Lêwi 26:24 - Sơ̆p Hlabơar Nơ̆r 'Bok Kei-Dei

²⁴ Inh kư̆m gô pơm tơwih kơ lu iĕm, Inh gô teh tôn lu iĕm tơpơh wơ̆t hloh kơ adrol, yua kơ tơdrong yoch lu iĕm.

Lêwi 26:24 ပူးပေါင်းရင်းမြစ်များ

II Sam 22:27

Kră Yang pơm 'lơ̆ng tơpăt hăm lu bơngai 'lơ̆ng tơpăt. Mă-lei Kră Yang wă phak lu bơngai hơlĕnh pơdăr kiơ̆ kơ tơdrong jang lu sư pơm.

Jop 9:4

Kră Yang 'Bok Kei-Dei mơsêh păng hơgei, hăm đei bu kĕ pơjah pơjăng hăm Kră Yang 'Bok Kei-Dei na jei sư?

Horiso 18:26

Hăm lu bơngai 'lơ̆ng rơgoh, Ih boih Tơ'ngla 'lơ̆ng rơgoh; Gah lu bơngai ưh kơ chu, Ih gô phak tơpă.

Êsai 63:10

Mă-lei lu sư oei ayăt plơ̆, păng pơm ăn kơ Yang Bơhngol 'Lơ̆ng Kră Yang sơ'ngon. Na Kră Yang jing ayăt hăm lu sư; Kră Yang kơdih tơblah hăm lu sư.

Êsêkiên 21:14

Ơ kon bơngai, gah ih, khan lê̆ adrol bĕ, tap bĕ ti ih ăn kơ đao koh 'bar dah pêng wơ̆t; đao koh pơlôch lơ bơngai, pơrăm lơ bơngai: Đao gô wang chĭt tăp tang kơ lu sư.

Lêwi 26:18

Thoi ei ră mă-lei iĕm oei ưh kơ mơ̆ng Inh, yua kơ tơdrong iĕm pơm yoch glăi noh Inh gô phak tơmal iĕm tơpơh wơ̆t.

Lêwi 26:21

Tơdah iĕm blơ̆ Inh păng ưh kơ wă mơ̆ng Inh, Inh gô ăn tơdrong gleh truh kơ iĕm tơpơh wơ̆t hloh kiơ̆ kơ tơdrong yoch iĕm pơm.

Lêwi 26:28

na Inh gô hil mĭl kơ iĕm tơpă hăm tơdrong kơtang păng yua kơ tơdrong yoch lu iĕm pơm, na Inh gô bơtho pơjĭ iĕm, hloh kơ tơdrong yoch iĕm tơpơh wơ̆t.

Lêwi 26:41

Thoi noh Inh kư̆m pơm plơ̆ kơ lu sư, ba lu sư tơ dêh char lu bơngai ayăt kơ lu sư, tơdah jơhngơ̆m lu sư ưh kơ chu kăt tơdra akar, băt chu tơjur akâu lu sư kơdih tơ ala păng chu iŏk tơdrong bơtho pơjĭ yua tơdrong yoch lu sư.