Lêwi 22:18 - Sơ̆p Hlabơar Nơ̆r 'Bok Kei-Dei

¹⁸ athei khan bĕ kơ Arôn păng lu kon drŏ-nglo sư păng đĭ-đăng kon pơlei Isơrael, tơdah đei minh 'nu lăm hnam Isơrael dah bơngai tơmoi oei lăm char Isơrael lu sư, ba tơmam soi pơyơ̆r dah tơmam soi pơsĭt tơdrong pơkă dah tơmam soi lăp đon 'maih wă pơyơ̆r kơ Kră Yang jing tơmam soi 'buh,

Lêwi 22:18 ပူးပေါင်းရင်းမြစ်များ

II Ho 31:14

Kôrê kon drŏ-nglo Imna, bơngai Lêwi bơngai wei 'Măng Jang Hơlĕch, sư yŏng wei-lăng tơmam đe pơyơ̆r kơ Kră Yang 'Bok Kei-Dei hăm jơhngơ̆m hiôk păng lu tơmam 'lơ̆ng rơgoh.

Horiso 116:14

Inh gô pơkeh ăn đĭ kơ Kră Yang dôm tơdrong đêl nơ̆r inh pơkă. 'Bơ̆t anăp đĭ-đăng kon pơlei Sư

Horiso 116:18

Inh gô pơkeh ăn đĭ kơ Kră Yang dôm tơdrong đêl nơ̆r inh pơkă, 'Bơ̆t anăp đĭ-đăng kon pơlei Sư.

Horiso 22:25

Tơdrong inh hơri bơnê tơ anih akŭm tih lĕch đơ̆ng Ih, Inh gô pơm keh dôm nơ̆r đêl inh pơkă 'bơ̆t anăp lu bơngai hli yom kơ Kră Yang.

Horiso 56:12

Ơ Kră Yang 'Bok Kei-Dei, tơdrong inh pơkă hăm Ih,g inh gô pơsĭt. Inh gô pơyơ̆r tơmam soi bơnê kơ Ih.

Horiso 61:5

Ơ Kră Yang 'Bok Kei-Dei, Ih kơtơ̆ng boih nơ̆r inh pơkă. Ih Jao ăn boih kơ inh mŭk tơmam lu bơngai mă chu yom kơ anăn Ih.

Horiso 61:8

Thoi noh inh gô hơri bơnê kơ anăn ling-lang. Păng rim năr pơm pơkeh dôm tơdrong inh pơkă.

Horiso 65:1

Ơ Kră Yang 'Bok Kei-Dei, tơ Siôn Ih trŏ kơ đe kơkuh bơnê. Lu sư gô pơkeh dôm nơ̆r đêl lu sư pơkă, hăm Ih!

Horiso 66:13

Inh gô iŏk tơmam soi 'buh na mơ̆t lăm hnam Ih. Pơkeh kơ nơ̆r đêl inh pơkă hăm Kră Yang.

Le 12:5

Lu iĕm athei rôp lăm khŭl kon triu dah kon bơbe tơno mă 'lơ̆ng ưh kơ đei rơka rơkĕch kiơ. Tôm minh sơnăm.

Bôk Bơthô 5:4

Tơdah ih đei pơma pơkă hăm Kră Yang 'Bok Kei-Dei athei jah pơm pơkeh nơ̆r pơkă noh; yua kơ lu bơngai kơtul ưh kơ đei pơm kơ Kră Yang lăp đon. Lei jah pơkeh nơ̆r ih pơkă noh.

Lêwi 1:10

Tơdah tơmam sư wă pơyơ̆r soi 'buh hăm triu dah bơbe sư athei rơih chă tơno mă ưh kơ đei jĭ kiơ,

Lêwi 1:2

Pơma roi bĕ kơ kon pơlei Isơrael thoi âu: Layơ bu lăm lu iĕm đei năm pơyơ̆r tơmam soi kơ Kră Yang athei rôp iŏk rơmo, triu dah bơbe đơ̆ng lăm khŭl sem dơrong na pơyơ̆r.

Lêwi 17:10

Tơdah bơngai bu mă đơ̆ng lăm adrĕch Isơrael, dah bơngai tơmoi oei hăm sư, sa pham kiơ bưh, lei Inh gô iung hil mĭl kơ bơngai sa pham noh, Inh gô puh tơhiong lê̆ sư đơ̆ng bơngai Isơrael sư.

Lêwi 17:13

Thoi noh mơ̆n tơdah đei minh 'nu bơngai lăm kon pơlei Isơrael dah đơ̆ng lăm bơngai tơmoi, chă hơnguang đei minh pôm jĭl juei dah sem păr mă bơ̆n juăt kơ sa, 'bet lê̆ pham lĕch na iŏk teh 'bŭ lê̆.

Lêwi 22:17

Kră Yang khan kơ Môis,

Lêwi 23:38

'Nguaih kơ bơwei năr pơdơh Sa'bat Kră Yang, lu iĕm athei pơyơ̆r tơmam soi iĕm kơdih, lu tơmam soi pơsĭt nơ̆r pơkă păng tơmam soi 'maih wă. Iĕm juăt kơ pơyơ̆r ăn kơ Kră Yang.

