Lêwi 20:14 - Sơ̆p Hlabơar Nơ̆r 'Bok Kei-Dei

¹⁴ Tơdah minh 'nu bơngai drŏ-nglo iŏk bre mĕ kon na pơm akăn, noh jing tơdrong kơnê̆ chư̆ dêh; đe gô soh pơđĭ pêng 'nu lu sư, wă kơ tơdrong kơnê̆ chư̆ noh huay pă đei lăm lu iĕm.

Lêwi 20:14 ပူးပေါင်းရင်းမြစ်များ

Lêwi 18:17

'Nĕ hưch pơm kư̆ kă hăm minh 'nu bơngai drŏ-kăn păng kon adruh sư. Kŭm 'nĕ hưch kơ sâu drŏ-kăn gah kon drŏ-nglo dah hưch kơ sâu drŏ-kăn gah kon drŏ-kăn sư. Lu sư noh jing adrĕch adrung sư jê̆ dêh; pơm thoi noh kơnê̆ tơpă.

Lêwi 21:9

Tơdah kon adruh 'bok soi ngôi kư̆ kă, noh jơ̆ pơm kơnê̆ kơ anăn 'bă sư, na đe gô soh sư lăm ŭnh.

Am 2:7

Lu sư pơjuă lê̆ kơ̆l lu bơngai dơnuh hin tơ teh păng pơm kơ trong lu bơngai iơ̆m dim đŏng đĕo. 'Bă kon kư̆m ngôi kư̆ kă hăm minh 'nu drŏ-kăn, thoi noh pơm pơ'mê̆ kơ anăn 'lơ̆ng rơgoh Inh.

Both 27:23

Hiap pơtê̆ bĕ kơ bơngai bu 'bĭch hơdai hăm tơnei drŏ-kăn sư kơdih! Đĭ-đăng kon pơlei gô khan: A-men!

Jôsuê 7:15

Bơngai bu mă đei tơhlâu, bơngai noh boih đei iŏk tơmam pơyơ̆r, pơlôch bơngai noh lăm ŭnh hơdai hăm lu tơmam sư, yua kơ sư pơm glăi kơ nơ̆r pơgơ̆p Kră Yang pơm ăn kơ adrĕch Isơrael mơlâu.

Jôsuê 7:25

Jôsuê khan: Yua kơ kiơ ih pơm tơdrong răm kơ lu bơ̆n? Kră Yang kư̆m pơrăm ih thoi noh mơ̆n năr 'nâu, đĭ-đăng kon pơlei Isơrael, klơ̆m tơmo tơ Akan. Đơ̆ng rŏng kơ klơ̆m tơmo đĭ-đăng hnam dơnŏ sư, đe iŏk ŭnh soh pơlôch đĭ lu sư.