Lêwi 22:2 - Sơ̆p Hlabơar Nơ̆r 'Bok Kei-Dei

² Khan bĕ kơ Arôn păng lu kon drŏ-nglo sư, wă kơ lu sư kơchăng pơm mă 'lơ̆ng lu tơmam pơyơ̆r kon pơlei Isơrael, mă đei 'măn pơyơ̆r pơm rơgoh ăn kơ Inh, wă kơ lu sư huay kơ pơm kơnê̆ 'mê̆-'mach kơ anăn 'lơ̆ng rơgoh Inh, Inh boih Kră Yang.

Lêwi 22:2 ပူးပေါင်းရင်းမြစ်များ

Esơra 8:28

Na inh khan kơ lu sư thoi âu: Lu iĕm jơ̆ bơngai 'lơ̆ng rơgoh Kră Yang păng lu tơmam yua lăm hnam Kră Yang 'Bok Kei-Dei noh kư̆m 'lơ̆ng rơgoh mơ̆n. Hu păng maih âu jơ̆ tơmam soi pơyơ̆r lăp đon Kră Yang Kră Yang 'Bok Kei-Dei 'bok lu iĕm.

Le 13:12

na ih athei pơyơ̆r ăn Kră Yang lu kon kơdră drŏ-nglo hăm lu kon tơno tuh blŭng-a lăm sem dơrong, yua kơ lu sư gô jing gah Kră Yang ngăl.

Le 28:38

Plăk 'noh gô sĭt dan tơ kơpal klĕng Arôn; Arôn pŭ tơdrong yoch lu bơngai Isơrael pơm yoch kơplah lu sư pơyơ̆r tơmam soi 'lơ̆ng rơgoh; plăk 'noh gô pơklep tơ kơpal klĕng Arôn ling-lang wă Kră Yang lăp đon iŏk lu sư.

Êsai 52:11

Lu iĕm weh bĕ, weh bĕ, weh lĕch bĕ đơ̆ng anih noh. 'Nĕ hơtŭt 'bơm tơmam 'mê̆-'mach. Lĕch bĕ đơ̆ng noh pơm akâu kơdih mă rơgoh. Ơ lu bơngai chĕp tơmam Kră Yang.

Êsêkiên 44:8

Lu iĕm ưh kơ hiơ̆k bơ̆jang wei tơmam 'lơ̆ng rơgoh Inh; lu iĕm pôk bơngai nai bơ̆jang tơdrong noh lăm anih 'lơ̆ng rơgoh Inh tơplih kơ lu iĕm.

Lêwi 15:31

Thoi noh ih athei klah lê̆ lu bơngai Isơrael ataih đơ̆ng lu tơdrong kơnê̆ 'mê̆-'mach lu sư, kơnh hli kơ lu sư lôch lăm tơdrong kơnê̆ 'mê̆-'mach lu sư noh na pơm 'mê̆-'mach kơ Bơsŭn Anih Akŭm Inh mă oei tŏk-bŏk lu sư.

Lêwi 18:21

'Nĕ kơ pơyơ̆ra kon hơ'lơ̆p ih kơ yang Mơlŏk, b 'nĕ kơ pơm 'mê̆-'mach kơ anăn Kră Yang 'Bok Kei-Dei ih, inh bơih Kră Yang.

Lêwi 19:12

Lu iĕm 'nĕ kơ yua anăn Inh na pơkă hơlĕnh, yua kơ ih pơm kơnê̆ kơ Kră Yang 'Bok Kei-Dei ih, Inh boih Kră Yang.

Lêwi 20:3

Inh kơdih gô hil mĭl kơ bơngai noh păng pơtôch lê̆ sư đơ̆ng kon pơlei pơla sư, yua kơ sư jao kon hơ'lơ̆p sư kơ yang Mơlŏk, pơm kơ anih 'lơ̆ng rơgoh Inh jing kơnê̆ 'mê̆-'mach păng pơ'mê̆ kơ anăn 'lơ̆ng rơgoh Inh.

Lêwi 21:6

Lu sư athei arih 'lơ̆ng rơgoh kơ Kră Yang 'Bok Kei-Dei, 'nĕ kơ pơm mơgrĭ kơ Anăn Kră Yang 'Bok Kei-Dei lu sư; yua kơ lu sư pơyơ̆r kơ Kră Yang dôm tơmam pơyơ̆r soh hăm ŭnh, wă khan pơyơ̆r 'bĕng tơmam sa kơ Kră Yang, yua kơ noh lu sư jing 'lơ̆ng rơgoh.

Lêwi 22:1

Kră Yang khan kơ Môis,

Lêwi 22:32

'Nĕ pơm 'mê̆-'mach kơ anăn 'lơ̆ng rơgoh Inh, na Inh đei tơdrong 'lơ̆ng rơgoh lăm kon pơlei Isơrael, Inh boih Kră Yang Tơ'ngla pơm kơ iĕm jing rơgoh.

Jo 18:32

Yua kơ thoi noh tơdah lu iĕm đei pơyơ̆r boih tơmam mă 'lơ̆ng hloh ăn kơ Kră Yang, lu iĕm huay pă pŭ tơdrong yoch boih, lu iĕm huay pă pơm 'mê̆-'mach kơ dôm lu tơmam 'lơ̆ng rơgoh bơngai Isơrael, lu iĕm huay kơ lôch ôh.

Both 15:19

Iĕm athei klah lê̆ 'lơ̆ng rơgoh ăn kơ Kră Yang 'Bok Kei-Dei iĕm dôm lu kon kơdră tơno tuh blŭng-a lăm rơmo dah triu iĕm. 'Nĕ kơ choh rơuơ ôh rơmo tơno tuh blŭng-a păng kư̆m 'nĕ kơ yuă sŏk triu tơno kơdră tuh blŭng-a.