Lêwi 19:13 - Sơ̆p Hlabơar Nơ̆r 'Bok Kei-Dei

¹³ 'Nĕ kơ pơjăm pơjuă bơngai oei cheng pleh kơ ih, 'nĕ kơ tơtông tơgar tơmam lu sư. Tơmam apah bơngai jang kơ iĕm, 'nĕ kơ wei lê̆ tơ hnam iĕm truh tơnăr dơning.

Lêwi 19:13 ပူးပေါင်းရင်းမြစ်များ

Jop 17:5

Bơngai ayơ kêng buăl sư wă lơi yua kơdih. Măt lu kon sư gô bơbôl.

Jop 31:39

Tơdah inh iŏk sa tơmam sư mă ưh kơ ăn jên, Pơm ăn kơ tơ'ngla sư lôch kơ pơngot,

Jop 7:2

Thoi bơngai đĭch hơpơi dêh kơ đei yơ̆p, thoi bơngai jang apah chang hơmĕng kơ jên khei,

Le 20:15

'Nĕ kơ tơtông klĕ.

Le 22:13

Tơdah sem dơrong 'noh sem bri rôp châu sa, bơngai rong athei anhăk ba tơ'bôh wă kơ băt, lei ưh kơ duh.

Le 22:15

Tơdah tơm măt tơ'ngla sư tơ 'noh, ưh kơ 'mong ôh, dah sem dơrong noh ăn tŏk iŏk, na tơmam tŏk iŏk 'noh jô̆ hăm jên 'mong ăn.

Le 22:21

Ih 'nĕ kơ pơm kơnê̆ kơ lu bơngai tơmoi păng kư̆m 'nĕ kơ pơjuă lu sư, yua kơ lu iĕm kư̆m đêl jing bơngai tơmoi oei lăm dêh Êyiptơ.

Le 22:7

Tơdah bơngai bu pơjao jên dah tơmam ăn kơ bôl buăl sư wei, na đei bơngai tơtông đơ̆ng hnam bơngai wei 'noh, dah đei rôp bơngai tơtông 'noh sư athei duh hloh 'bar wơ̆t.

Tơdrông Pơđơk 20:10

Kŏng ưh kơ trŏ, pơtŏ ưh kơ tôm 'bar tơdrong noh Kră Yang areh dêh.

Tơdrông Pơđơk 22:22

'Nĕ pơgŏ iŏk tơmam lu bơngai dơnuh hoh; Noh yua kơ sư dơnuh hin răm boih. Kŭm 'nĕ pơjuă pơđep lu bơngai pơmat-tat 'bơ̆t 'măng jang pơlei.

Tơdrông Pơđơk 3:28

'Nĕ kơ khan ôh kơ rông 'bôt ih, Brŏk bĕ dơning năm tơ âu dơ̆ng, inh gô ăn kơ ih.

Je 22:13

Răm-'băm tơpă kơ bơngai bu mă pơdơ̆ng hnam pơtao sư hăm tơdrong ưh kơ trŏ păng pơm anih tơ kơpal hăm tơdrong ưh kơ tơpăt hơnơ̆ng rôp lu bơngai rông 'bôt sư jang hoh; ưh kơ đei apah lu sư;

Je 22:3

'Nâu nơ̆r Kră Yang khan: Pơm bĕ dôm tơdrong tơpăt hơnơ̆ng tơdrong trŏ; pơklaih bĕ lu bơngai mă đe rôp đơ̆ng ti lu bơngai pơjuă pơđep. Lê̆ kơ rôp pơgŏ păng kư̆m 'nĕ pơm kơnê̆ kơ lu bơngai tơmoi, lu kon mơti 'bă păng lu yă adro 'Nĕ kơ pơlôch tuh pham kơ lu bơngai ưh kơ yoch tơ anih âu.

Êsêkiên 18:7

Ưh kơ pơjuă pơđep bu, pơdrâu tơmam kơ lu bơngai đêl iŏk hre, ưh kơ tơtông tơmam đe, ăn 'bĕng sa kơ lu bơngai pơngot, ăn ao hrŭk kơ lu bơngai koh hoh.

