Lêwi 2:14 - Sơ̆p Hlabơar Nơ̆r 'Bok Kei-Dei

¹⁴ Tơdah ih wă pơyơ̆r tơmam soi hăm tơpŭng plei 'long, phe 'ba blŭng-a lăm bơyan ăn kơ Kră Yang athei iŏk hơie 'ba oei adrih peh pơhĕch păng hơdrĕng lê̆ sư.

Lêwi 2:14 ပူးပေါင်းရင်းမြစ်များ

Bl 4:3

Đunh 'biơ̆ đơ̆ng noh, Kain yua phe 'ba sư pơm tơmam pơyơ̆r kơ Kră Yang.

II Pot 4:42

Đei minh 'nu bơngai đơ̆ng Baal Salisa truh, ba ăn kơ Êlisê bơngai 'Bok Kei-Dei yua noh 'bar-jĭt tŏ 'bĕng mi păng minh hnŏng ba bơyan yuă blŭng-a. Êlisê athei đam sư: “Chă asong ăn kơ lu đe sa bĕ.”

Lêwi 2:15

Ih athei tuh đak rơmă ôliwơ păng tơmam 'bâu phu tơ kơpal sư, noh bơih tơmam soi tơpŭng phe 'ba ưh kơ đei pham.

Lêwi 2:16

Đơ̆ng noh 'bok soi iŏk minh puăt lăm lu tơpŭng mă đei hrâu hăm đak rơmă ôliwơ păng tơmam 'bâu phu na soh. Wă pơm 'blŏk hơdơ̆r, noh jơ̆ tơmam soi phe 'ba hle soh lăm ŭnh pơyơ̆r ăn kơ Kră Yang.

Lêwi 22:29

Tơdah lu iĕm pơyơ̆r tơmam soi 'blŏk bơnê kơ Kră Yang, lu iĕm athei pơyơ̆r mă trŏ thoi noh, na Inh iŏk.

Lêwi 23:10

Khan bĕ kơ kon pơlei Isơrael: Tơdah lu iĕm mơ̆t tơ lăm char mă Inh ăn kơ lu iĕm păng lu iĕm đei kĕch yuă, bơyan 'ba tơ noh, iĕm athei năm ba minh hơchô̆ ba plei blŭng-a ăn kơ 'bok soi.

Lêwi 23:13

Păng pơyơ̆r tơmam soi phe 'ba, dang 'bar lăm mơjĭt êpha tơpŭng, b lŭk hrâu hăm đak rơmă ôliwơ pơm tơmam soi soh hăm ŭnh, pơyơ̆r đei 'bâu phu 'lơ̆ng ăn kơ Kră Yang păng pơyơ̆r tơmam huch hai sik plei hơmu, minh lăm puăn hin.c

Lêwi 23:20

'Bok soi gô iŏk tơmam soi noh hơdai hăm 'bar tŏ 'bĕng pơm păng 'ba blŭng-a lăm bơyan hơdai hăm 'bar tŏ kon triu na pơyơ̆r ba 'ma 'ngiĕo 'bơ̆t anăp Kră Yang, lu tơmam noh athei 'măn lê̆ rơgoh pha ăn kơ Kră Yang păng gô ăn kơ 'bok soi.

Malachi 1:11

Iŏk đơ̆ng măt 'năr lĕch truh tơ măt 'năr mơ̆t, yua kơ anăn Inh jing tih tơpă tơ lăm adrĕch adrung kon bơngai. Tơ lăm jơ̆p-jang anih, đe gô pơyơ̆r 'long 'bâu phu păng tơmam soi 'lơ̆ng rơgoh kơ anăn Inh; yua kơ anăn Inh gô jing tih tơpă tơ lăm adrĕch adrung nai.” Kră Yang Tih Hloh khan thoi noh.

Jo 28:2

Tơtă bĕ tơdrong 'nâu hăm lu kon pơlei Isơrael păng khan: Ăn lu iĕm kơchăng jah pơyơ̆r kơ Inh tơmam sa kiơ̆ trŏ kơ đêl nơ̆r Inh tơtă, pơyơ̆r kơ Inh noh tơmam soi 'buh na 'bâu phu truh tơ Inh.

I Kor 15:20

Mă tơpă 'Bok Kei-Dei tơiung arih Yêsu Krist boih, thoi noh bơ̆n băt 'Bok Kei-Dei kư̆m wă tơiung arih lu bơ̆n mơ̆n. Pơtih gia, Yêsu Krist thoi lĕ 'ba hrôih kơ lu bơngai mă lôch boih.

Both 26:2

iĕm athei iŏk minh lăm mơjĭt đơ̆ng dôm plei blŭng-a mă đơ̆ng teh, lăm dêh mă Kră Yang 'Bok Kei-Dei iĕm ăn kơ lu iĕm, tah lăm minh pôm bai, năm ba tơ anih Kră Yang 'Bok Kei-Dei iĕm gô rơih, wă kơ 'măn anăn Sư tơ noh.

Tơdrông Tơ'bôh 14:4

Lu sư bơngai rơgoh 'lơ̆ng ngăl ưh kơ đei kiơ̆ lu bơngai ưh kơ lui pơm yoch ôh. Lu sư thoi bơngai drŏ-nglo mă ưh kơ pơ̆n ngôi jê̆ bơngai drŏ-kăn, thoi bơngai drŏ-kăn mă ưh kơ pơ̆n ngôi jê̆ hăm bơngai drŏ-nglo. Kon Triu 'Bok Kei-Dei năm tơ yơ lu sư kiơ̆ tơ noh, yua kơ 'Bok Kei-Dei huai iŏk lu sư đơ̆ng khŭl kon bơngai, na lu sư dang tơmam đe pơyơ̆r ăn kơ 'Bok Kei-Dei păng pơyơ̆r ăn kơ Kon Triu.