Lêwi 26:33 - Sơ̆p Hlabơar Nơ̆r 'Bok Kei-Dei

³³ Inh pơrŭng lu iĕm tơklah tơklang jơ̆p kơ adrĕch adrung bơngai păng Inh gô iŏk đao gưm 'bet lu iĕm; na char lu iĕm gô juơ rơhiăng, pơlei tih lu iĕm hrơ-hrĕng kơkot.

Lêwi 26:33 ပူးပေါင်းရင်းမြစ်များ

I Pot 8:46

“Mưh đơ̆ng lu sư pơm yoch 'bơ̆t anăp ih, ưh kơ đei bu ưh kơ pơm yoch, Ih blĕk ơh ăn kơ lu sư đei tơdrong gleh oei lăm ti lu bơngai ayăt, tơdah đe rôp ba lu sư tơ dêh char nai, mă đơ̆ng ataih dah jê̆,

II Pot 25:9

Sư soh hnam akŭm kơkuh kơ Kră Yang, soh hnam pơtao păng lu hnam lăm Pơlei Jêrusalem; kư̆m soh lê̆ hnam tih lu yŏng mơng lăm pơlei.

II Ho 7:19

“Mă-lei tơdah iĕm weh trong plơ̆ng, achăng lê̆ tơdrong juăt păng nơ̆r Inh tơtă mă đei ăn kơ lu iĕm, na jang păng kơkuh kơ yang kơnê̆,

Ne 1:3

Lu bơngai noh roi kơ inh thoi âu: Lu bơngai mă đe rôp pơm bơnă oei đei lăm pơlei, đei tơdrong truh păng mơlâu răm dêh, dur pơlei Jêrusalem pơchah răm păng lu 'măng jang sư ŭnh kư̆m sa đĭ boih.

Ne 1:8

Apinh Ih 'blŏk bĕ kơ nơ̆r Ih bơtho khan boih kơ 'bok Môis đĭch đam Ih thoi âu: Tơdah lu iĕm pơm yoch, Inh gô tơraih lu iĕm tơ tŏk-bŏk lu adrĕch adrung, kon bơngai.

Esther 3:8

Haman khan kơ pơtao Asêrus thoi âu: Đei minh adrĕch adrung kơnê̆ dêh oei tơrak 'brak lăm lu kon pơlei ih tơ jơ̆p-jang tơring ih pơgơ̆r, tơdrong juăt lu sư phara hloh kơ lu adrĕch nai, na lu sư kư̆m ưh wă kiơ̆ tơdrong juăt ih tơtă, lê̆ lu sư arih kư̆m ưh kơ đei yua kiơ kơ ih.

Horiso 106:27

Pơm kơ adrĕch adrung lu sư kơdâu tơklah băl tơ jơ̆p-jang kơ teh đak, Păng pơm ăn kơ lu sư tơklah tơklang jơ̆p kơ dêh char.”

Horiso 44:11

Ih jao lu nhôn nhen thoi triu wă pơm 'nhĕm, Păng pơm ăn kơ lu nhôn tơklah tơklang tơ jơ̆p-jang dêh char.

Horiso 44:12

Ih tĕch boih kon pơlei Ih ưh kơ kăp, Păng lăng lu sư ưh kơ gĭt.

Êsai 1:7

Dêh char lu iĕm jing juơ, lu pơlei tih iĕm ŭnh sa đĭ, lu bơngai tơmoi tơgar iŏk teh choh iĕm 'bơ̆t anăp lu iĕm, teh lu iĕm jing juơ rơhiăng thoi lĕ bơngai tơmoi pơrăm tơgar iŏk bơih.

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Je 13:24

“Inh gô pơpuh pơđông lu iĕm thoi kial bah đơ̆ng char glă pơđông hơkam 'ba.

Je 15:4

Inh gô pơm ăn kơ lu sư jing bơngai đĭ-đăng kơ dêh char lăm teh âu lăng krưp, yua kơ tơdrong yoch Manase, kon drŏ-nglo Hesekia pơtao đe Juđa, đei pơm yoch boih tơ lăm pơlei Jêrusalem.

Je 31:10

Mơ̆ng bĕ nơ̆r Kră Yang, ơ kon bơngai jơ̆p kơ dêh char; Ră roi bĕ nơ̆r âu tơ jơ̆p pơlei lăm bŏl đak dơsĭ ataih khan: ‘Kră Yang Tơ'ngla mă pơm ăn kơ adrĕch Isơrael tơklah tơklang, Sư wă akŭm pơpôi ba wih brŏk dơ̆ng, Sư gô wei thoi bơngai wei khŭl triu sư.’

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Je 7:34

Inh gô pơtôch ưh pă đei kơtơ̆ng nơ̆r hiĕk chơt hiôk năr pơkong klo kăn, tơ lăm pơlei tih Juđa păng tơ rok trong tih pơlei Jêrusalem yua kơ lăm dêh char răm đĭ jing juơ.”

