Lêwi 25:24 - Sơ̆p Hlabơar Nơ̆r 'Bok Kei-Dei

²⁴ Tơdrong gơh pơdrâu iŏk teh đêl tĕch, athei pơyom jơ̆p kơ lăm teh đak iĕm oei.

Lêwi 25:24 ပူးပေါင်းရင်းမြစ်များ

Je 32:7

‘'Nâu, Hanamel kon drŏ-nglo Salum ma ih gô năm truh khan kơ ih: Răt bĕ mir na inh tơ Anathôt: Yua kơ ih kơtum jê̆ trŏ lăp kơ huai iŏk.’ ”

Êsêkiên 7:13

Lu bơngai tĕch ưh pă đei wơ̆t huai iŏk dơ̆ng tơmam mă hlôi tĕch; kơplah bre sư oei arih ră, yua kơ tơdrong truh đei tơ'bôh tơ bơngai tơpôl ưh pă gơh pơdrâu dơ̆ng. Yua kơ đơ̆ng tơdrong yoch lu sư kơdih; Ưh kơ đei bu gơh bơwei tơdrong arih kơdih.

Lêwi 25:23

Teh ưh kơ gơh tĕch hloi ôh, yua kơ noh teh Inh, iĕm thoi bơngai tơmoi mă oei hơdai Inh đĕch.

Lêwi 25:25

Tơdah 'nhŏng oh lu iĕm hoh kơ'bah, wă tĕch hai 'biơ̆ teh jang sa sư, na bơngai mă 'nhŏng oh tơ jê̆ bơngai noh athei răt huai iŏk teh noh.

Lêwi 25:27

bơngai noh athei jô̆ đơ̆ng sơnăm sư tĕch, păng pơdrâu ăn kơ bơngai mă răt teh sư tơdrong gĭt jên kiơ̆ kơ dôm sơnăm mă oei oei noh, na pơdrâu teh noh jing teh sư kơdih.

Lêwi 25:31

Mă-lei lu hnam tơ pơlei iĕ 'nguaih ưh kơ đei dur war jô̆ hloi hăm chŭn mir; tơ'ngla sư gơh pơdrâu iŏk, truh tơ sơnăm hiôk-hian, đe gô pơdrâu tơwih kơ tơ'ngla sư.

Rom 8:23

Ưh kơ sĭ dôm lu tơmam 'Bok Kei-Dei pơjing noh đĕch ôh pơmat-tat. Lu bơ̆n bơngai mă đei Yang Bơhngol 'Lơ̆ng kư̆m hang nuih pơmat-tat thoi lu tơmam noh mơ̆n. Na dang ei chang jah truh khei 'năr 'Bok Kei-Dei pơkă khan wă ăn kơ bơ̆n jing kon Sư ei đĕch hiôk, wă kơ bơ̆n dah tơplih jing akâu 'nao thoi Yêsu. Bơ̆n băt kơ Sư wă ăn kơ bơ̆n hiôk ning-mônh, yua kơ Sư ăn kơ bơ̆n Yang Bơhngol 'Lơ̆ng Sư dang ei.

I Kor 1:30

'Bok Kei-Dei ăn kơ bơ̆n oei hơdai minh jơhngơ̆m minh đon hăm Yêsu Krist. 'Bok Kei-Dei ăn kơ Kon Sư Yêsu Krist tơbăt ăn kơ bơ̆n gơh tơchĕng hơgei gah tơdrong Sư. Yua kơ đơ̆ng Yêsu Krist na 'Bok Kei-Dei huai iŏk bơ̆n đơ̆ng tơdrong yoch, Sư jô̆ bơ̆n jing bơngai tơpăt hăm Sư păng Sư ăn kơ bơ̆n jing bơngai 'lơ̆ng.

Êphêsô 1:14

Dang ei yua kơ bơ̆n đei Yang Bơhngol 'Lơ̆ng Sư, na bơ̆n băt kơ ning-mônh bơ̆n gô đei tôm tơdrong đêl Sư pơkă khan wă ăn kơ bơ̆n, na bơnê kơ Sư tơpă.

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Êphêsô 4:30

Iĕm 'nĕ kơ pơm kơ Yang Bơhngol 'Lơ̆ng sơ'ngon kơ iĕm, yua kơ Sư oei lăm iĕm, dang Sư chơ̆m đŏng yâu tơ klĕng bơ̆n tơbăt kơ bơ̆n bơngai klaih gơh oei hăm Sư ning-mônh.