Lêwi 27:27 - Sơ̆p Hlabơar Nơ̆r 'Bok Kei-Dei

²⁷ Păng tơdah kon sem brem ưh kơ rơgoh, sư athei kiơ̆ kơ tơdrong gĭt đei hơgăt. Na thim minh lăm pơđăm, đơ̆ng noh huai pơdrâu iŏk sư. Tơdah kon sem noh đe ưh kơ huai pơdrâu iŏk, đe gô tĕch sư, kiơ̆ kơ tơdrong gĭt đei hơgăt bơih.

Lêwi 27:27 ပူးပေါင်းရင်းမြစ်များ

Lêwi 27:11

Tơdah sem dơrong kơnê̆ ưh kơ gơh pơm tơmam soi wă pơyơ̆r kơ Kră Yang, athei chĕp ba sem dơrong noh 'bơ̆t anăp 'bok soi.

Lêwi 27:13

Păng tơdah sư wă huai pơdrâu iŏk, sư athei ăn thim minh lăm pơđăm kiơ̆ kơ sư hơgăt boih.

Lêwi 27:15

Tơdah đơ̆ng rŏng, bơngai noh 'măn lê̆ boih hnam noh 'maih huai pơdrâu iŏk, athei ăn thim minh lăm pơđăm kiơ̆ kơ jên đe hơgăt bơih, na hnam noh gô pơdrâu kơ sư.

Lêwi 27:26

Mă-lei ưh kơ đei bu wă 'măn lê̆ pơm tơmam 'lơ̆ng rơgoh pơyơ̆r kon sem dơrong tuh blŭng-a rơmo dah triu, yua kơ kon mă tuh blŭng-a noh trŏ tơmam Kră Yang ngăl bơih.

Lêwi 27:28

Dôm lu tơmam jao, wă khan đĭ-đăng tơmam kiơ mă pơyơ̆r kơ Kră Yang, kon bơngai, sem brem dah chŭn mir tơmam đơ̆ng lăm hnam bơ̆n đei, ưh pă gơh tĕch kư̆m ưh kơ gơh kơ huai pơdrâu iŏk ôh. Yua kơ dôm tơmam noh 'lơ̆ng rơgoh ăn kơ Kră Yang bơih.

Lêwi 27:31

Tơdah bu wă huai pơdrâu iŏk tơmam kiơ đơ̆ng minh lăm mơjĭt tơmam sư, athei ăn thim minh lăm pơđăm kơ tơmam noh.

Lêwi 5:16

Bơngai noh athei hơmet ming yua kơ tơdrong noh ưh kơ rơgoh păng thim minh lăm pơđăm, na jao tơmam noh kơ 'bok soi, na 'bok soi gô iŏk pơm sut rơgoh tơdrong yoch hăm kon triu tơno jing tơmam soi sơmah ăn yua kơ tơdrong pơm yoch na sư gơh đei mơnat ăn.