Lêwi 21:15 - Sơ̆p Hlabơar Nơ̆r 'Bok Kei-Dei

¹⁵ wă kơ sư ưh kơ gơh pơm kơnê̆ 'mê̆-'mach kơ kon sâu sư lăm kon pơlei pơla sư, yua kơ Inh boih Kră Yang pơm kơ sư jing rơgoh 'lơ̆ng.

Lêwi 21:15 ပူးပေါင်းရင်းမြစ်များ

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

Esơra 2:62

Lu bơngai noh chă adrĕch adrung lu sư ră mă-lei ưh kơ đei; na đe jô̆ lu sư ưh kơ rơgoh na păng tơlĕch lu sư đơ̆ng tơdrong jang 'bok soi.

Esơra 9:2

Yua kơ lu sư rôp oei kơ lu drŏ-kăn bơngai tơmoi păng kư̆m rôp ăn kon drŏ-nglo lu sư oei na lu adrĕch 'lơ̆ng rơgoh jing hrâu hre hăm adrĕch lăm dêh âu; tơpă lu đe kơdră păng 'bok kuan wei-lăng kon pơlei pơm yoch adrol hloh.

Le 34:16

Na ih 'nĕ rôp akăn kơ lu kon drŏ-nglo ih, kon adruh lu sư gô pơm kư̆ kă hăm yang lu sư, đơ̆ng noh pơhlŭ kon tơdăm ih kư̆m pơm kư̆ kă kiơ̆ yang lu sư mơ̆n.

Lêwi 19:2

Roi tơbăt ăn bĕ kơ đĭ-đăng kon pơlei Isơrael khŭl akŭm, lu iĕm athei oei sa mă 'lơ̆ng rơgoh bĕ, yua kơ Inh Kră Yang lu iĕm 'lơ̆ng rơgoh.

Lêwi 20:7

Lu iĕm athei wei akâu iĕm jing 'lơ̆ng rơgoh, yua kơ Inh jơ̆ Kră Yang 'Bok Kei-Dei lu iĕm.

Lêwi 21:14

Sư ưh kơ gơh oei kơ drŏ-kăn adro, drŏ-kăn klo sư hrĕch, drŏ-kăn ngôi kư̆ kă pơm đi; mă-lei athei oei kơ drŏ-kăn hơlai oei plơ̆ng đơ̆ng lăm kon pơlei sư kơdih,

Lêwi 21:16

Kră Yang khan kơ Môis,

Lêwi 21:8

Thoi noh ih athei lăng jô̆ sư 'lơ̆ng rơgoh, yua kơ sư pơyơ̆r 'bĕng tơmam sa kơ Kră Yang 'Bok Kei-Dei ih. Sư jing rơgoh 'lơ̆ng kơ Inh; yua kơ Inh Kră Yang 'lơ̆ng rơgoh. Tơ'ngla mă pơm kơ lu iĕm jing rơgoh 'lơ̆ng.

Lêwi 22:16

Bu sa tơmam rơgoh đêl pơyơ̆r thoi noh gô pŭ iŏk tơdrong sư hlôi pơm glăi, yua kơ Inh boih Kră Yang pơm kơ lu sư jing rơgoh 'lơ̆ng.

Malachi 2:11

Lu bơngai Juđa oei sa ưh kơ tơpăt hơlĕnh pơdăr păng đei pơm minh tơdrong yoch kơnê̆ tih krưp tơpă lăm lu bơngai Isơrael păng lăm pơlei Jêrusalem; Juđa đei pơm boih tơdrong 'mê̆-'mach kơ tơdrong 'lơ̆ng rơgoh Kră Yang, yua kơ lu sư iŏk oei kơ drŏ-kăn yang tơmoi.

Malachi 2:15

Đơ̆ng noh, mă khan tơdrong arih Kră Yang 'Bok Kei-Dei đei lơ rơkah rơkai ră, mă-lei Sư pơjing ăn kơ ih lăp minh 'nu drŏ-kăn đĕch. Mă-lei yua kơ kiơ Sư pơjing ăn kơ ih lăp minh 'nu bơngai drŏ-kăn đĕch? Noh yua kơ wă chă adrĕch adrung 'lơ̆ng rơgoh, thoi noh lu iĕm athei mă kơchăng lăm jơhngơ̆m bơ̆n kơdih, 'nĕ kơ oei sa hơlĕnh pơdăr hăm akăn bơ̆n kơdih mă iŏk oei đơ̆ng 'lơ̆p.

Mathiơ 23:17

Ơ bơngai kơhlôh, thoi bơngai măt tol, lơliơ iĕm tơchĕng thoi noh? Hnam 'Bok Kei-Dei kăl hloh kơ maih. Maih yua kơ đe man tơ hnam 'Bok Kei-Dei đĕch na lăng nhen kăl.

Rom 11:16

Âu inh wă pơma kơ iĕm gah tơdrong đe pơyơ̆r kơ 'Bok Kei-Dei 'ba hrôih. Sư ăn pơgia lăp tŏ sĕt đĕch mă-lei dang sư ăn đĭ kơ 'ba sư mơ̆n. Bơ̆n 'bôh tơm 'long ayơ 'lơ̆ng, đĭ kơ dơng sư kư̆m 'lơ̆ng mơ̆n. Lu bơngai Isơrael kư̆m thoi noh, sơ̆ 'bok kơdră lu sư pơyơ̆r ăn akâu sư kơ 'Bok Kei-Dei, noh kư̆m dang sư pơyơ̆r đĭ lu kon sâu sư mơ̆n; tơm sư ăn kơ 'Bok Kei-Dei boih, wĕch kư̆m thoi noh.

I Kor 7:14

Mă klo sư ưh kơ lui, 'Bok Kei-Dei lăng bre klo kăn noh kư̆m 'lơ̆ng yua kơ akăn sư lui. Kư̆m lei-lăi, klo sư lui mă akăn sư ưh, 'Bok Kei-Dei lăng bre klo kăn noh kư̆m 'lơ̆ng yua kơ klo sư lui boih. Dah 'Bok Kei-Dei lăng bre sư ưh kơ 'lơ̆ng lei Sư kư̆m lăng kon bre sư kư̆m ưh kơ 'lơ̆ng mơ̆n. Mă-lei bơ̆n băt boih 'Bok Kei-Dei lăng kon bre sư 'lơ̆ng. Thoi noh bơ̆n kư̆m băt Sư lăng bre klo kăn noh 'lơ̆ng mơ̆n.