Lêwi 22:21 - Sơ̆p Hlabơar Nơ̆r 'Bok Kei-Dei

²¹ Tơdah minh 'nu bơngai pơyơ̆r kơ Kră Yang tơmam soi 'blŏk bơnê hăm rơmo, triu dah pơyơ̆r pơsĭt tơdrong pơkă dah pơyơ̆r tơmam soi Inh lăp đon. Wă kơ gơh iŏk, tơmam pơyơ̆r noh athei 'lơ̆ng, ưh kơ đei jĭ kiơ kiơ.

Lêwi 22:21 ပူးပေါင်းရင်းမြစ်များ

Bl 28:20

Na Jakôp hơpơi kơdih sư thoi âu: Tơdah Kră Yang 'Bok Kei-Dei oei hơdai inh, wei-lăng inh kơplah inh oei yak, ăn 'bĕng sa, ao hrŭk.

Horiso 50:14

Pơyơ̆r nơ̆r bơnê ih kơ Kră Yang 'Bok Kei-Dei, păng pơkeh nơ̆r pơkă ih hăm Kră Yang Tih Hloh.

Le 35:29

Đĭ-đăng lu drŏ-nglo drŏ-kăn lăm kon pơlei pơla Isơrael. Đei jơhngơ̆m pơdrŭt wă tơgŭm tơdrong jang Kră Yang pơkă kơ Môis noh, lu sư chĕp ba tơmam pơyơ̆r kơ Kră Yang kiơ̆ thoi lu sư wă kơdih.

Tơdrông Pơđơk 7:14

Inh đei tơmam soi pơyơ̆r bơnê tơ hnam inh, Năr 'nâu inh pơyơ̆r pơkeh boih kơ nơ̆r đêl pơkă.

Lêwi 22:22

Lu iĕm 'nĕ kơ pơyơ̆r kơ Kră Yang minh pôm kon sem dơrong ayơ mă măt tol, tơgơ̆ jơ̆ng, rơka, tơ'boch roch jĭ lak, iĕm 'nĕ kơ rôp sư pơm tơmam soi 'buh hăm ŭnh pơyơ̆r kơ Kră Yang tơ kơpal chơnang soi.

Lêwi 3:1

Tơdah bu wă pơyơ̆r tơmam 'blŏk bơnê kơ Kră Yang hăm rơmo tơno dah akăn, athei rơih rơmo 'lơ̆ng huay kơ đei jĭ kiơ.

Lêwi 3:6

Tơdah tơmam sư pơyơ̆r wă 'blŏk bơnê kơ Kră Yang hăm triu tơno dah akăn athei rơih triu 'lơ̆ng huay kơ đei jĭ kiơ ôh.

Jo 15:3

lu iĕm pơyơ̆r kơ Kră Yang tơmam soi soh păng ŭnh dah tơmam soi 'buh, noh minh tơmam soi dah pơyơ̆r, dah tơmam soi wă pơsĭt nơ̆r pơkă, dah pơyơ̆r tơmam soi lăm năr kơ̆m tih, lu iĕm 'maih wă pơyơ̆r ăn kơ Kră Yang tơmam soi đei 'bâu phu păng rơmo dah triu,

Jo 15:8

Kơplah ih pơyơ̆r minh pôm rơmo dăm, dah jing soi 'buh, dah tơmam soi kơ tơdrong pơkă lăm tơmam soi bơnê ăn kơ Kră Yang,