Lêwi 21:12 - Sơ̆p Hlabơar Nơ̆r 'Bok Kei-Dei

¹² Sư kư̆m ưh kơ gơh weh đơ̆ng anih 'lơ̆ng rơgoh ôh dah pơm mơgrĭ kơ anih 'lơ̆ng rơgoh Kră Yang 'Bok Kei-Dei sư kơdih jing kơnê̆ 'mê̆-'mach, yua kơ đak 'bâu phu thoi hơgăl đơ̆ng Kră Yang 'Bok Kei-Dei đe tuh oei đei tơ kơ̆l sư, Inh boih Kră Yang.

Lêwi 21:12 ပူးပေါင်းရင်းမြစ်များ

Le 28:36

Ih athei pơm minh tŏ plăk maih rơgoh, ih athei chrek nhen thoi đe chrek pơm tơmam tơdra kơtĭt: Pơyơ̆r kơ Kră Yang.

Êsai 61:1

Yang Bơhngol 'lơ̆ng Kră Yang oei hơdai Inh. Kră Yang rơih inh. Wă năm bơtho ăn tơdrong 'nao 'lơ̆ng kơ lu bơngai dơnuh hin, păng pơlung lu bơngai ơh sơ'ngon Sư wơh inh roi tơdrong Sư wă tơlĕch lu bơngai đe phak, kơ roi tơbăt ăn kơ lu bơngai bơnă gơh hơgei, tơbăt tơlĕch lu bơngai đe chĭt phak đơ̆ng hnam bơnă.

Lêwi 10:7

Thoi noh lu iĕm 'nĕ kơ lĕch ôh đơ̆ng 'măng Bơsŭn Anih Akŭm kơnh hli kơ iĕm lôch, yua kơ đak pơgang 'bâu phu Kră Yang tuh boih kơ kơ̆l lu iĕm. Lu sư chu hloi nơ̆r Môis pơma.

Lêwi 21:13

Sư athei oei kơ drŏ-kăn hơlai oei plơ̆ng.

Lêwi 8:30

Đơ̆ng noh Môis iŏk đak rơmă pơgang 'bâu phu păng pham đơ̆ng kơpal chơnang soi, na prôi tơ Arôn păng hơbĕn ao sư păng kư̆m prôi tơ lu kon drŏ-nglo sư, tơ hơbĕn ao lu sư mơ̆n. Thoi noh Môis 'măn lê̆ kơ Arôn hăm lu hơbĕn ao sư păng lu kon drŏ-nglo sư, hăm hơbĕn ao lu sư.

Jo 6:6

Kơplah đĭ lăm năr sư pơjao pơyơ̆r akâu sư kơ Kră Yang sư ưh kơ gơh jê̆ akâu bơngai lôch ôh.

Jang 10:38

'Bok Kei-Dei ăn kơ Yêsu đơ̆ng Pơlei Nasaret Yang Bơhngol 'Lơ̆ng tơgŭm Sư pơm tơdrong mơsêh mơyang. Yêsu năm chă tơgŭm đe păng pơklaih đĭ-đăng bơngai đơ̆ng yang Satan pơđep. Yêsu gơh pơm thoi noh yua kơ 'Bok Kei-Dei tơgŭm Sư.