Lêwi 26:22 - Sơ̆p Hlabơar Nơ̆r 'Bok Kei-Dei

²² Inh gô ăn sem bri rôp lu kon hơ'lơ̆p iĕm păng kăp sa lu sem dơrong iĕm, pơm kơ kon bơngai iĕm jing kơtuei, tơ trong glung pă đei bu yak năm rơhiăng kơkot.

Lêwi 26:22 ပူးပေါင်းရင်းမြစ်များ

II Pot 17:25

Kơplah lu sư 'nao oei tơ noh, lu sư ưh kơ kơkuh ôh kơ Kră Yang, na Kră Yang ăn dăm-brang năm châu pơlôch lu mơ'nah lăm lu sư.

II Pot 2:24

Êlisê hue lăng lu hơ'lơ̆p ei păng sư yua hăm anăn Kră Yang na hiap lu sư. Na pluơk pluak 'bar tŏ chơgơu akăn lĕch đơ̆ng 'nhĕt, châu hek hok lê̆ puăn-jĭt 'bar 'nu lăm lu hơ'lơ̆p ei.

II Ho 15:5

Kơplah noh kon pơlei Isơrael ưh kơ đei rơnŭk ôh, chă nơnăm mơ̆t lĕch, yua kơ đĭ-đăng bơngai đei tơdrong rŭng răng tih tơpă.

Êsai 24:6

Thoi noh na tơdrong hiap luăn sa teh đak. Lu kon pơlei oei kơpal teh âu, đei pơmat-tat yua kơ tơdrong yoch lu sư kơdih. Yua kơ noh kon bơngai oei kơpal teh ŭnh sa bơih. Păng pă tŏ sĕt đĕch bơngai oei đei.

Êsai 33:8

Trong glung kơkot rơhiăng, ưh pă đei bơngai bu brŏk năm dơ̆ng. Tơdrong pơgơ̆p đĭ pă đei, pơlei tih đe pơjăm pơjuă bơih, kon bơngai đe ưh pơyom kơ bu bơih.

Je 15:3

Kră Yang khan: “Inh wă phak đei puăn tơdrong: Wă pơlôch păng đao gưm, kŏ gô hek sa, sem grơ̆ păng lu sem bri gô kăp sa păng pơrăm đĭ lu sư.

Je 42:2

năm apinh lung Jêrêmi: “Mơ̆ng bĕ nơ̆r lu nhôn apinh ih krao apinh Kră Yang 'Bok Kei-Dei ih tơgŭm lu nhôn, lu bơngai mă oei oei âu. Sơ̆ lu nhôn oei lơ kơdrâ̆m, dang ei oei pă tŏ sĕt, thoi ih 'bôh âu.

Nhom 1:4

Lu trong năm tơ pơlei Siôn bơsĕl, yua kơ ưh kơ đei bu năm ngôi lăm năr giĕng tih. Rim 'măng jang đĭ juơ; lu 'bok soi tơtok tơtăm; Lu adruh hle pơmat-tat, lu sư bơih wă pŭ iŏk pơmat-tat dêh.

Êsêkiên 14:15

Dah Inh ăn lu sem bri năm pơrăm char noh, pơlôch lu bơngai; păng char noh jing juơ, ưh pă đei bu yak rok noh dơ̆ng, yua kơ lu sem bri oei tơ noh.

Êsêkiên 14:21

Kră Yang Tih Hloh khan thoi âu: “Rai krưp kơnê̆ hloh dơ̆ng mưh Inh ăn puăn tơdrong sek tơlang trăp; tơdrong đao hơlă tơblah, tơdrong pơngot rơwĕt, tơdrong sem bri pơrăm păng tơdrong lôch hơbuh truh tơ Jêrusalem wă pơlôch đĭ bơngai păng sem dơrong.

Êsêkiên 33:28

Inh gô pơm kơ char âu jing juơ tơtŭng pơchah pơchek, tơdrong pơang lu sư gô tôch; kông Isơrael jing juơ pă đei bu oei yak trong noh.

Êsêkiên 5:17

Inh gô ăn tơdrong pơngot rơwĕt păng ăn sem bri wă pơrăm lu kon hơ'lơ̆p ih jing pă đei tơdrong lôch hơbuh păng tơdrong tơblah truh tơ pham gô ro truh tơ ih, Inh gô iŏk đao gưm pơrăm ih. Inh boih Kră Yang mă đei khan thoi noh!”

Lêwi 26:6

Inh gô ăn tơdrong rơnŭk rơnua lăm char iĕm, lu iĕm gô tep pơdơh pă đei hli kơ bu, Inh gô puh đĭ lu sem bri nuih kơtang đơ̆ng char iĕm, đao hơlă pă đei truh bơih tơ char iĕm.

Mi 3:12

Thoi noh yua kơ lu iĕm, Siôn đe gô choh rơuơ thoi chŭn. Jêrusalem gô pơchah pơchek jing rơ̆m rĕk kông hnam yang jing thoi bri brah!

Sa 7:14

Inh đei pơm ăn kơ lu sư tơklah tơklang thoi đei kial hơbŭt tih tơ jơ̆p-jang lăm teh đak mă lu sư tam mă biơh băt; na lăm teh đak jing juơ, đơ̆ng rŏng kơ lu sư noh, dĭng mah pă đei bu năm rok noh wih brŏk tơ noh; yua kơ lu sư pơm ăn kơ teh đak đơ̆ng chơt hiôk jing juơ juŏ.’ ”

Both 32:24

Inh ăn tơdrong pơngot rơwĕt, tơngiĕt găng pơm kơ lu sư hiong răm. Ba tŏ sa pơm kơ lu sư rơmơ̆n rơmok ăn tơdrong jĭ apoh pơm kơ lu sư lôch rŭng. Inh gô ăn sem bri kăp hek sa lu sư. Athei 'bih đei bih hơkăm năm choh lu Sư lôch.

Lu 5:6

Lăm chăl Samgar kon drŏ-nglo Anat, Lăm chăl Jăl, rim trong tih ưh pă đei bu rok, Lu bơngai tơmoi chă yak rok kiơ̆ trong đŏng đĕo;