Lêwi 25:20 - Sơ̆p Hlabơar Nơ̆r 'Bok Kei-Dei

²⁰ Tơdah lu iĕm khan: Mưh nhôn ưh kơ đei rei pơtăm ưh kơ kĕch yuă, lei lăm sơnăm mă tơpơh lu nhôn gô sa kiơ.

Lêwi 25:20 ပူးပေါင်းရင်းမြစ်များ

II Pot 7:2

Yŏng linh mă jê̆ pơtao, sư tơl nơ̆r Êlisê bơngai mă Kră Yang 'Bok Kei-Dei yua: “Mă khan Kră Yang pơih dôm lu 'măng-'mŏk tơ plĕnh ti, tơdrong noh gơh đei hă?” Êlisê tơl: “Măt ih gô 'bôh tơdrong noh, mă-lei ih ưh kơ đei sa ôh.”

II Ho 25:9

Amasia jet bơngai Kră Yang 'Bok Kei-Dei: “Bĕ gah minh-hrĕng talâng jên inh apah linh Isơrael noh thoi yơ?” Bơngai Kră Yang 'Bok Kei-Dei tơl: “Kră Yang gơh ăn kơ ih đei lơ hloh kơ noh dơ̆ng.”

Êsai 1:2

Ơ lu tăl plĕnh mơ̆ng bĕ! Ơ teh pơgling đon mơ̆ng bĕ, yua kơ Kră Yang pơma khan: “Inh wei rong lu kon hơ'lơ̆p Inh, dĭng truh kơ 'lŏ mă-lei lu sư plơ̆ blah Inh.

Lêwi 25:19

Teh gô chăt lơ plei 'long sa, lu iĕm gô sa phĭ jơnap păng arih hiôk hơđơ̆ng lăm char iĕm.

Lêwi 25:4

Mă-lei sơnăm mă tơpơh jing sơnăm Sa'bat, ăn kơ teh pơdơh wă khan minh sơnăm ăn kơ Kră Yang, ih ưh kơ rei pơtăm lăm chŭn mir ih, dah kăt hơmet pơgar hơmu ih.

Lêwi 25:6

Dôm tơmam sa mă chăt tơ teh lăm sơnăm Sa'bat gô ăn pơm tơmam sa kơ iĕm, ăn kơ đĭch đam drŏ-nglo drŏ-kăn, ăn kơ đĭ-đăng bơngai jang kơ ih păng đĭ-đăng bơngai tơmoi mă oei hăm ih

Jo 11:13

Inh gô chă đei 'nhĕm đơ̆ng yơ wă asong kơ đĭ-đăng lu kon pơlei âu? Yua kơ lu sư năm nhơ̆m tơ inh khan: Asong ăn kơ lu nhôn 'nhĕm sa.

Jo 11:4

Đei lu bơngai tơmoi oei hơdai hăm kon pơlei Isơrael đei jơhngơ̆m rơhing 'maih wă sa dêh; na pơm kơ kon pơlei Isơrael nhơ̆m apinh hơpơi khan: Rŏ kơ đei 'nhĕm sa dêh?

Mathiơ 8:26

Yêsu khan kơ lu đe ei: “Yua kơ kiơ iĕm hli, iĕm tam băt gơnang kơ Inh hă?” Sư iung khă hloi kial hăm đak poh-yă. Kial thĕng hloi, đak poh-yă kư̆m pă adrŏ adrĕnh.

Luka 12:29

“Iĕm 'nĕ pă tơchĕng khan: Bơ̆n wă sa kiơ, nhă kiơ? Iĕm 'nĕ kơ mah hăt kơ tơdrong noh.

Philip 4:6

Iĕm 'nĕ kơ hli, ưh kơ hli kơ minh tơdrong kiơ ôh. Mă-lei iĕm athei krao khan apinh 'Bok Kei-Dei wei-lăng păng tơgŭm iĕm lăm tôm tơdrong păng athei băt bơnê kơ Sư ling-lang.