Lêwi 27:28 - Sơ̆p Hlabơar Nơ̆r 'Bok Kei-Dei

²⁸ Dôm lu tơmam jao, wă khan đĭ-đăng tơmam kiơ mă pơyơ̆r kơ Kră Yang, kon bơngai, sem brem dah chŭn mir tơmam đơ̆ng lăm hnam bơ̆n đei, ưh pă gơh tĕch kư̆m ưh kơ gơh kơ huai pơdrâu iŏk ôh. Yua kơ dôm tơmam noh 'lơ̆ng rơgoh ăn kơ Kră Yang bơih.

Lêwi 27:28 ပူးပေါင်းရင်းမြစ်များ

II Ho 31:14

Kôrê kon drŏ-nglo Imna, bơngai Lêwi bơngai wei 'Măng Jang Hơlĕch, sư yŏng wei-lăng tơmam đe pơyơ̆r kơ Kră Yang 'Bok Kei-Dei hăm jơhngơ̆m hiôk păng lu tơmam 'lơ̆ng rơgoh.

Le 22:20

Bơngai bu kơkuh soi sơmah kơ lu yang nai ưh kơ trŏ kơ Kră Yang đe gô pơlôch sư.

Êsêkiên 44:29

Lu sư gô sa lu tơmam soi pơyơ̆r phe ba, tơmam soi huai đơ̆ng yoch păng tơmam soi huai đơ̆ng tơdrong glăi; tơmam kiơ pơyơ̆r đơ̆ng lu bơngai Isơrael noh jing tơmam lu sư.

Êsêkiên 48:14

Teh 'nâu lu sư ưh kơ gơh tĕch, ưh kơ gơh tơplih, dah mă chă ăn kơ đe chă ala iŏk. Yua kơ teh âu klah lê̆ 'lơ̆ng rơgoh pơyơ̆r kơ Kră Yang.

Lêwi 21:22

Sư gơh sa tơmam sa Kră Yang 'Bok Kei-Dei sư, mă tơmam 'lơ̆ng rơgoh hloh păng tơmam 'lơ̆ng rơgoh.

Lêwi 27:21

Mă-lei tơdah truh tơ sơnăm hiôk-hian bơih, chŭn noh pơdrâu kơ tơ'ngla sư. Lei chŭn noh gô jing rơgoh 'lơ̆ng, teh âu gô jing tơmam Kră Yang gô jao ăn kơ 'bok soi.

Lêwi 27:27

Păng tơdah kon sem brem ưh kơ rơgoh, sư athei kiơ̆ kơ tơdrong gĭt đei hơgăt. Na thim minh lăm pơđăm, đơ̆ng noh huai pơdrâu iŏk sư. Tơdah kon sem noh đe ưh kơ huai pơdrâu iŏk, đe gô tĕch sư, kiơ̆ kơ tơdrong gĭt đei hơgăt bơih.

Lêwi 27:29

Minh 'nu bơngai đe wă pơlôchd 'bơ̆t anăp kon bơngai ưh pă gơh wă huai iŏk sư ôh, bơngai noh khŏm ăn đe pơlôch.

Jo 18:14

Mă dôm tơmam kiơ đơ̆ng bơngai Isơrael pơyơ̆r noh jing tơmam ih ngăl.

Mathiơ 25:41

“Klaih kơ noh Inh pơma kơ lu bơngai mă oei gah 'ngiĕo kơ Inh dơ̆ng thoi âu: ‘Dang ei 'Bok Kei-Dei wă phak iĕm boih, iĕm jah weh đơ̆ng âu kơdâu năm tơ dơnâu ŭnh to bĕ. Ŭnh noh ưh kơ layơ păt, ŭnh noh 'Bok Kei-Dei hơmet ăn kơ yang Satan păng đĭ-đăng kơ lu linh jang kơ sư năm oei tơ lăm dơnâu ŭnh noh.

Rom 9:3

Inh 'mêm ră kơ lu bơngai Isơrael tă kơ 'nhŏng oh inh ngăl. Đon inh hơdơ̆r kơ lu sư lui kơ Yêsu Krist đĭ, lê̆ kơ inh ưh, pŭ dôm tơdrong phak lu sư ning-mônh.

I Kor 16:22

Bơngai bu ưh kơ 'mêm kơ Kră Yang Yêsu, bơngai 'noh sư đei tơdrong 'Bok Kei-Dei wă phak sư. Ơ Kră Yang Yêsu, jur bĕ, dah jur tơ nhôn.

