đơ̆ng noh lu 'bok soi kon drŏ-nglo Arôn gô iŏk pham tơtreh tăp dăr kơ chơnang soi.

Lêwi 1:4

Na bơngai pơyơ̆r sư dan ti sư tơ kơpal kơ̆l sem dơrong wă soi 'buh noh na kon sem noh gô jing tơmam soi pơklaih tơdrong yoch sư.

Lêwi 1:5

Sư gô 'bet pơlôch rơmo dăm noh 'bơ̆t anăp Kră Yang, na lu 'bok soi kon drŏ-nglo Arôn iŏk pham rơmo pơyơ̆r păng tơtreh tăp dăr kơ chơnang soi 'bơ̆t 'măng Bơsŭn Anih Akŭm.

Lêwi 14:13

Sư gô pơlôch kon triu noh lăm anih đe juăt kơ pơlôch sem dơrong tơmam soi, wă pơm tơmam soi huai đơ̆ng yoch. Păng tơmam soi 'buh, tơ minh anih 'lơ̆ng rơgoh, yua kơ tơmam soi huai đơ̆ng tơdrong hơch 'bơm pơm yoch, 'nâu mơ̆ng kơ 'bok soi ngăl kư̆m thoi tơmam soi huai đơ̆ng yoch mơ̆n, noh jơ̆ minh tơmam 'lơ̆ng rơgoh hloh.

Lêwi 16:15

Đơ̆ng noh sư gô pơlôch bơbe tơno pơm tơmam soi yua huai đơ̆ng yoch kon pơlei pơla; sư chĕp ba pham bơbe noh tơ lăm che pĕng, kư̆m thoi yua pham rơmo dăm mơ̆n, tơtraih tơ kơpal tơnglơ̆p tơdrong mơnat ăn păng tơ anăp tơ'bơ̆p mơnat ăn.

Lêwi 3:13

Dan ti sư tơ kơpal kơ̆l kon bơbe noh. Na sư pơlôch hloi 'bơ̆t anăp Bơsŭn Anih Akŭm. Lu kon drŏ-nglo Arôn gô tơtraih pham jum dăr kơ chơnang soi.

Lêwi 3:2

Sư gô dan ti sư tơ kơpal kơ̆l kon rơmo mă sư pơyơ̆r noh na 'bet pơlôch hloi, 'bơ̆t 'măng tơm mơ̆t tơ Bơsŭn Anih Akŭm. Lu 'bok soi kon drŏ-nglo Arôn gô tơtraih pham noh tăp dăr kơ chơnang soi.

Lêwi 3:8

Dan ti sư tơ kơpal kơ̆l kon triu đơ̆ng noh 'bet pơlôch hloi 'bơ̆t anăp 'măng Bơsŭn Anih Akŭm. Lu kon drŏ-nglo Arôn gô tơtraih pham jum dăr kơ chơnang soi.

Lêwi 6:18

Rim 'nu kon drŏ-nglo Arôn gơh iŏk sa noh, jơ̆ tơdrong juăt pơtă ăn ling-lang kơ adrĕch adrung lu iĕm, đơ̆ng tơmam pơyơ̆r soh hăm ŭnh pơyơ̆r ăn kơ Kră Yang; bu hơtŭt 'bơm tơmam noh gô jing rơgoh.

Lêwi 6:22

'Bok soi lăm lu kon drŏ-nglo Arôn, bơngai ayơ mă đe tuh đak rơmă wă tơplih sư pơm 'bok soi kư̆m athei pơyơ̆r tơmam soi 'nâu kiơ̆ thoi tơdrong juăt pơkă ling-lang 'bơ̆t anăp Kră Yang đe gô soh pơyơ̆r đĭ tơmam noh.

Lêwi 6:25

Roi bĕ kơ Arôn păng lu kon drŏ-nglo sư: 'Nâu boih tơdrong juăt gah tơmam soi huai đơ̆ng yoch athei pơlôch bĕ kon sem wă soi huai đơ̆ng yoch 'bơ̆t anăp Kră Yang. Tơ anih mă đe juăt kơ pơlôch kon sem wă pơyơ̆r tơmam soi 'buh noh jơ̆ tơmam rơgoh hloh.

Lêwi 7:2

Lăm anih đe pơlôch kon sem pơm tơmam soi 'buh na athei pơlôch kon sem pơm tơmam soi huai đơ̆ng yoch, đơ̆ng noh tơtraih pham sư jum dăr tơ chơnang soi.