Êsêkiên 22:12

Lăm ih đei bơngai iŏk sa pơgâm wă pơm tơdrong đei tuh pham, ăn đe tŏk iŏk đei iŏk lơi adrol păng iŏk jên kon lơ dêh; ih pơjuă sa lu bơngai jê̆ ih păng ih hiơt kơ Inh, Kră Yang khan thoi noh.

Êsêkiên 22:29

Kon pơlei oei lăm teh đak pơjuă sa băl, tơtông tơgar iŏk, pơjuă pơđep lu bơngai dơnuh hin pơmat-tat, păng pơjuă pơđep lu bơngai tơmoi ưh pă ăn kơ lu sư đei tơdrong tơpăt.

Lêwi 25:14

Tơdah lu iĕm tĕch dah răt kiơ đơ̆ng rông 'bôt iĕm, iĕm 'nĕ kơ pơgâm sa dih băl.

Lêwi 25:17

Lăm lu iĕm 'nĕ kơ pơgâm sa rông 'bôt iĕm kơdih. Sơmă athei băt hli yom kơ Kră Yang 'Bok Kei-Dei yua kơ Inh boih Kră Yang 'Bok Kei-Dei lu iĕm.

Lêwi 6:3

Dah mă đei dônh tơmam đe hiong mă-lei sơngah pơkă pơkăm hơlĕnh dơ̆ng păng pơm minh lăm lu tơdrong mă đe juăt kơ pơm, noh yoch bơih.

Malachi 3:5

“Inh gô năm jê̆ lu iĕm wă kơ sek tơlang păng Inh gô pơm tơ'bôh wă blơ̆ lu bơngai pơm kơnê̆, lu bơngai pơm pơyô kư̆ kă, lu bơngai hơlĕnh pơdăr, lu bơngai pơgâm sa jên lu bơngai jang mưng, pơjuă lu bơngai hơdro-po păng lu bơngai mơti, lu bơngai mă pơrăm lu bơngai tơmoi păng lu bơngai mă kuă kơkuh păng hli yom kơ Inh,” mă Kră Yang Tih Hloh khan thoi noh.

Mathiơ 20:8

“Lăp truh 'năr mơ̆t boih, 'bok tơ'ngla mir ei khan kơ bơngai kai wei-lăng đe jang khan: ‘Krao lu sư bĕ, jah apah jên. Ih apah lu bơngai jang đơ̆ng rŏng hơdrol, lu bơngai jang hơdrol đơ̆ng rŏng.’

Markôs 10:19

Ih băt boih tơdrong 'Bok Kei-Dei pơkă sơ̆: ‘'Nĕ pơlôch bơngai, 'nĕ pơm pơyô kư̆ kă, 'nĕ chă tơtông tơmam đe, 'nĕ pơma hơlĕnh, 'nĕ pơgâm sa mŭk tơmam đe, bơ̆n athei lui yom kơ mĕ 'bă.’ ”

Luka 3:13

Na sư khan: “Iĕm 'nĕ pơlơ̆m sa jên đe.”

I Tes 4:6

Sư wă kơ bơ̆n gơ̆t tơdrong pơ'brơh kơ klo đe, dah akăn đe. Hơtai ki nhôn bơtho iĕm boih tơdrong 'noh khan 'Bok Kei-Dei wă phak dôm lu bơngai mă pơm kư̆ kă thoi noh.

I Tim 5:18

Ih athei pơm thoi noh yua kơ sơ̆p hla bơar 'Bok Kei-Dei khan thoi âu; mă mônh: “Iĕm 'nĕ kơ trôp 'bơ̆r rơmo kơplah sư oei jang juă hơnong 'ba.” Mă 'bar: “Bơngai jang athei đei sa apah.” Thoi noh na bơngai bơtho lei-lăi mơ̆n, iĕm athei apah jên kiơ̆ kơ sư jang.

Ya 5:4

Lu bơngai jang kơ mir iĕm, kĕch 'ba iĕm, iĕm drơ̆ng kơ apah sư, mă iĕm ưh kơ apah, iĕm hơlĕnh pơ'brơh kơ sư, na 'bơ̆r lu sư nhơ̆m hmoi kơtơ̆ng truh tơ Kră Yang 'Bok Kei-Dei ti.