Lêwi 27:21 - Sơ̆p Hlabơar Nơ̆r 'Bok Kei-Dei

²¹ Mă-lei tơdah truh tơ sơnăm hiôk-hian bơih, chŭn noh pơdrâu kơ tơ'ngla sư. Lei chŭn noh gô jing rơgoh 'lơ̆ng, teh âu gô jing tơmam Kră Yang gô jao ăn kơ 'bok soi.

Lêwi 27:21 ပူးပေါင်းရင်းမြစ်များ

Esơra 10:8

Lăm pêng năr, bơngai bu ưh kơ năm kiơ̆ thoi 'bok kuan tih păng đe kră tơtă, na mŭk tơmam sư noh đe gô pơdrâu iŏk pơđĭ, bơngai noh đe gô puh tơweh, kiơ̆ thoi lu kră păng lu bơngai pơgơ̆r ưh kơ ăn kơ sư akŭm hơdai kon pơlei mă 'nao brŏk dơ̆ng đơ̆ng pơm bơnă.

Êsêkiên 44:29

Lu sư gô sa lu tơmam soi pơyơ̆r phe ba, tơmam soi huai đơ̆ng yoch păng tơmam soi huai đơ̆ng tơdrong glăi; tơmam kiơ pơyơ̆r đơ̆ng lu bơngai Isơrael noh jing tơmam lu sư.

Lêwi 25:10

Lu iĕm athei iŏk sơnăm mă pơđăm-jĭt, pơm sơnăm 'lơ̆ng rơgoh păng ră roi tơdrong rơngei kơ đĭ-đăng kon pơlei pơla oei lăm char noh jĭ sơnăm hiôk-hian kơ lu iĕm, bu bu kư̆m wơ̆t iŏk teh jang sa sư kơdih đĭ-đăng gô rơngei wih brŏk tơ hnam dơnŏ sư kơdih.

Lêwi 25:28

mă-lei tơdah bơngai noh ưh kơ kĕ đei jên wă pơdrâu kơ bơngai mă răt, bơngai răt noh gô bơwei teh dĭng truh tơ sơnăm hiôk-hian, noh sơnăm mă tơmam, teh gô pơdrâu kơ tơ'ngla sư, na bơngai noh gô iŏk tơwih teh sư kơdih.

Lêwi 25:31

Mă-lei lu hnam tơ pơlei iĕ 'nguaih ưh kơ đei dur war jô̆ hloi hăm chŭn mir; tơ'ngla sư gơh pơdrâu iŏk, truh tơ sơnăm hiôk-hian, đe gô pơdrâu tơwih kơ tơ'ngla sư.

Lêwi 27:20

Tơdah mưh sư ưh kơ wă huai pơdrâu iŏk ôh păng sư tĕch boih chŭn noh kơ bơngai nai, lei chŭn noh ưh pă gơh pơdrâu iŏk bơih.

Lêwi 27:22

Tơdah wă pơm tơmam 'lơ̆ng rơgoh, pơyơ̆r kơ Kră Yang minh hlak chŭn sư răt, ưh kơ sĭ chŭn đơ̆ng yă 'bok sư ôh,

Jo 18:14

Mă dôm tơmam kiơ đơ̆ng bơngai Isơrael pơyơ̆r noh jing tơmam ih ngăl.

Both 13:17

Dôm tơmam trŏ kơ đe pơrăm tơhiong ưh kơ đei bu mă chro ti iŏk ôh wă kơ Kră Yang huay kơ hil mĭl, na tơ'bôh tơdrong Sư 'mêm mơnat kơ iĕm ăn kơ iĕm hrôh ngôh rai lơ thoi sư đei pơkă pơkăm hăm lu 'bok iĕm sơ̆.

Jôsuê 6:17

Pơlei păng tôm tơmam lăm noh, athei pơyơ̆r kơ Kră Yang nhen thoi tơmam trŏ kơ pơlôch pơrăm; lăp minh 'nu Rahap drŏ-kăn đi păng đĭ-đăng bơngai oei lăm hnam sư đĕch gô arih, yua kơ sư đei ôn boih bre 'bar 'nu bơngai năm chop lăng mă inh đei wơh.