Lêwi 26:31 - Sơ̆p Hlabơar Nơ̆r 'Bok Kei-Dei

³¹ Inh gô pơrăm pơlei tih lu iĕm, ăn anih rơgoh iĕm juơ rơhiăng păng Inh ưh pă hiup rơmă đơ̆ng lu tơmam iĕm pơyơ̆r dơ̆ng.

Lêwi 26:31 ပူးပေါင်းရင်းမြစ်များ

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

II Pot 22:19

Yua kơ ih đei jơhngơ̆m tơbral bơih, băt tơjur akâu kơdih 'bơ̆t anăp Kră Yang 'bơ̆t ih kơtơ̆ng Inh pơma hil kơ teh 'nâu hăm kon pơlei lăm noh, dĭng lu sư jing juơ rơhiăng, kon pơlei sư pŭ hiap pơtê̆, mă-lei yua kơ ih hek ao, păng nhơ̆m hơdrĭ 'bơ̆t anăp Inh; yua kơ noh inh kư̆m kơtơ̆ng nơ̆r ih bơih.

II Ho 36:19

Lu linh Babilôn soh hnam Kră Yang 'Bok Kei-Dei, teh pơchah lê̆ dur pơlei Jêrusalem, soh đĭ hnam pơtao păng pơrăm đĭ lu tơmam kăl yua lăm pơlei.

Ne 1:3

Lu bơngai noh roi kơ inh thoi âu: Lu bơngai mă đe rôp pơm bơnă oei đei lăm pơlei, đei tơdrong truh păng mơlâu răm dêh, dur pơlei Jêrusalem pơchah răm păng lu 'măng jang sư ŭnh kư̆m sa đĭ boih.

Ne 2:17

Na inh khan kơ lu sư thoi âu: “Lu iĕm athei lăng tơdrong anat anot kơ lu bơ̆n dang ei; pơlei Jêrusalem đe phă pơrăm păng lu 'măng jang ŭnh kư̆m sa đĭ boih. Bĕ lu bơ̆n pơdơ̆ng man ming dur pơlei Jêrusalem dơ̆ng, wă kơ lu bơ̆n huay pă kơ mơlâu kơ đe.”

Ne 2:3

Na khan: Kơ pơtao hơpơi kơ pơtao arih ling-lang! Liơ mă inh ưh kơ sơ'ngon,

Êsai 1:7

Dêh char lu iĕm jing juơ, lu pơlei tih iĕm ŭnh sa đĭ, lu bơngai tơmoi tơgar iŏk teh choh iĕm 'bơ̆t anăp lu iĕm, teh lu iĕm jing juơ rơhiăng thoi lĕ bơngai tơmoi pơrăm tơgar iŏk bơih.

Êsai 6:11

Na inh jet: “Ơ Kră Yang dĭng truh tơ layơ?” Na Kră Yang tơl: “Gô dĭng lu pơlei noh jing juơ, ưh kơ đei kon pơlei oei lăm noh, hnam ưh kơ đei bơngai oei, teh mir đĭ răm jing bri đĭ;

Êsai 63:18

Kon pơlei 'lơ̆ng rơgoh Kră Yang 'nao đei anih 'nâu ưh tăm mă đunh; mă-lei bơngai ayăt kơ nhôn pơjuă lê̆ bơih anih 'lơ̆ng rơgoh Ih.

Êsai 64:9

Ơ Kră Yang, apinh Ih 'nĕ kơ hil dêh hnang 'nĕ pă 'blŏk tơdrong yoch kơnê̆ lu nhôn ling-lang! 'Nâu apinh Ih lăng lu nhôn thoi kon pơlei Ih ngăl!

Êsai 66:3

Mă-lei bơngai bu pơlôch minh pôm kon rơmo soi sơmah, kư̆m thoi pơlôch minh 'nu bơngai; bu soi sơmah hăm minh pôm kon triu kư̆m thoi gơ̆ hơko minh pôm kŏ bu pơyơ̆r tơmam soi phe 'ba kư̆m thoi pơyơ̆r pham nhŭng; bu soh tơmam 'bâu phu kư̆m thoi kơkuh kơ rup yang. Lu bơngai noh rơih bơih trong lu sư kơdih, jơhngơ̆m lu sư 'maih wă pơm tơdrong jang krưp kơnê̆,

Je 22:5

Mă-lei tơdah lu iĕm kuă kơ mơ̆ng kiơ̆ nơ̆r tơtă 'nâu, Kră Yang khan: Inh pơkă hăm anăn Inh kơdih, hnam pơtao âu gô jing juơ.’ ”

Je 26:6

na Inh gô pơm ăn kơ hnam akŭm âu thoi Inh đei pơm boih kơ pơlei Silô, na đĭ-đăng dêh char lăm teh gô hiap pơlei Inh âu.

