Lêwi 20:16 - Sơ̆p Hlabơar Nơ̆r 'Bok Kei-Dei

¹⁶ Tơdah bơngai drŏ-kăn năm 'bĭch pơm kư̆ kă hăm kon sem brem ih athei pơlôch lê̆ bơngai drŏ-kăn hăm kon sem brem noh hloi. Pham lu sư gô tuh tơ lu sư kơdih.

Lêwi 20:16 ပူးပေါင်းရင်းမြစ်များ

Le 19:13

Gô klơ̆m pơlôch sư păng tơmo dah prah hăm hră; 'nĕ kơ ăn ti pel 'bơm bơngai noh, mă bơngai dah sem dơrong hơtŭt 'bơm kơ kông noh ưh kơ ăn arih ôh. Dĭng mưh kơtơ̆ng đe hlôm tơgiĕp na kon pơlei gơh năm tŏk tơ kông.

Le 21:28

Tơdah đei rơmo tơ̆m bơngai drŏ-nglo dah drŏ-kăn na lôch hloi, rơmo 'noh athei klơ̆m pơlôch hăm tơmo, mă-lei đe ưh kơ gơh sa 'nhĕm sư ôh, na tơ'ngla rơmo, noh gơh klaih.

Le 21:32

tơdah rơmo tơ̆m 'bơm đĭch đam drŏ-nglo dah drŏ-kăn, tơ'ngla rơmo athei duh pêng-jĭt hlak sêikơla jên hu ăn kơ tơ'ngla sư; na rơmo 'noh gô klơ̆m pơlôch păng tơmo.

Le 22:19

Bơngai bu ngôi kư̆ kă păng sem brem đe gô pơlôch.

Lêwi 18:23

'Nĕ kơ 'bĭch pơm kư̆ kă hăm kon sem brem. Na pơm kơdih akâu 'mê̆-'mach hăm sư, bơngai drŏ-kăn kư̆m 'nĕ ăn akâu sư kơ kon sem brem wă 'bĭch pơm kư̆ kă hăm sư; noh jing minh tơdrong pơm kơnê̆ dêh.

Lêwi 20:15

Tơdah đei bơngai drŏ-nglo pơm kư̆ kă hăm kon sem brem, đe gô pơlôch sư; na iĕm kư̆m athei pơlôch kon sem brem noh mơ̆n.

Lêwi 20:17

Tơdah minh 'nu bơngai drŏ-nglo, iŏk mŏ dah oh sư kơdih minh pôm 'bă, na mĕ phara dah pôm mĕ na 'bă pha, na sư ngôi kư̆ kă, noh jing tơdrong kơnê̆ pơm kư̆ kă đe gô puh tơlĕch sư đơ̆ng anăp kon pơlei lu sư, bơngai pơm kơnê̆, pơ'brơh kơ mŏ oh sư, sư gô pŭ iŏk tơdrong glăi kơnê̆ sư.

Hêbrơ 12:20

yua kơ lu sư ưh kơ kĕ mơ̆ng tôm kơ nơ̆r 'Bok Kei-Dei pơma noh. 'Bok Kei-Dei khan kơ sư thoi âu: “Mă kiơ kiơ pel 'bơm dah nheh 'bơm kông âu, mă kon bơngai mă kon sem dơrong, athei klơ̆m pơlôch sư păng tơmo.”