Lêwi 17:7 - Sơ̆p Hlabơar Nơ̆r 'Bok Kei-Dei

⁷ Kon pơlei Isơrael ưh pă pơyơ̆r tơmam soi lu sư kơ yang kơnê̆ păng ưh pă tơ'bưh pơm pơyô kư̆ kă hăm lu sư dơ̆ng. Noh jing tơdrong juăt ling-lang kơ lu sư lăm đĭ chăl đơ̆ng rŏng.

Lêwi 17:7 ပူးပေါင်းရင်းမြစ်များ

II Ho 11:15

Jêrôbôam chă pôk pơjing lu 'bok soi sư kơdih tơ lu anih kơjung, kơ lu rup yang sư man noh bơbe tơno păng kon rơmo

Horiso 106:37

Lu sư rôp kon drŏ-nglo kon drŏ-kăn lu sư. Pơm tơmam soi kơ Yang kơnê̆.

Horiso 106:39

Lu sư jing 'mê̆ yua kơ đơ̆ng tơdrong jang kơdih lu sư. Na lu sư jing pơm đi ngôi kư̆ kă.

Le 22:19

Bơngai bu ngôi kư̆ kă păng sem brem đe gô pơlôch.

Le 22:20

Bơngai bu kơkuh soi sơmah kơ lu yang nai ưh kơ trŏ kơ Kră Yang đe gô pơlôch sư.

Le 27:21

Lăm tơdrong jang tơ 'nguaih kơ che pĕng găn 'bơ̆t anăp hom tah khôi juăt lăm Bơsŭn Anih Akŭm, 'bok Arôn hăm dôm lu kon drŏ-nglo sư gô wei hơmet ŭnh kơđeng, 'bơ̆t anăp Kră Yang wă kơ khơ̆ng ling-lang đơ̆ng măng truh 'năr hơdah, 'noh jing minh tơdrong juăt ling-lang ăn kơ adrĕch adrung Isơrael athei wei răk lăm đĭ-đăng jơhnơr.

Le 32:8

lu sư đĭ hăt kơ tơklah boih đơ̆ng trong Inh đei tơtă ăn kơ lu sư. Lu sư man pơm rup kon rơmo kơdih lu sư bơih, lu sư kơkuh păng pơyơ̆r tơmam soi kơ rup noh, klaih kơ noh lu sư khan; Ơ bơngai Isơrael, 'nâu yang ih, tơ'ngla mă đei chông tơlĕch ih đơ̆ng char Êyiptơ!

Le 34:15

'Nĕ kơ pơgơ̆p hơdai hăm lu bơngai tơ lăm char noh. Mưh lu sư pơm pơyô kư̆ kă kơplah lu sư pơm yang, sư pơtơm ih sa, đơ̆ng noh ih gô sa hloi tơmam sư pơm yang.

Je 3:1

Kră Yang khan: “Tơdah đei drŏ-nglo achăng lê̆ akăn sư, akăn sư weh đơ̆ng sư chă klo plơ̆ng, klo so sư hăm pă gơh hơlơ̆k oei kơ akăn so sư dơ̆ng? Teh đak noh ưh kơ kơnê̆ 'mê̆ krưp dêh tơpă hă? Mă-lei iĕm ngôi pơyô kư̆ kă hăm lơ bơngai mă ih hưch, Khan oei wă wih brŏk tơ Inh dơ̆ng hă?” Kră Yang khan.

Êsêkiên 23:3

Bre sư pơm đi lăm char Êyiptơ, bre sư pơm đi đơ̆ng oei 'lơ̆p tơ noh, toh bre sư đe chơpĕt, tơ noh tơdrong hơdruh 'lơ̆ng hơnĭl bre sư đe pơhiah lê̆.

