Lêwi 25:50 - Sơ̆p Hlabơar Nơ̆r 'Bok Kei-Dei

⁵⁰ Sư gô tinh jô̆ hăm tơ'ngla răt sư đơ̆ng sơnăm ayơ mă sư tĕch akâu sư kơdih, dĭng truh tơ sơnăm hiôk-hian; păng 'long sư wă huai tinh jô̆ kiơ̆ kơ sơnăm lơ dah tŏ sĕt wă khan tinh jô̆ thoi đe juăt kơ jang apah.

Lêwi 25:50 ပူးပေါင်းရင်းမြစ်များ

Jop 14:6

Thoi noh apinh Kră Yang lê̆ pă lăng tơ sư, lê̆ sư hiôk 'biơ̆, Wă kơ sư chơt hiôk lăm năr sư oei arih thoi bơngai jang đei apah.

Êsai 16:14

Mă-lei dang ei Kră Yang khan: “Lăm pêng sơnăm, thoi lĕ kơ sơnăm đe jang apah đĕch na tơdrong ư-ang lu đe Môap mă hăm lơ khŭl kon pơlei lu sư ră đe gô pơjăm pơjuă păng lu bơngai oei đei pă tŏ sĕt đĕch, ưh kơ jing kiơ bơih.”

Êsai 21:16

Kră Yang khan kơ inh thoi âu: “Lăm minh sơnăm dơ̆ng, jô̆ thoi sơnăm đe jang apah, dôm tơdrong ư-ang dêh char Kêdar gô hiong.

Lêwi 25:28

mă-lei tơdah bơngai noh ưh kơ kĕ đei jên wă pơdrâu kơ bơngai mă răt, bơngai răt noh gô bơwei teh dĭng truh tơ sơnăm hiôk-hian, noh sơnăm mă tơmam, teh gô pơdrâu kơ tơ'ngla sư, na bơngai noh gô iŏk tơwih teh sư kơdih.

Lêwi 25:40

Sư gô oei hơdai ih thoi minh 'nu bơngai jang kơ ih păng thoi bơngai tơmoi sa tơ ih, sư gô tơgŭm tơdrong jang ih truh tơ sơnăm hiôk-hian.

Lêwi 25:49

Mih ma sư, dah kon mih ma sư kơlĕ, dah minh 'nu adrĕch sư kư̆m gơh huai pơdrâu iŏk sư, tơdah sư kơdih kĕ đei mơdrŏng, sư kư̆m gơh huai pơdrâu sư kơdih.

Lêwi 25:51

Tơdah oei lơ sơnăm bơngai noh athei ăn jên wă jê̆ dôm đe răt sư. Tơmam wă huai sư.

Lêwi 25:53

Sư hăm tơ'ngla sư, lăng thoi minh 'nu bơngai jang apah kiơ̆ kơ sơnăm, tơ'ngla sư ưh kơ gơh pơjuă pơđep sư ôh 'bơ̆t anăp ih.

Both 15:18

'Nĕ kơ lăng hơnat ôh ăn kơ đĭch rơngei, yua kơ sư bơ̆jang kơ iĕm tơdrâu sơnăm boih, sa apah dang 'bar wơ̆t kơ minh 'nu bơngai jang hmă; thoi noh na Kră Yang 'Bok Kei-Dei gô ăn pŭn hiôk kơ iĕm lăm dôm tơdrong jang iĕm. Pơyơ̆r kon sem dơrong tuh blŭng-a