Galati 3:10

Mă-lei dôm lu bơngai mă gơnang kơ akâu sư kơdih wă kiơ̆ tơdrong juăt Môis khan gơh klaih đơ̆ng tơdrong yoch păng khan gơh jing bơngai 'lơ̆ng tơpăt hăm 'Bok Kei-Dei, lu bơngai noh kơnh 'Bok Kei-Dei wă phak lu sư, kơlih kơ lăm sơ̆p hla bơar 'Bok Kei-Dei khan boih hơdrol sơ̆ thoi âu: “'Bok Kei-Dei wă phak dôm lu bơngai mă ưh kơ kiơ̆ tôm tơdrong mă chih boih lăm sơ̆p hla bơar tơdrong juăt 'Bok Kei-Dei.”

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Both 25:19

Layơ Kră Yang 'Bok Kei-Dei lu iĕm ăn tơdrong hiôk hơđơ̆ng pơdơh đơ̆ng lu bơngai dăr wang tăp dăr kơ iĕm lăm dêh mă Kră Yang 'Bok Kei-Dei iĕm ăn kơ lu iĕm iŏk bơ̆jang sa, asong băl athei sŭt lê̆ tơdrong 'blŏk đơ̆ng Amalek đơ̆ng ala teh âu, 'nĕ kơ hiơt hŏ.

Both 7:26

'Nĕ kơ chĕp ba tơmơ̆t lăm hnam iĕm tơmam mă trŏ areh dêh noh, kơnh hli kơ iĕm wang dai lôch răm. Iĕm athei lăng areh krưp, yua kơ tơmam noh trŏ kơ wă pơrăm.

Jôsuê 6:26

Kơplah noh Jôsuê pơma pơkă pơkăm thoi âu: Bơngai bu man pơdơ̆ng ming pơlei Jêrikô, đe gô hiap pơtê̆ 'bơ̆t anăp Kră Yang! Bu man pơdơ̆ng ming hơnă sư, kon drŏ-nglo kơdră sư gô lôch, bu man pơdơ̆ng ming măng jang pơlei, kon hơdruch sư gô lôch.

Jôsuê 7:1

Kon pơlei Isơrael đei pơm tơdrong yoch ưh kơ chu gah tơmam trŏ kơ pơyơ̆r; păng pơrăm Akan kon drŏ-nglo Karmi, sâu Sapđi, sâu i Sêra, đơ̆ng adrĕch Juđa, đei iŏk tơmam trŏ kơ soh pơrăm lê̆ păng trŏ kơ pơyơ̆r noh, lei Kră Yang, hil mĭl kơ kon pơlei Isơrael.

Jôsuê 7:25

Jôsuê khan: Yua kơ kiơ ih pơm tơdrong răm kơ lu bơ̆n? Kră Yang kư̆m pơrăm ih thoi noh mơ̆n năr 'nâu, đĭ-đăng kon pơlei Isơrael, klơ̆m tơmo tơ Akan. Đơ̆ng rŏng kơ klơ̆m tơmo đĭ-đăng hnam dơnŏ sư, đe iŏk ŭnh soh pơlôch đĭ lu sư.

Lu 21:11

'Nâu tơdrong ăn kơ lu iĕm athei pơm: Pơlôch pơgoh đĭ dôm lu bơngai drŏ-nglo păng lu bơngai drŏ-kăn, mă ngôi hăm bơngai drŏ-nglo boih.

Lu 21:18

Lu bơ̆n ưh kơ gơh ăn kon drŏ-kăn bơ̆n pơm akăn lu sư ôh yua kơ kon pơlei Isơrael pơkă pơkăm boih: Hiap pơtê̆ bĕ kơ bơngai bu mă rôp kon drŏ-kăn sư ăn kơ bơngai Bênjamin pơm akăn!

Lu 21:5

Na lu kon pơlei Isơrael khan: Lăm lu adrĕch bơngai Isơrael bu mă ưh kơ đei akŭm hơdai bơ̆n 'bơ̆t anăp Kră Yang tơ âu? Lu sư khan thoi noh yua kơ lu bơngai Isơrael đei pơkă pơkăm boih: Bơngai bu mă ưh kơ năm truh akŭm tơ Mispa 'bơ̆t anăp Kră Yang, bơngai 'noh đe gô pơlôch sư!

I Sam 15:18

Na, Kră Yang wơh ih năm na khan: Năm bĕ pơlôch đĭ lu bơngai pơm yoch to, noh kon pơlei Amalek păng tơblah hăm lu sư dĭng truh kơ lu iĕm pơlôch đĭ lu sư.

I Sam 15:3

Thoi noh, na năm bĕ blah kon pơlei Amalek păng pơlôch pơđĭ lu sư sem dơrong lu sư. Lu iĕm ưh kơ gơh mơnat kơ lu sư, athei pơlôch đĭ drŏ-nglo drŏ-kăn, păng lu 'lơ̆p lu nge oei mŏm, rơmo triu, lăk-đa păng aseh iĕ.