Lêwi 17:15 - Sơ̆p Hlabơar Nơ̆r 'Bok Kei-Dei

¹⁵ Bơngai bu đơ̆ng pơlei kơtă dah đơ̆ng tơmoi, na sa 'nhĕm sem brem lôch kơmăp kơdih dah lôch đơ̆ng đêl sem bri kăp bơngai noh athei pih hơbĕn ao sư, hum lăm đak păng gô đei kơnê̆ 'mê̆-'mach truh kơmăng, klaih kơ noh sư jing rơgoh.

Lêwi 17:15 ပူးပေါင်းရင်းမြစ်များ

Le 22:30

Gah lu triu păng rơmo ih kư̆m athei pơm thoi noh mơ̆n, lăm tơpơh năr blŭng-a lê̆ oei hơdai mĕ sư, năr mă tơhngam ih athei pơyơ̆r sư kơ Inh.

Le 22:31

Lu iĕm gô jing bơngai 'lơ̆ng rơgoh 'măn kơ Inh, yua kơ thoi noh 'nĕ kơ sa 'nhĕm mă đơ̆ng sem bri kăp tơ bri brah; athei klơ̆m ăn kơ kŏ sa.

Êsêkiên 4:14

Na inh khan: “Ơ! Kră Yang Tih Hloh; inh ưh kơ layơ pơm 'mê̆-'mach kơdih akâu đơ̆ng oei 'lơ̆p mă truh dang ei, inh kư̆m ưh kơ layơ sa tơmam lôch kơmăp dah đơ̆ng sem bri châu; păng ưh kơ đei 'nhĕm 'mê̆-'mach ayơ mă đei tah sa lăm 'bơ̆r inh.”

Êsêkiên 44:31

Lu 'bok soi ưh kơ gơh sa sem dơrong sem bri sem păr ayơ lôch kơmăp, dah mă đơ̆ng lu tơduă châu hek

Lêwi 11:24

Yua kơ lu kon sem 'nâu bơih na lu iĕm jing 'mê̆-'mach, bu mă hơtŭt 'bơm akâu lôch lu kon sem âu gô đei 'mê̆-'mach truh kơmăng.

Lêwi 11:25

Bu chĕp akâu lôch kon sem noh, athei pih hơbĕn ao tai sư păng jing kơnê̆ 'mê̆-'mach truh kơmăng.

Lêwi 11:27

Lu adrĕch ayơ mă đei puăn pah jơ̆ng ti na yak nơnăm hăm tơpang jơ̆ng noh jing tơmam ưh kơ rơgoh kơ lu iĕm, bu mă hơtŭt 'bơm akâu lôch lu sem brem noh gô đei tơdrong kơnê̆ 'mê̆-'mach truh kơmăng.

Lêwi 11:28

Na bơngai bu mă chĕp ba akâu lôch lu kon sem brem noh athei pih hơbĕn ao tai sư păng gô kơnê̆ 'mê̆-'mach truh kơmăng, dôm lu adrĕch tơmam noh ưh kơ rơgoh kơ lu iĕm.

Lêwi 11:31

Lăm lu adrĕch noh pơm kơ lu iĕm ưh kơ rơgoh, bu hơtŭt 'bơm akâu lôch sư gô đei kơnê̆ 'mê̆-'mach truh kơmăng.

Lêwi 11:32

Dôm lu adrĕch tơmam 'nâu, akâu lôch sư mă huŏng 'bơm tơ kơpal tơmam kiơ, pơm kơ tơmam noh jing kơnê̆ 'mê̆-'mach, lu tơmam pơm hăm 'long, hơbĕn ao, tơmam pơm păng akar, kơdŭng wă khan tơmam mă bơ̆n juăt kơ yua, athei tong tơmam noh lăm đak, sư gô kơnê̆ 'mê̆-'mach truh kơmăng păng đơ̆ng noh gô jing rơgoh dơ̆ng.

Lêwi 11:39

Tơdah minh pôm kon sem brem iĕm gơh sa na lôch hĭ, bu mă hơtŭt 'bơm akâu sư kư̆m jing kơnê̆ 'mê̆-'mach truh kơmăng.

