Lêwi 25:43 - Sơ̆p Hlabơar Nơ̆r 'Bok Kei-Dei

⁴³ Pơgơ̆r sư 'nĕ kơ pơjuă pơđep dêh, sơmă athei hli yom kơ Kră Yang 'Bok Kei-Dei ih.

Lêwi 25:43 ပူးပေါင်းရင်းမြစ်များ

Bl 42:18

Truh năr mă pêng; Jôsep khan kơ lu sư thoi âu: Inh hli kơ Kră Yang 'Bok Kei-Dei; athei pơm thoi âu, na gơh arih.

II Ho 28:10

Dang ei iĕm wă 'maih rôp lu bơngai Juđa păng lu bơngai lăm pơlei Jêrusalem pơm đĭch drŏ-nglo pơm đam drŏ-kăn kơ lu iĕm hă? Bĕ lu iĕm ưh kơ pơm yoch hăm Kră Yang 'Bok Kei-Dei lu iĕm hă?

Jop 31:13

Tơdah inh đei pơdê tơdrong 'măn ăn kơ đĭch đam drŏ-nglo drŏ-kăn inh, Kơplah lu sư pơma jŏk kơ inh.

Jop 31:14

Na inh wă pơm liơ mưh Kră Yang 'Bok Kei-Dei iung sek tơlang inh? Truh tơ Sư apinh jet inh. Inh gô tơl Sư lơliơ?

Le 1:17

Mă-lei lu yă kơ'mĭn đe tơpŭ mă băt hli yom kơ Kră Yang 'Bok Kei-Dei ưh kơ đei pơm kiơ̆ nơ̆r pơtao Êyiptơ pơkă pơkăm, sư rong đĭ lu nge drŏ-nglo arih ngăl.

Le 1:21

Yua kơ lu yă kơ'mĭn đei jơhngơ̆m hli yom tơpă kơ Kră Yang 'Bok Kei-Dei, na Kră Yang 'Bok Kei-Dei ăn kơ hnam dơnŏ lu sư hiôk jơnap,

Le 2:23

Đunh 'biơ̆ đơ̆ng noh, Pơtao dêh Êyiptơ lôch; Kon pơlei Isơrael ôr krao yua kơ tơdrong pơm đĭch bơ̆jang gleh pơmat-tat: Nơ̆r krao ôr pơmat-tat truh tơ Kră Yang 'Bok Kei-Dei.

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Le 3:9

Nơ̆r krao ôr đơ̆ng kon pơlei Isơrael kơtơ̆ng truh tơ Inh păng Inh 'bôh boih kon pơlei Êyiptơ pơgŏ pơđep lu sư thoi yơ;

Le 5:14

Lu bơngai Isơrael mă jang lăm khŭl wei-lăng tơrô̆ kon pơlei Isơrael, đe teh lu sư păng hil khan: Liơ năr brei păng năr 'nâu, lu iĕm ưh kơ jang keh mă đêl hơgăt kơ iĕm man gŏch dôm thoi lĕ adrol ki?

Êsai 47:6

Inh hil mĭl kơ kon pơlei Inh, Inh pơm kơ mŭk tơmam Inh jing 'mê̆-'mach, Inh pơjao đĭ lu sư lăm tơpang ti ih. Mă-lei ih ưh kơ đei 'mêm mơnat kơ lu sư; Ih tơ'băk bơih 'long ăt trăp kơpal bơngai kră pă kĕ.

Êsai 58:3

Lu sư Jet: “Yua kơ kiơ lu nhôn ơ̆t kơ sŏng sa mă-lei Ih ưh kơ 'bôh? Lu nhôn tơjur akâu mă-lei Ih ưh kơ băt?” 'Nâu, lăm năr lu iĕm ơ̆t kơ sŏng sa, lu iĕm ling-lang chă tơdrong lu iĕm wă kơdih. Sa pơgâm lu bơngai jang kơ iĕm.

Êsêkiên 34:4

Lu kon triu tơrăn, iĕm ưh kơ tơgŭm ăn kơ lu sư pran; lu triu jĭ, iĕm ưh kơ ming hơmet wă kơ klaih; lu triu rơka, iĕm ưh kơ đei hơmet lu triu mă jrok tơklah tơklang, lu iĕm ưh kơ chông brŏk lu kon triu mă jrok hiong lu iĕm ưh kơ năm chă. Lu iĕm wei rong sư hăm tơdrong pơgŏ pơđep.

Lêwi 25:17

Lăm lu iĕm 'nĕ kơ pơgâm sa rông 'bôt iĕm kơdih. Sơmă athei băt hli yom kơ Kră Yang 'Bok Kei-Dei yua kơ Inh boih Kră Yang 'Bok Kei-Dei lu iĕm.

Lêwi 25:42

Yua kơ lu sư jing đam Inh, mă Inh hlôi chông anhăk lĕch đơ̆ng dêh Êyiptơ; đe ưh kơ gơh tĕch lu sư thoi đe tĕch đĭch ôh.

Lêwi 25:44

Na lu đĭch drŏ-nglo đĭch drŏ-kăn mă ih đei, lu iĕm gơh răt đơ̆ng adrĕch bơngai tăp dăr kơ iĕm.

Lêwi 25:46

Lu iĕm wei sư pơm tơmam thoi kon drŏ-nglo iĕm. Wei sư thoi bơngai đĭch đam ling-lang, mă-lei tơduă 'nhŏng oh iĕm bơngai Isơrael ưh kơ gơh pơjuă pơđep băl.

Lêwi 25:53

Sư hăm tơ'ngla sư, lăng thoi minh 'nu bơngai jang apah kiơ̆ kơ sơnăm, tơ'ngla sư ưh kơ gơh pơjuă pơđep sư ôh 'bơ̆t anăp ih.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Êphêsô 6:9

Ơ lu bơngai yŏng tơ'ngla wei lu bơngai đĭch, iĕm kư̆m pơm mă 'lơ̆ng kơ lu đĭch iĕm; mă sư ưh kơ chu 'nĕ kơ hil kơ sư dêh păng 'nĕ kơ tôn teh sư mơnat kơ sư mơ̆n. Mă iĕm bơngai yŏng tơ'ngla sư, mă sư bơngai đĭch iĕm, đĭ-đăng kơ bơ̆n đei minh 'nu Yŏng tih hloh kơ đĭ-đăng, Sư oei tơ kơpal plĕnh ti. Sư lăng đĭ-đăng bơngai lei-lăi đĕch ưh kơ đei phara kiơ ôh.

Both 25:18

Lu sư ưh kơ băt hli yom kơ Kră Yang 'Bok Kei-Dei, na druh blah pơlôch đĭ lu bơngai yak đơ̆ng rŏng, kơplah iĕm rok trong, 'bơ̆t lu iĕm oei lap gleh rơmơ̆n rơmok.

Kôlôsê 4:1

Ơ lu yŏng tơ'ngla lu bơngai đĭch, iĕm athei pơm mă 'lơ̆ng kơ lu đĭch iĕm, yua kơ iĕm kư̆m đei minh 'nu Yŏng tih hloh kơ iĕm, Sư oei tơ plĕnh ti.