Lêwi 22:23 - Sơ̆p Hlabơar Nơ̆r 'Bok Kei-Dei

²³ Lu iĕm gơh rôp minh pôm rơmo dah triu đei jơ̆ng kơjung hnang, dah kơđeh hnang wă pơm tơmam soi lăp đon 'maih wă, mă-lei gah tơmam soi pơsĭt tơdrong pơkă, kon sem tơmam soi thoi noh Kră Yang ưh kơ iŏk ôh.

Lêwi 22:23 ပူးပေါင်းရင်းမြစ်များ

Le 35:29

Đĭ-đăng lu drŏ-nglo drŏ-kăn lăm kon pơlei pơla Isơrael. Đei jơhngơ̆m pơdrŭt wă tơgŭm tơdrong jang Kră Yang pơkă kơ Môis noh, lu sư chĕp ba tơmam pơyơ̆r kơ Kră Yang kiơ̆ thoi lu sư wă kơdih.

Lêwi 21:18

Yua kơ ưh kơ đei bơngai bu mă jĭ jăn gơh năm jê̆ tơ bơsŭn, bơngai măt tol, jopo, muh măt cheng chong dah jơ̆ng sư kơjung kơđeh.

Lêwi 22:22

Lu iĕm 'nĕ kơ pơyơ̆r kơ Kră Yang minh pôm kon sem dơrong ayơ mă măt tol, tơgơ̆ jơ̆ng, rơka, tơ'boch roch jĭ lak, iĕm 'nĕ kơ rôp sư pơm tơmam soi 'buh hăm ŭnh pơyơ̆r kơ Kră Yang tơ kơpal chơnang soi.

Lêwi 22:24

Lu iĕm 'nĕ kơ pơyơ̆r kơ Kră Yang lăm char iĕm kơdih minh pôm sem dơrong bŏng sư pơchah, hĕch dah krĕo lê̆.

Malachi 1:8

Kơplah lu iĕm pơyơ̆r tơmam soi păng sem dơrong măt tol, tơdrong noh ưh kơ trŏ krưp dêh tơpă hă? Kơplah iĕm pơyơ̆r tơmam soi hăm sem dơrong jơ̆ng jo dah jĭ, tơdrong ưh kơ trŏ krưp dêh hă? Lu iĕm pơlong pơyơ̆r lăng kơ yŏng tơ'ngla iĕm thoi noh lăng sư hăm lăp đon kơ iĕm ưh?” Kră Yang Tih Hloh khan thoi noh.

Both 15:21

Dah kon sem dơrong tuh blŭng-a đei jĭ kiơ, jo dah măt tol, dah đei tơdrong jĭ nai dơ̆ng, iĕm 'nĕ kơ pơyơ̆r pơm tơmam soi ăn kơ Kră Yang 'Bok Kei-Dei iĕm ôh.

Both 17:1

Iĕm 'nĕ kơ pơyơ̆r kơ Kră Yang 'Bok Kei-Dei iĕm rơmo, dah triu đei tơdrong jĭ dah jo jăn noh tơdrong krưp dêh kơ Kră Yang 'Bok Kei-Dei.