Je 26:9

“Liơ ih pơ̆n yua anăn Kră Yang pơma lê̆ adrol khan: Hnam akŭm âu gô thoi Silô, pơlei âu gô juơ ưh kơ đei bơngai oei?” Na đĭ-đăng kon pơlei akŭm wang Jêrêmi lăm hnam Kră Yang.

Je 4:26

Inh 'bôh mir chŭn teh mơ̆r jing char glă. Đĭ-đăng pơlei jing rơ̆m rĕk. 'Bơ̆t anăp Kră Yang đơ̆ng tơdrong Sư hil mĭl.

Je 4:27

Kră Yang khan: “Đĭ kơ dêh char gô juơ tơtŭng mă-lei Inh ưh tam pơrăm đĭ ôh.

Je 4:7

Dăm-brang lĕch boih đơ̆ng anih sư, lu bơngai chă pơrăm dêh char đe, pơtơm lĕch đơ̆ng anih lu sư boih wă pơrăm pơm ăn kơ teh âu jing bri brah, Lu pơlei tih iĕm jing juơ, pă đei bơngai oei.

Je 44:2

Kră Yang Tih Hloh 'Bok Kei-Dei Isơrael, khan: “Ih 'bôh boih tơdrong răm mă Inh tuh tơ pơlei Jêrusalem păng lu pơlei lăm dêh char Juđa. Lăng to lu pơlei noh dang ei oei jing bri juơ ưh kơ đei bơngai oei,

Je 44:6

Thoi noh na Inh tuh boih tơdrong hil mĭl Inh thoi ŭnh khơ̆ng tơ lăm lu pơlei dêh Juđa păng tơ rok trong lăm pơlei Jêrusalem; năr 'nâu lu pơlei noh oei jing bri juơ tơtŭng.”

Je 52:13

Sư athei đe soh hnam Kră Yang, hăm hnam pơtao păng đĭ-đăng hnam lăm pơlei Jêrusalem. Mă lu hnam kuan tih oei ŭnh sa đĭ.

Je 9:11

Inh gô pơm kơ pơlei Jêrusalem jing anih rơ̆m rĕk. Jing anih kơ lu kŏ bri oei; păng kơ char Juđa jing juơ, ưh kơ đei bơngai bu gơh oei.”

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Nhom 1:10

Lu bơngai ayăt yơ̆r ti boih wă iŏk dôm tơmam 'lơ̆ng sư; Yua kơ lu sư 'bôh boih lu kon pơlei tơmoi năm mơ̆t lăm anih rơgoh sư. Lu kon pơlei tơmoi noh Kră Yang đei khan: Ưh kơ gơh kơ mơ̆t ôh lăm khŭl sư;

Nhom 2:6

Sư hơ'nglơh lê̆ pơk sư, thoi pơk lăm pơgar, Kŭm đei pơrăm anih lu sư juăt kơ akŭm. Tơ Siôn, Kră Yang pơm ăn kơ lu sư hiơt đĭ kơ năr akŭm tih păng năr Sa'bat.

Nhom 2:7

Kră Yang hŭt lê̆ boih gơ'bang soi păng kư̆m achăng lê̆ anih rơgoh Sư. Sư jao boih hnam pơtao kơ lu ayăt, Lu sư ôr tơkĕch tơjrông tơjrang lăm hnam Kră Yang, Thoi năr đe et sa tih.

Êsêkiên 12:20

Lu pơlei gô đei lơ bơngai đe pơlôch pơrăm, na teh đak jing juơ rơhiăng, na lu sư gô băt inh boih Kră Yang.’ ”

Êsêkiên 21:15

Noh pơm kơ jơhngơ̆m lu sư pơchah hach, đei lơ bơngai pơ̆k lôch, Inh đei dan boih đao wă pơlôch tơ rim 'măng jang lu sư. Ô! Đao pơm boih wă kơ pơlôch đe chơchêr thoi kơmlat; đe pơiel sư wă yua koh pơlôch.