Êsêkiên 23:8

Sư ưh kơ lê̆ tơdrong pơm pơyô kư̆ kă mă sư pơtơm lu bơngai Êyiptơ, đơ̆ng sư oei 'lơ̆p đe 'bĭch hơdai hăm sư boih, đe pơm pơhiah lê̆ hơdruh hơnĭl sư păng tuh tơdrong kơnê̆ 'mê̆ kơ sư.

Lêwi 17:8

Thoi noh ih athei khan kơ lu sư: Tơdah bu mă lăm bơngai Isơrael, dah bơngai tơmoi oei lăm lu kon pơlei, sư pơyơ̆r minh pôm tơmam soi 'buh dah pơyơ̆r tơmam soi kiơ,

Lêwi 20:5

thoi noh Inh gô hil mĭl kơ bơngai noh păng hnam dơnŏ sư păng puh tơweh lê̆ sư păng lu bơngai mă kiơ̆ sư đei pơm pơyô ngôi kư̆ kă hăm yang Mơlŏk,

Lêwi 3:17

'Nâu bơih jing tơdrong juăt ăn kơ lu adrĕch adrung iĕm ling-lang lăm đĭ-đăng jơhnơr lu iĕm oei arih tơ lăm đĭ-đăng anih tơ yơ lu iĕm oei, lu iĕm ưh kơ gơh sa rơmă dah pham.

Yo 12:31

Dang ei 'Bă Inh wă sek tơlang tơ ala teh âu, Sư pơpuh yang Satan mă pơgơ̆r teh âu.

Yo 14:30

Dang ei Inh oei pơma dơnuh păng iĕm ưh pă đunh boih, kơlih kơ yang Satan kră pơgơ̆r tơ ala teh âu wă truh boih. Mă-lei sư ưh kơ kĕ pơgŏ Inh pơm tơdrong kiơ ôh.

I Kor 10:20

Inh wă khan thoi âu: Tơmam lu bơngai kiơ̆ yang kơnê̆, lu sư sơmah kơ yang kơnê̆, 'noh ưh kơ sĭ lu sư sơmah kơ 'Bok Kei-Dei ôh. Na inh kuă ăn iĕm sa tơmam 'noh, dah iĕm sa dang iĕm pôm đon hăm yang kơnê̆ mơ̆n.

II Kor 4:4

Yŏng yang sơmăt pơgơ̆r tơ ala teh âu pơm kơ lu bơngai ưh kơ lui dang bơngai măt tol, wă kơ lu sư ưh kơ 'bôh tơdrong hơdah Yêsu Krist pơchrang kơ lu sư. Thoi noh na lu sư ưh kơ hlôh tơdrong 'nao 'lơ̆ng Yêsu Krist. Yêsu Krist boih hơbŏ thoi Kră Yang 'Bok Kei-Dei.

Êphêsô 2:2

Iĕm pơm kiơ̆ thoi lu bơngai tơ ala teh, hăm pơm kiơ̆ kơ yang Satan wă; yang Satan boih yŏng pơgơ̆r lu yang kơnê̆, sư boih pơgơ̆r lu bơngai mă ưh kơ chu 'Bok Kei-Dei.

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

Both 32:17

Lu sư pơyơ̆r tơmam soi kơ lu yang kơnê̆, ưh kơ trŏ kơ Kră Yang 'Bok Kei-Dei ôh. Kơkuh kơ yang mă lu sư ưh kơ tam lah băt, Yang đơ̆ng ataih 'nao truh. Mă 'bok lu sư ưh kơ hli yom.

Tơdrông Tơ'bôh 9:20

Lu bơngai mă huay truh kơ tơdrong aseh pơrăm, lu sư oei ưh kơ chu tơbral 'mơ̆i. Lu sư oei kơkuh kơ yang kơnê̆, pơm kơdih rup yang păng maih păng hu păng mam kong păng tơmo dah păng 'long. Pơm kơdih rup mă ưh kơ 'bôh, ưh kơ kơtơ̆ng, ưh kơ gơh yak, 'noh boih kơkuh khan yang.