Lêwi 26:39 - Sơ̆p Hlabơar Nơ̆r 'Bok Kei-Dei

³⁹ Lu iĕm mă oei arih gô lôch ơh ol lăm char lu bơngai ayăt kơ iĕm. Yua kơ tơdrong yoch lu iĕm, kư̆m thoi tơdrong yoch lu yă 'bok iĕm sơ̆, iĕm gô lôch ơh ol thoi sư mơ̆n.

Lêwi 26:39 ပူးပေါင်းရင်းမြစ်များ

II Ho 34:24

Kră Yang khan: Inh wă ăn tơdrong răm truh tơ anih 'nâu păng tơ lu kon pơlei mă oei lăm anih âu, đĭ-đăng nơ̆r hiap pơtê̆ mă đei chih boih lăm sơ̆p hla bơar mă đei đŏk boih 'bơ̆t anăp pơtao Juđa.

Esơra 9:7

Đơ̆ng chăl 'bok yă lu nhôn truh tơ dang ei, lu nhôn đei pơm yoch tih kơnê̆ tơpă, kơlih kơ tơdrong yoch lu nhôn, kơdih akâu lu nhôn, lu pơtao lu 'bok soi lu nhôn, Ih jao boih lăm tơpang ti lu pơtao dêh nai, pơlôch pơmat lu nhôn, tơgar iŏk tơmam păng pơm pơ'brơh, nhen thoi dang ei.

Ne 1:9

Mă-lei tơdah lu iĕm wih brŏk tơ Inh, wei răk pơm kiơ̆ dôm tơdrong Inh tơtă, mă khan lu iĕm tơklah tơklang jrok oei tôch kơ plĕnh teh, Inh kư̆m gô krao akŭm lu sư brŏk păng inh gô chông anhăk lu sư truh tơ anih Inh mă hơmet lê̆ boih wă kơ Anăn Inh kư̆m oei tơ noh mơ̆n.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Le 34:7

Răk tơdrong 'mêm kơeng kơ lơ rơbâu jơhnơr kon bơngai, mơnat ăn tơdrong pơm kơnê̆, pơm yoch kơ tơdrong juăt mă-lei Inh ưh kơ lê̆ ôh gô phak bơngai pơm yoch păng jô̆ tơdrong yoch đơ̆ng Mĕ 'Bă sư pơm, inh gô phak truh tơ kon sâu sư dĭng truh tơ pêng puăn jơhnơr.

Êsai 14:21

Hơmet bĕ tơdrong pơlôch kon sâu lu sư yua kơ tơdrong yoch lu yă 'bok lu sư, 'Nĕ ăn kơ lu sư iung iŏk teh đak, pơjing plei tih kơjăp jơ̆p kơ teh đak dơ̆ng!

Êsai 24:16

Lu bơ̆n kơtơ̆ng bơih đơ̆ng tôch kơ teh đak hơri: “Ư-ang kơ Tơ'ngla 'lơ̆ng tơpăt.” Mă-lei inh khan: “Inh hiong bơih! Inh hiong răm-'băm dêh kơ inh! Lu bơngai blơ̆ blĕch hơlĕnh pơdăr, lu bơngai blơ̆ blĕch hơlĕnh pơdăr rai dêh.

Je 29:12

Kơplah lu iĕm năm krao chă Inh, krao apinh Inh, Inh gô tơl tơwih.

Je 3:25

Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”

Je 31:29

Lăm năr noh đe ưh pă đei khan: ‘'Bă sa plei hơmu iŭ, na kon sâu sư hơker hơnĕnh.’

Nhom 1:3

Juđa năm pơm bơnă, chu iŏk pơmat kư̆m chu đe wơh pơđep. Chă oei sa tơ kon pơlei ưh pă đei pơdơh ngôi. Lu bơngai mă pơm kơnê̆ druh sư, tam tơ anih kueng.

Nhom 4:9

Lu bơngai lôch kơ đao gưm pŭn hloh kơ lu bơngai lôch kơ pơngot; Yua kơ tơmam sa đơ̆ng mir chŭn ưh kơmah, Sư rai hơkĕ hơkong thoi đe 'bet.

Êsêkiên 18:19

Lu iĕm đei jet: “Liơ kon sư ưh kơ pŭ tơdrong yoch kơnê̆ 'bă sư? Dah đei bu pơm 'lơ̆ng tơpăt pơm kiơ̆ khôi juăt Inh, tơpă sư gô đei tơdrong arih.

Êsêkiên 20:43

Tơ noh lu iĕm gô 'blŏk trong iĕm đêl yak bơih păng dôm tơdrong iĕm pơm pơ'mê̆ kơdih akâu; lu iĕm gô lăng krưp kơdih akâu, yua kơ dôm tơdrong kơnê̆ iĕm đei pơm.

