Lêwi 21:22 - Sơ̆p Hlabơar Nơ̆r 'Bok Kei-Dei

²² Sư gơh sa tơmam sa Kră Yang 'Bok Kei-Dei sư, mă tơmam 'lơ̆ng rơgoh hloh păng tơmam 'lơ̆ng rơgoh.

Lêwi 21:22 ပူးပေါင်းရင်းမြစ်များ

Lêwi 10:12

Môis khan kơ Arôn păng lu kon drŏ-nglo sư oei arih, noh Êlêasar păng Ithamar. Ih iŏk bĕ tơmam pơyơ̆r, phe 'ba mă oei rơkah, đơ̆ng soh pơyơ̆r tơ chơnang soi kơ Kră Yang boih athei sa hloi hăm 'bĕng ưh kơ đei 'buih pông 'bơ̆t cheng chơnang soi; yua kơ tơmam âu jơ̆ rơgoh.

Lêwi 10:17

Liơ măr iĕm ưh kơ sa 'nhĕm tơmam soi huai đơ̆ng yoch tơ anih 'lơ̆ng rơgoh? Yua kơ noh jing tơmam 'lơ̆ng rơgoh hloh mă đe ăn boih kơ lu iĕm, wă kơ lu iĕm pŭ đĭ-đăng tơdrong yoch kon pơlei pơla păng soi sơmah huai đơ̆ng yoch ăn kơ lu sư 'bơ̆t anăp Kră Yang.

Lêwi 14:13

Sư gô pơlôch kon triu noh lăm anih đe juăt kơ pơlôch sem dơrong tơmam soi, wă pơm tơmam soi huai đơ̆ng yoch. Păng tơmam soi 'buh, tơ minh anih 'lơ̆ng rơgoh, yua kơ tơmam soi huai đơ̆ng tơdrong hơch 'bơm pơm yoch, 'nâu mơ̆ng kơ 'bok soi ngăl kư̆m thoi tơmam soi huai đơ̆ng yoch mơ̆n, noh jơ̆ minh tơmam 'lơ̆ng rơgoh hloh.

Lêwi 2:10

Dôm tơmam soi phe 'ba mă oei đei gô lê̆ đĭ kơ Arôn păng kon drŏ-nglo sư; noh jơ̆ tơmam soi 'lơ̆ng rơgoh hloh lăm lu tơmam soi soh hăm ŭnh sa pơyơ̆r kơ Kră Yang.

Lêwi 2:3

Dôm tơmam kiơ oei đei, đơ̆ng tơmam pơyơ̆r tơpŭng lê̆ đĭ kơ lu 'bok soi kon drŏ-nglo Arôn. Noh jơ̆ tơmam 'lơ̆ng rơgoh lăm lu tơmam pơyơ̆r soh hăm ŭnh sa mă pơyơ̆r ăn kơ Kră Yang.

Lêwi 21:23

Mă-lei sư ưh kơ gơh năm jê̆ che pĕng, kư̆m ưh kơ gơh năm jê̆ chơnang soi, yua kơ akâu đei jĭ jăn wă kơ sư huay kơ pơm kơ anih 'lơ̆ng rơgoh Inh jing kơnê̆ 'mê̆-'mach; yua kơ Inh boih Kră Yang, pơm kơ lu sư noh jing rơgoh.

Lêwi 22:25

'Nĕ kơ iŏk đơ̆ng ti bơngai tơmoi, minh pôm kon sem tơmam soi ayơ mă thoi noh, wă pơyơ̆r tơmam soi kơ Kră Yang 'Bok Kei-Dei ih. Yua kơ akâu sư rơka rơkĕch, Inh ưh kơ iŏk ôh tơmam soi noh.

Lêwi 22:7

Đang kơ 'năr mơ̆t bơih, sư jing rơgoh lei na gơh sa tơmam rơgoh yua kơ tơmam noh tơmam sa sư.

Lêwi 27:28

Dôm lu tơmam jao, wă khan đĭ-đăng tơmam kiơ mă pơyơ̆r kơ Kră Yang, kon bơngai, sem brem dah chŭn mir tơmam đơ̆ng lăm hnam bơ̆n đei, ưh pă gơh tĕch kư̆m ưh kơ gơh kơ huai pơdrâu iŏk ôh. Yua kơ dôm tơmam noh 'lơ̆ng rơgoh ăn kơ Kră Yang bơih.

Lêwi 6:10

'Bok soi gô hrŭk ao che 'bui hơdrông păng hơbĕn che 'bui sư, na chup tơnuh đêl ŭnh sa tơ kơpal chơnang soi tuh lê̆ tơ cheng jê̆ chơnang soi.

Lêwi 6:29

Rim 'nu bơngai drŏ-nglo lăm lu 'bok soi gơh sa 'nhĕm noh; noh jing tơmam rơgoh hloh.

Lêwi 7:1

'Nâu tơdrong juăt gah tơmam soi huai đơ̆ng yoch jơ̆ tơmam 'lơ̆ng rơgoh hloh.

Lêwi 7:6

Lu drŏ-nglo lăm adrĕch 'bok soi gơh sa 'nhĕm noh, tơ minh anih rơgoh. Na noh jing tơmam 'lơ̆ng rơgoh hloh.

Jo 18:19

Inh pơkă 'nâu ling-lang ăn kơ ih, lu kon drŏ-nglo lu kon drŏ-kăn ih, đĭ-đăng tơmam pơyơ̆r 'lơ̆ng rơgoh mă bơngai Isơrael đei pơyơ̆r kơ Kră Yang; noh tơdrong pơgơ̆p pơkă 'bohb pơm ling-lang, ưh kơ gơh hiơt ôh, 'bơ̆t anăp Kră Yang ăn kơ ih păng adrĕch adrung ih.

I Kor 9:13

Iĕm kư̆m băt mơ̆n dôm lu bơngai jang tơ lăm hnam akŭm 'Bok Kei-Dei tơm, lu sư sa tơmam đơ̆ng lăm hnam akŭm 'noh. Lu sư sa dôm lu tơmam đe pơyơ̆r kơ 'Bok Kei-Dei păng dôm lu tơmam đe ăn wă sơmah kơ 'Bok Kei-Dei.