Je 8:3

Đĭ-đăng lu bơngai mă oei đei đơ̆ng adrĕch adrung bơngai kơnê̆ âu, lăm đĭ-đăng anih mă Inh đei pơpuh lê̆ boih lu sư 'maih chă lôch hloh kơ 'maih wă arih,” noh Kră Yang Tih Hloh khan.

Je 9:16

Inh gô pơpuh lu sư tơklah tơklang năm tơ jơ̆p-jang kơ adrĕch adrung kon bơngai, mă lu sư dah 'bok yă lu sư tam biơh băt, Inh gô ăn kơ đe druh pơlôch lu sư hăm đao gưm, dĭng Inh pơrăm đĭ lu sư.”

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Nhom 1:3

Juđa năm pơm bơnă, chu iŏk pơmat kư̆m chu đe wơh pơđep. Chă oei sa tơ kon pơlei ưh pă đei pơdơh ngôi. Lu bơngai mă pơm kơnê̆ druh sư, tam tơ anih kueng.

Nhom 4:15

Lu đe ôr khan kơ lu sư, weh bĕ, weh bĕ! 'Nĕ kơ pel 'bơm! Kơplah lu sư chă kơdâu thông mang, kon pơlei tơmoi khan, Lu sư ưh pă gơh oei tơ âu boih.

Nhom 4:16

Tơdrong hil blĕk Kră Yang pơm ăn kơ lu sư tơklah tơklang, sư ưh pă hue lăng dơ̆ng. Lu sư ưh pă pơyom kơ 'bok soi, Kŭm pă đei hli yom kơ bơngai kră.

Êsêkiên 12:20

Lu pơlei gô đei lơ bơngai đe pơlôch pơrăm, na teh đak jing juơ rơhiăng, na lu sư gô băt inh boih Kră Yang.’ ”

Êsêkiên 20:23

Inh đei yơ̆r ti pơkăm pơkă hăm lu sư lăm char glă inh gô pơm kơ lu sư tơklah tơklang tơ jơ̆p lăm lu adrĕch adrung, tơrak 'brak tơ lăm dêh char,

Êsêkiên 22:15

Inh gô pơm kơ iĕm tơklah tơklang jơ̆p kơ teh đak păng Inh gô săi tơraih iĕm tơ jơ̆p lăm khŭl adrĕch adrung nai păng Inh gô pơgoh lê̆ tơdrong 'mê̆-'mach đơ̆ng iĕm.

Êsêkiên 5:2

Lăm năr mă wang pơlei đĭ boih, ih soh minh lăm pêng sŏk noh lăm pơlei tih noh. Ih iŏk minh lăm pêng chơ̆ng hăm đao tơ tăp dăr kơ pơlei păng minh lăm pêng oei oei noh ih săi tơ kial yua kơ Inh gô iŏk đao gưm druh lu sư đơ̆ng rŏng.

Hôsia 9:6

Tơdah lu sư kơdâu ôn đơ̆ng đe pơrăm, char Êyiptơ gô rôp akŭm pơđĭ lu sư, păng pơlei Memphis gô 'bŭ lê̆ lu sư. Lu tơmam gĭt pơm păng hu lu sư gô gom lê̆ hăm jơla bơmrôm, lu jơla gô chăt lăm bơsŭn lu sư.

Am 9:4

Mă khan lu sư năm pơm bơnă 'bơ̆t anăp lu ayăt kơ lu sư, tơ noh inh kư̆m gô ăn đao gưm năm pơlôch lu sư. Inh gô răp lăng tơ lu sư wă pơrăm, ưh kơ trŏ wă ăn tơdrong hiôk ôh.

Sa 7:14

Inh đei pơm ăn kơ lu sư tơklah tơklang thoi đei kial hơbŭt tih tơ jơ̆p-jang lăm teh đak mă lu sư tam mă biơh băt; na lăm teh đak jing juơ, đơ̆ng rŏng kơ lu sư noh, dĭng mah pă đei bu năm rok noh wih brŏk tơ noh; yua kơ lu sư pơm ăn kơ teh đak đơ̆ng chơt hiôk jing juơ juŏ.’ ”

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Both 4:27

Kră Yang gô pơm kơ iĕm tơklah tơklang jơ̆p kơ teh đak đe, oei pă tŏ sĕt đĕch mă tơ anih Kră Yang puh lu iĕm.

Ya 1:1

Inh Yakơ đĭch đam 'Bok Kei-Dei hăm đĭch đam Kră Yang bơ̆n Yêsu Krist chih hơpong kơ mơjĭt-'bar khŭl bơngai Isơrael đĭ tơklah tơklang, tơ kông minh hlak tơ đak minh găr jơ̆p kơ teh đak, kơkuh hmach tôm kơ iĕm.