Êsêkiên 24:23

Chô̆ bĕ che tơ kơ̆l, 'bot bĕ chơkhŏ; 'nĕ pă hmoi ơh, 'nĕ pă nhơ̆m; mă-lei gô ơh sơ'ngon jing hơkĕ kơ tơdrong yoch kơdih păng lu iĕm gô sơ'ngon hơdai.

Êsêkiên 33:10

Ơ kon bơngai khan bĕ kơ adrĕch Isơrael: “Lu iĕm khan: ‘Dôm tơdrong kơnê̆ hăm tơdrong yoch lu nhôn, kơtĭt trăp dêh tơ lu nhôn, lu nhôn wă lôch yua kơ tơdrong yoch noh lei lu nhôn pơm liơ gơh đei arih.’

Êsêkiên 36:31

Mă-lei lu iĕm gô 'blŏk kơ tơdrong kơnê̆ iĕm păng tơdrong iĕm pơm ưh kơ 'lơ̆ng. Tơpă lu iĕm gô lăng areh krưp kơdih akâu yua kơ tơdrong yoch păng tơdrong kơnê̆ krưp lu iĕm pơm.

Êsêkiên 4:17

Thoi noh đak nhă păng 'bĕng sa khăi ưh kơmah, lu sư tơlăng băl hli tơrơ păng lôch hiong yua kơ đơ̆ng tơdrong yoch lu sư pơm.”

Êsêkiên 6:9

Lu bơngai lăm lu sư mă đei klaih noh oei tơ lăm teh đak mă lu sư oei, đe rôp pơm bơnă. Lu sư 'blŏk kơ jơhngơ̆m Inh đei pơchah, chhŭr nuih bơih, yua kơ tơdrong lu sư, pơm kư̆ kă weh đơ̆ng Inh păng măt lu sư pơm pơyô kư̆ kă kiơ̆ kơ lu yang kơnê̆. Kơplah noh lu sư kơdih gô lăng krưp areh kơ tơdrong kơnê̆, yua kơ tôm tơdrong kơnê̆ lu sư đei pơm krưp tơpă.

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Sa 10:9

Inh gô săi tơraih lu sư tơ jơ̆p-jang kơ teh đak, lu sư mă đơ̆ng dêh char ataih gô 'blŏk kơ Inh; lu sư gô oei arih hơdai brŏk tơ kon akăn kơdih.

Jo 14:18

Kră Yang hiơ̆ kơ hil păng 'bĕnh hăm tơdrong 'mêm mơnat; huay kơ jô̆ yo tơdrong yoch; mă-lei Sư ưh kơ jô̆ ôh lu bơngai pơm yoch khan 'lơ̆ng; păng ưh kơ lê̆ pŭ tơdrong yoch đơ̆ng 'bok yă lu sư truh tơ kon sâu sư pêng puăn jơhnơr.

Both 28:65

Oei lăm teh đak noh, iĕm ưh kơ đei hiôk rơnŭk ôh, ưh kơ đei anih wă ăn kơ kơnơl jơ̆ng iĕm pơdơh ôh. Tơ anih noh Kră Yang gô ăn kơ jơhngơ̆m iĕm hli tơrơ, măt hơ'nhôi, jơhngơ̆m đon ơh sơ'ngon.

Both 30:1

Layơ dôm tơdrong 'nâu đei truh kơ iĕm, pŭn hiôk dah pơmat-tat, mă inh đei roi pơdah truh tơ iĕm, kơplah oei lăm lu teh đak, mă Kră Yang 'Bok Kei-Dei iĕm puh iĕm năm, lu iĕm gô 'blŏk dơ̆ng kơ dôm tơdrong inh bơtho khan.

Both 5:9

Lu iĕm 'nĕ kơ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư noh, yua kơ Inh jơ̆ Kră Yang 'Bok Kei-Dei lu iĕm, wă khan jơ̆ Kră Yang 'Bok Kei-Dei băt gar. Bơngai bu areh kơ Inh, Inh gô phak bơngai noh truh tơ kon sâu se sư pêng puăn jơhnơr.

Both 8:20

Kră Yang pơlôch pơrăm đĭ lu adrĕch nai 'bơ̆t anăp lu iĕm thoi yơ. Sư kư̆m pơlôch pơrăm lu iĕm thoi noh mơ̆n yua kơ lu iĕm ưh kơ wă mơ̆ng kiơ̆ nơ̆r Kră Yang 'Bok Kei-Dei lu iĕm ôh.