Lêwi 11:40

Bu mă sa 'nhĕm lôch noh athei pih hơbĕn ao tai sư păng gô 'bơm 'mê̆-'mach truh kơmăng păng bu mă chĕp ba akâu lôch noh kư̆m athei pih hơbĕn ao sư gô đei 'mê̆-'mach truh kơmăng.

Lêwi 15:10

Bu mă hơtŭt 'bơm dôm tơmam kiơ ala akâu bơngai đei tơdrong jĭ đuh, jing đei kơnê̆ 'mê̆-'mach truh kơmăng păng bu mă chĕp tơmam noh, athei pih hơbĕn ao sư, hum lăm đak păng jing kơnê̆ 'mê̆-'mach truh kơmăng.

Lêwi 15:21

Bu hơtŭt 'bơm giơng sư tep, athei pih hơbĕn ao, hum lăm đak păng gô jing kơnê̆ 'mê̆-'mach truh kơmăng.

Lêwi 15:5

Bu mă hơtŭt 'bơm giơng tep sư, athei pih hơbĕn ao sư, hum lăm đak păng sư jing kơnê̆ 'mê̆-'mach truh kơmăng.

Lêwi 22:8

Sư ưh kơ gơh sa ôh kon sem bri lôch kơmăp, dah lôch đơ̆ng sem bri kăp, wă kơ sư huay kơ kơnê̆ 'mê̆-'mach, yua kơ Inh boih Kră Yang.

Lêwi 7:24

Rơmă lu kon sem brem lôch kơmăp dah lôch đơ̆ng kon sem bri kăp hek gơh yua lăm tơdrong nai, mă-lei iĕm ưh kơ gơh sa ôh;

Jo 19:19

Năr mă pêng păng năr mă tơpơh, bơngai mă rơgoh athei iŏk đak noh tơtraih tơ akâu bơngai mă hơtŭt 'bơm 'mê̆-'mach păng năr mă tơpơh bơngai rơgoh noh athei pơm ăn rơgoh; bơngai mă 'bơm 'mê̆ noh athei pih hơbĕn ao sư, hum tong akâu lăm đak păng dĭng truh tơ kơsơ̆ măng na gơh rơgoh.

Jo 19:21

Noh boih jing tơdrong juăt pơm ling-lang lăm kon pơlei pơla. Bơngai bu mă tơtraih rơgoh đơ̆ng 'mê̆-'mach hăm đak bơngai noh sư athei pih hơbĕn ao tai sư; bơngai bu hơtŭt 'bơm kơ đak ôp sut 'mê̆-'mach bơngai noh jing 'mê̆-'mach truh kơsơ̆ măng.

Jo 19:8

Tơ'ngla mă 'buh rơmo kư̆m athei pih hơbĕn ao păng hum môch akâu sư tơ lăm đak, bơngai noh kư̆m jing 'mê̆ mơgrĭ truh kơsơ̆ măng.

Both 14:21

Lu iĕm 'nĕ kơ sa minh pôm kon sem brem lôch kơmăp, gơh ăn kơ lu bơngai tơmoi mă oei lăm pơlei ih, ăn kơ sư sa, kư̆m gơh tĕch ăn kơ bơngai tơmoi. Yua kơ ih jơ̆ adrĕch rơgoh 'lơ̆ng ăn kơ Kră Yang 'Bok Kei-Dei lu iĕm. 'Nĕ kơ pai hơbĭ 'nhĕm bơbe kon hăm đak toh mĕ sư.

Tơdrông Tơ'bôh 7:14

Na inh tơl sư thoi âu: “Ơ 'bok, ih băt boih tơdrong 'noh.” Na sư roi kơ inh thoi âu: “Lu bơngai 'noh sơ̆ lu sư đei tơdrong truh đe pơm kơnê̆ kơ lu sư dêh, lu sư adrin lui truh lôch. Lu sư pih ao tơ pham Kon Triu, kok 'lơ̆ng boih.