Lêwi 25:48 - Sơ̆p Hlabơar Nơ̆r 'Bok Kei-Dei

⁴⁸ Đơ̆ng rŏng kơ hlôi tĕch akâu sư kơdih bơih. Iĕm kư̆m gơh huai pơdrâu iŏk; dah minh 'nu lăm 'nhŏng oh lu sư kư̆m gơh huai pơdrâu iŏk sư.

Lêwi 25:48 ပူးပေါင်းရင်းမြစ်များ

II Pot 4:1

Đei minh 'nu drŏ-kăn, sư 'noh akăn minh 'nu bơngai lăm lu bơngai khan lê̆ adrol năm nhơ̆m hơdrĭ 'bơ̆t anăp Êlisê: “Klo inh mă đĭch đam ih, sư lôch bơih; ih băt sư bơngai hli yom kơ Kră Yang. Đei minh 'nu bơngai, nhôn hre kơ sư, na sư năm tơ hnam nhôn, wă rôp 'bar 'nu hơ'lơ̆p inh pơm đĭch sư.”

Ne 5:5

Akâu akar lu nhôn kư̆m nhen akâu akar lu 'nhŏng oh lu nhôn mơ̆n, kon tơdăm lu nhôn kư̆m nhen kon tơdăm lu sư mơ̆n; na dang ei lu nhôn rôp kon tơdăm păng kon adruh lu nhôn pơm đĭch hă păng kư̆m đei boih kon adruh lu nhôn pơm đĭch boih, mă tơpă lu nhôn pă đei gơh wă huai iŏk dơ̆ng; yua kơ chŭn mir păng pơgar hơmu lu nhôn đĭ tơ lu đe nai iŏk boih.

Ne 5:8

Khan thoi âu: “Kiơ̆ kơ lu bơ̆n gơh đei huai boih 'nhŏng oh lu bơ̆n, bơngai Juđa mă đe tĕch tơ lu adrĕch nai, na dang ei iĕm wă 'maih tĕch lu 'nhŏng oh bơ̆n dơ̆ng hă? Na lu sư wă tĕch tơ lu bơ̆n dơ̆ng hă?” Lu sư ngăn hreh ưh pă gơh wă pơma kiơ dơ̆ng.

Lêwi 25:25

Tơdah 'nhŏng oh lu iĕm hoh kơ'bah, wă tĕch hai 'biơ̆ teh jang sa sư, na bơngai mă 'nhŏng oh tơ jê̆ bơngai noh athei răt huai iŏk teh noh.

Lêwi 25:35

Tơdah 'nhŏng oh oei hơdai ih jing dơnuh hin mŭk tơmam 'me sa kơdih akâu ưh kơmah, ih athei tơgŭm 'me rong sư, mă khan sư bơngai tơmoi oei tơ âu, wă kơ sư gơh oei hơdai ih.

Lêwi 25:47

Tơdah bơngai đơ̆ng teh đak 'nguaih, dah bơngai tơmoi oei lăm teh đak ih jing mơdrŏng na 'nhŏng oh ih oei hơdai sư jing dơnuh, na năm tĕch akâu sư kơdih kơ bơngai tơmoi đơ̆ng teh đak nai oei hăm ih, dah tĕch ăn kơ minh 'nu bơngai bu lăm hnam bơngai tơmoi noh.

Lêwi 25:49

Mih ma sư, dah kon mih ma sư kơlĕ, dah minh 'nu adrĕch sư kư̆m gơh huai pơdrâu iŏk sư, tơdah sư kơdih kĕ đei mơdrŏng, sư kư̆m gơh huai pơdrâu sư kơdih.