Lêwi 21:23 - Sơ̆p Hlabơar Nơ̆r 'Bok Kei-Dei

²³ Mă-lei sư ưh kơ gơh năm jê̆ che pĕng, kư̆m ưh kơ gơh năm jê̆ chơnang soi, yua kơ akâu đei jĭ jăn wă kơ sư huay kơ pơm kơ anih 'lơ̆ng rơgoh Inh jing kơnê̆ 'mê̆-'mach; yua kơ Inh boih Kră Yang, pơm kơ lu sư noh jing rơgoh.

Lêwi 21:23 ပူးပေါင်းရင်းမြစ်များ

Ne 13:29

Ơ 'Bok Kei-Dei inh! Apinh Ih 'blŏk bĕ kơ lu sư, yua kơ lu sư pơm pơ'mê̆ kơ tơdrong jang jing 'bok soi păng tơdrong pơm glăi kơ nơ̆r pơkă pơkăm pơgơ̆p hăm lu bơngai Lêwi mă jing 'bok soi.

Lêwi 15:31

Thoi noh ih athei klah lê̆ lu bơngai Isơrael ataih đơ̆ng lu tơdrong kơnê̆ 'mê̆-'mach lu sư, kơnh hli kơ lu sư lôch lăm tơdrong kơnê̆ 'mê̆-'mach lu sư noh na pơm 'mê̆-'mach kơ Bơsŭn Anih Akŭm Inh mă oei tŏk-bŏk lu sư.

Lêwi 19:2

Roi tơbăt ăn bĕ kơ đĭ-đăng kon pơlei Isơrael khŭl akŭm, lu iĕm athei oei sa mă 'lơ̆ng rơgoh bĕ, yua kơ Inh Kră Yang lu iĕm 'lơ̆ng rơgoh.

Lêwi 20:7

Lu iĕm athei wei akâu iĕm jing 'lơ̆ng rơgoh, yua kơ Inh jơ̆ Kră Yang 'Bok Kei-Dei lu iĕm.

Lêwi 21:12

Sư kư̆m ưh kơ gơh weh đơ̆ng anih 'lơ̆ng rơgoh ôh dah pơm mơgrĭ kơ anih 'lơ̆ng rơgoh Kră Yang 'Bok Kei-Dei sư kơdih jing kơnê̆ 'mê̆-'mach, yua kơ đak 'bâu phu thoi hơgăl đơ̆ng Kră Yang 'Bok Kei-Dei đe tuh oei đei tơ kơ̆l sư, Inh boih Kră Yang.

Lêwi 21:22

Sư gơh sa tơmam sa Kră Yang 'Bok Kei-Dei sư, mă tơmam 'lơ̆ng rơgoh hloh păng tơmam 'lơ̆ng rơgoh.

Lêwi 21:24

Môis pơma thoi noh kơ Arôn păng kơ lu kon drŏ-nglo sư păng đĭ-đăng kon pơlei Isơrael.

Lêwi 21:6

Lu sư athei arih 'lơ̆ng rơgoh kơ Kră Yang 'Bok Kei-Dei, 'nĕ kơ pơm mơgrĭ kơ Anăn Kră Yang 'Bok Kei-Dei lu sư; yua kơ lu sư pơyơ̆r kơ Kră Yang dôm tơmam pơyơ̆r soh hăm ŭnh, wă khan pơyơ̆r 'bĕng tơmam sa kơ Kră Yang, yua kơ noh lu sư jing 'lơ̆ng rơgoh.

Lêwi 22:16

Bu sa tơmam rơgoh đêl pơyơ̆r thoi noh gô pŭ iŏk tơdrong sư hlôi pơm glăi, yua kơ Inh boih Kră Yang pơm kơ lu sư jing rơgoh 'lơ̆ng.

Mathiơ 23:17

Ơ bơngai kơhlôh, thoi bơngai măt tol, lơliơ iĕm tơchĕng thoi noh? Hnam 'Bok Kei-Dei kăl hloh kơ maih. Maih yua kơ đe man tơ hnam 'Bok Kei-Dei đĕch na lăng nhen kăl.