Lêwi 7:16

Tơdah tơmam pơyơ̆r âu yua kơ tơdrong pơkă dah tơmam pơyơ̆r 'maih wă, đe gô sa tơmam soi noh lăm năr mă pơyơ̆r tơdah oei rơkah gơh sa năr dơning dơ̆ng.

Am 4:5

Soh bĕ tơmam soi đei 'buih. Roi tơbăt dôm tơmam soi pơyơ̆r hăm jơhngơ̆m hiôk; roi pơư bĕ wă kơ bơngai lăm teh đak băt; Ơ kon sâu bơngai Isơrael, lu iĕm oei 'maih wă kơ pơm tơdrong noh, Kră Yang khan thoi noh.

Jôna 1:16

Yua kơ thoi noh lu bơngai noh hli yom kơ Kră Yang lu sư pơyơ̆r tơmam soi ăn kơ Kră Yang păng pơkă hăm Kră Yang.

Jôna 2:9

Mă-lei inh iŏk nơ̆r hơri bơnê păng iŏk tơmam soi pơyơ̆r kơ Ih; Inh gô pơkeh dôm nơ̆r inh mă đei pơkă boih. Tơdrong dŏng pơklaih đơ̆ng Kră Yang!

Na 1:15

To, tơ kơpal kông đei đêl jơ̆ng lu bơngai năm ba tơdrong 'nao 'lơ̆ng păng roi tơdrong hiôk-hian. Ơ Juđa, ih athei bơwei bĕ năr kơ̆m giĕng ih păng pơsĭt bĕ tơdrong ih đêl pơkă; yua kơ lu bơngai kơnê̆ ưh pă pơm kơnê̆ ayăt kơ iĕm dơ̆ng boih lu sư lôch đĭ-đăng boih.

Malachi 1:14

“Lu bơngai hơlĕnh noh trŏ kơ hil mĭl păng hiap tơpă, lăm khŭl sem dơrong noh đei kon tơno 'lơ̆ng, mă-lei lu sư pơkă wă pơyơ̆r ăn kơ Kră Yang na iŏk kon sem jo jăn pơm tơmam soi. Yua kơ Inh Pơtao tih, anăn Inh trŏ kơ hli yom tơ lăm đĭ adrĕch adrung kon bơngai.” Kră Yang Tih Hloh khan thoi noh.

Jo 15:3

lu iĕm pơyơ̆r kơ Kră Yang tơmam soi soh păng ŭnh dah tơmam soi 'buh, noh minh tơmam soi dah pơyơ̆r, dah tơmam soi wă pơsĭt nơ̆r pơkă, dah pơyơ̆r tơmam soi lăm năr kơ̆m tih, lu iĕm 'maih wă pơyơ̆r ăn kơ Kră Yang tơmam soi đei 'bâu phu păng rơmo dah triu,

Jang 18:18

Đơ̆ng rŏng kơ noh Pôl oei tơ Pơlei Kôrintô kư̆m đunh 'biơ̆ mơ̆n. Klaih kơ noh sư tơklah đơ̆ng bơngai lui wă năm tơ dêh char Siri. Bre Prisil păng Akila kư̆m kiơ̆ hơdai păng sư mơ̆n. Lu sư năm tơ Pơlei Sankrê. Tơ ei Pôl yuă sŏk. Đunh boih sư ưh kơ yuă sŏk yua kơ sư pơkă hăm 'Bok Kei-Dei tơdrong kiơ kiơ. Dang ei sư pơm đang tơdrong sư pơkă noh na sư gơh yuă sŏk dơ̆ng.

Both 12:17

Lu iĕm ưh kơ gơh sa lăm pơlei iĕm kơdih, lu tơmam iŏk đơ̆ng minh lăm mơjĭt, 'ba, sik hơmu đak rơmă plei ôliwơ, dah lu kon rơmo triu bơbe tuh blŭng-a, dah tơmam kiơ iĕm drơ̆ng pơkă wă pơyơ̆r, dah iĕm pơyơ̆r hăm jơhngơ̆m wă, dah lu tơmam pơyơ̆r nai, lu iĕm ưh kơ gơh sa lăm pơlei iĕm kơdih.

Both 12:6

Chĕp ba tơmam soi 'buh pơyơ̆r tơ noh, lu tơmam soi iŏk minh lăm mơjĭt, tơmam soi pha, lu tơmam soi pơsĭt đêl nơ̆r pơkă, tơmam soi hăm jơhngơ̆m lăp păng lu kon kơdră rơmo triu bơbe tuh blŭng-a.

Both 16:10

Đơ̆ng rŏng kơ noh iĕm athei pơm giĕng kơ lu tơpơh 'măng giĕng 'nâu ăn kơ Kră Yang 'Bok Kei-Dei iĕm ba tơmam pơyơ̆r hăm jơhngơ̆m hiôk, kiơ̆ kơ đơ̆ng Kră Yang 'Bok Kei-Dei ăn pŭn hiôk kơ iĕm.