Êsêkiên 21:7

Tơdah lu sư jet ih: Yua kơ kiơ ih ôr krao? Ih tơl tơwih khan: Noh yua kơ đei kơtơ̆ng tơdrong 'nao truh, pơm kơ rim jơhngơ̆m gô pơchah hach, lu ti gô rơdu, jơhngơ̆m đon tơchĕng gô hơngơ̆t; gô rơdu. Tơdrong noh gô truh, nơ̆r noh gô đei tơpă, Kră Yang khan thoi noh!

Êsêkiên 24:21

Khan bĕ kơ adrĕch Isơrael: 'Nâu nơ̆r Kră Yang khan: Âu, Inh gô pơm 'mê̆-'mach kơ anih 'lơ̆ng rơgoh Inh, noh anih kơđông kơjăp lu iĕm gơnang, tơdrong chơt hiôk kơ măt lu iĕm. Jơhngơ̆m lu iĕm 'maih wă. Kon drŏ-nglo kon drŏ-kăn lu iĕm mă lê̆ bơih gô pơ̆k lôch kơ đao.

Êsêkiên 6:6

Mă anih ayơ lu iĕm oei, mă pơlei lu iĕm oei kư̆m gô pơrăm, lu anih kơjung lu iĕm juăt kơkuh gô păk. Chơnang soi kư̆m gô pơrăm pă đei, rup yang lu iĕm kư̆m teh pơchah ưh pă đei, gơ̆ng lu iĕm kơkuh kơ rup yang măt 'năr pơchah hơlih, dôm tơdrong jang lu iĕm pơm gô răm đĭ.

Êsêkiên 9:6

Athei pơlôch đĭ lu kră, lu hơmuh hơmŏng, lu hơdruh, lu hơ'lơ̆p, lu drŏ-kăn, mă-lei 'nĕ kơ pơlôch lu bơngai bu mă đei chih 'bơ̆t klĕng sư. Năm iŏk đơ̆ng Anih 'lơ̆ng rơgoh Inh.” Thoi noh lu sư pơtơm pơlôch iŏk đơ̆ng lu kră đơ̆ng 'bơ̆t anăp hnam akŭm.

Da 2:46

Đơ̆ng noh pơtao Nebukatnessar drap, kơkuh kơ Đaniel păng athei pơyơ̆r ăn tơmam apah păng pơgang 'bâu phu ăn kơ Đaniel.

Am 7:9

Lu anih kơjung Isăk gô juơ, lu anih rơgoh Isơrael gô pơrăm đĭ păng inh gô iŏk đao gưm iung blah hnam Jêrôbôam. Amôt păng 'bok soi Amsia

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Jêphania 3:6

“Inh đei pơlôch boih lu adrĕch adrung, hnam thôt 'bơ̆t mum pơlei tih lu sư jing juơ tơtŭng. Inh pơm ăn kơchơ lu sư jing juơ rơhiăng, dĭng mah pă đei bu yak năm trong 'nei, pơlei sư pơrăm pơlôch đĭ, ưh pă đei minh 'nu bu păng kư̆m pă đei oei tơ noh.

Luka 21:24

Đe gô koh pơlôch lu sư păng đao. Đe gô rôp lu sư, anhăk lu sư jơ̆p kơ teh đak pơm bơnă đe. Lu bơngai dêh đe gô pơjuă pơđep Pơlei Jêrusalem truh tơ 'Bok Kei-Dei ăn kơ sư rơngei đơ̆ng lu bơngai dêh đe ning-mônh.

Jang 6:14

Nhôn kơtơ̆ng sư khan Yêsu gô pơrăm hnam akŭm 'Bok Kei-Dei tơm âu păng tơplih tơdrong juăt mă đêl Môis ată kơ bơ̆n sơ̆.”

Hêbrơ 10:26

Bơ̆n băt boih tơdrong Yêsu Krist, mă bơ̆n wih lê̆ tơdrong lui pơm yoch dơ̆ng, bơ̆n ưh pă đei tơdrong soi kiơ mă gơh pơklaih bơ̆n đơ̆ng tơdrong yoch,