Lêwi 22:22 - Sơ̆p Hlabơar Nơ̆r 'Bok Kei-Dei

²² Lu iĕm 'nĕ kơ pơyơ̆r kơ Kră Yang minh pôm kon sem dơrong ayơ mă măt tol, tơgơ̆ jơ̆ng, rơka, tơ'boch roch jĭ lak, iĕm 'nĕ kơ rôp sư pơm tơmam soi 'buh hăm ŭnh pơyơ̆r kơ Kră Yang tơ kơpal chơnang soi.

Lêwi 22:22 ပူးပေါင်းရင်းမြစ်များ

Lêwi 1:13

Mă-lei sư gô iŏk đak ôp klak păng tơkong. Đơ̆ng noh lu 'bok soi gô pơyơ̆r đĭ tơmam soi 'buh dan tơ kơpal chơnang soi noh pơm tơmam soi 'buh wă khan tơmam soi 'buh lăm ŭnh wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:9

Mă-lei sư gô iŏk đak ôp klak păng tơkong. Đơ̆ng noh lu 'bok soi gô 'buh dan đĭ tơmam soi tơ kơpal chơnang soi, noh boih tơmam soi 'buh, wă khan tơmam soi 'buh lăm ŭnh sa wă pơyơ̆r đei 'bâu phu 'lơ̆ng ăn kơ Kră Yang.

Lêwi 22:20

Lu iĕm 'nĕ kơ pơyơ̆r kon sem dơrong ayơ mă đei jĭ kiơ kiơ, yua kơ tơmam soi noh Inh ưh kơ iŏk ôh.

Lêwi 22:21

Tơdah minh 'nu bơngai pơyơ̆r kơ Kră Yang tơmam soi 'blŏk bơnê hăm rơmo, triu dah pơyơ̆r pơsĭt tơdrong pơkă dah pơyơ̆r tơmam soi Inh lăp đon. Wă kơ gơh iŏk, tơmam pơyơ̆r noh athei 'lơ̆ng, ưh kơ đei jĭ kiơ kiơ.

Lêwi 22:23

Lu iĕm gơh rôp minh pôm rơmo dah triu đei jơ̆ng kơjung hnang, dah kơđeh hnang wă pơm tơmam soi lăp đon 'maih wă, mă-lei gah tơmam soi pơsĭt tơdrong pơkă, kon sem tơmam soi thoi noh Kră Yang ưh kơ iŏk ôh.

Lêwi 3:3

Đơ̆ng tơmam pơyơ̆r 'blŏk bơnê 'nâu sư gô pơyơ̆r pơm tơmam soi yua hăm ŭnh na pơyơ̆r kơ Kră Yang lu rơmă, mă dôm klak păng lu rơmă dơwir klep tơ klak sư,

Lêwi 3:5

Lu kon drŏ-nglo Arôn gô 'buh pơyơ̆r dôm tơmam noh tơ kơpal chơnang soi tơ kơpal tơmam soi 'buh mă đei dan kơpal 'long ŭnh, ŭnh oei sa, noh jơ̆ tơmam soi ăn ŭnh sa 'bâu phu ăn kơ Kră Yang.

Malachi 1:8

Kơplah lu iĕm pơyơ̆r tơmam soi păng sem dơrong măt tol, tơdrong noh ưh kơ trŏ krưp dêh tơpă hă? Kơplah iĕm pơyơ̆r tơmam soi hăm sem dơrong jơ̆ng jo dah jĭ, tơdrong ưh kơ trŏ krưp dêh hă? Lu iĕm pơlong pơyơ̆r lăng kơ yŏng tơ'ngla iĕm thoi noh lăng sư hăm lăp đon kơ iĕm ưh?” Kră Yang Tih Hloh khan thoi noh.