Lêwi 20:20 - Sơ̆p Hlabơar Nơ̆r 'Bok Kei-Dei

²⁰ Tơdah minh 'nu drŏ-nglo 'bĭch hăm duch akăn ma, nă akăn mih sư kơdih, noh jơ̆ pơm pơ'brơh kơ mih ma sư, bre sư noh gô pŭ tơdrong kơnê̆ sư, măr sư gô lôch ưh kơ đei kon ôh.

Lêwi 20:20 ပူးပေါင်းရင်းမြစ်များ

Jop 18:19

Sư ưh pă đei kon sâu tơ lăm pơlei pơla sư, kư̆m ưh pă đei bu oei arih lăm anih sư oei.

Horiso 109:13

Thŭ ăn kơ lu adrĕch adrung sư răm đĭ, Anăn lu sư thŭ sŭt lê̆ tơ chăl đơ̆ng rŏng.

Je 22:30

Kră Yang khan: “Chih jô̆ bĕ bơngai 'nâu hơdai hăm lu bơngai ưh kơ đei hơ'lơ̆p, ưh kơ đei pŭn hiôk jơnap kơplah sư oei arih; Yua kơ lu kon sâu sư ưh kơ đei bu pŭn hiôk jơnap, gơh hơ-oei tơ tang-dŏ pơtao Đawit, păng gơh pơgơ̆r lăm adrĕch Juđa dơ̆ng!”

Lêwi 18:14

'Nĕ hưch pơm kư̆ kă hăm akăn mih dah ma ih, wă khan akăn lu sư; yua kơ sư jing duch nă mĕ tơm ih.

Lêwi 20:21

Tơdah minh 'nu bơngai drŏ-nglo hưch kơ akăn 'nhŏng oh sư kơdih, noh jơ̆ tơdrong kơnê̆ 'mê̆-'mach. Bơngai noh pơm kơnê̆ kơ 'nhŏng oh sư kơdih, bre sư gô ưh kơ đei kon ôh.

Luka 1:25

Akăn sư khan thoi âu: “Dang ei Kră Yang 'Bok Kei-Dei tơgŭm inh boih, đe huay pă pơma kơnê̆ kơ inh dơ̆ng boih.”

Luka 1:7

Mă-lei bre sư ưh kơ đei hơ'lơ̆p yua kơ Êlisabet bơngai hơwŏng. Bre sư kư̆m kră ngăl boih.

Luka 23:29

Yua kơ ning-mônh gô đei tơdrong anat anot truh tơpă na đe gô khan thoi âu: ‘Lu bơngai akâu pôm păng lu bơngai ưh kơ lah đei kon, lu sư đĕch hiôk.’