Lêwi 17:11 - Sơ̆p Hlabơar Nơ̆r 'Bok Kei-Dei

¹¹ Yua kơ tơdrong ariha sĕch akar oei tơ lăm pham; Inh ăn boih kơ lu iĕm pham tơtraih tơ chơnang soi wă soi sơmah huai đơ̆ng yoch bơhngol lu iĕm; yua kơ pham jing tơdrong arih.

Lêwi 17:11 ပူးပေါင်းရင်းမြစ်များ

Bl 9:4

Mă-lei lu iĕm 'nĕ kơ sa 'nhĕm lu kon sem mă đei bơhngol arih, wă khan oei đei pham.

Lêwi 1:5

Sư gô 'bet pơlôch rơmo dăm noh 'bơ̆t anăp Kră Yang, na lu 'bok soi kon drŏ-nglo Arôn iŏk pham rơmo pơyơ̆r păng tơtreh tăp dăr kơ chơnang soi 'bơ̆t 'măng Bơsŭn Anih Akŭm.

Lêwi 16:11

Arôn pơyơ̆r rơmo dăm, pơm tơmam soi huai đơ̆ng yoch, sư pơlôch rơmo noh soi sơmah wă kơ goh đơ̆ng yoch sư kơdih păng hnam dơnŏ sư.

Lêwi 17:12

Yua kơ tơdrong noh na Inh khan boih kơ bơngai Isơrael, Lăm lu iĕm ưh kơ gơh minh 'nu bơngai bu mă sa pham, bơngai tơmoi oei hăm iĕm kư̆m ưh kơ gơh sa pham.

Lêwi 17:14

Yua kơ tơdrong arih đĭ-đăng lu kon sem brem lăm pham ngăl, yua kơ thoi noh na Inh khan boih kơ đĭ-đăng kon pơlei Isơrael, lu iĕm ưh kơ gơh sa pham dôm lu kon sem brem, yua kơ tơdrong arih lu sem brem noh jơ̆ lăm pham sư, bu sa đe gô puh tơweh lê̆ sư.

Lêwi 4:25

'Bok soi gô iŏk pham sem dơrong pơm tơmam soi huai đơ̆ng yoch na tôt hơnglâu ti sư na pik tơ ake chơnang soi gah tơmam soi 'buh păng tuh pham mă oei đei tơ jơ̆ng chơnang soi 'buh.

Lêwi 4:26

Đĭ rơmă sư gô 'buh tơ kơpal chơnang soi, thoi rơmă tơmam soi 'blŏk bơnê mơ̆n, noh na 'bok soi gô pơm tơdrong sut rơgoh yoch sư, na sư gơh đei tơdrong mơnat ăn.

Lêwi 8:15

Môis pơlôch rơmo păng iŏk pham, yua hơnglâu ti sư pik pham noh tơ jum dăr ake chơnang soi wă kơ pơm kơ chơnang rơgoh; đơ̆ng noh tuh pham noh tơ jơ̆ng chơnang soi, thoi noh 'măn lê̆ chơnang soi rơgoh wă soi sơmah huai đơ̆ng yoch tơ noh.

Mathiơ 20:28

Kư̆m thoi Inh Kon Bơngai mơ̆n, Inh jur tơ ala teh âu ưh kơ sĭ Inh wă chă pơgŏ pơđep đe awih awăn kơ Inh ôh; Inh wă kơ tơ'ngla Inh kơdih awih awăn kơ đe păng Inh wă kơ tơ'ngla Inh kơdih lôch tang huai iŏk lơ bơngai.”

Mathiơ 26:28

đak hơmu âu boih pham Inh wă lĕch tang ăn lơ bơngai, na 'Bok Kei-Dei pơklaih tơdrong yoch.

Markôs 14:24

Na Yêsu khan kơ lu sư: “Đak hơmu âu boih pham Inh wă lĕch tang ăn lơ bơngai na 'Bok Kei-Dei pơklaih tơdrong yoch lu sư.

Rom 3:25

'Bok Kei-Dei Sư sek tơlang kiơ̆ tơdrong tơpăt ngăl, na lu bơngai yoch Sư wă phak tơpă. Mă-lei Sư oei 'mêm kơ kon bơngai, na ăn Kon pôm Sư Yêsu lôch tang kon bơngai tơ 'long pơglang, wă huai iŏk lu bơngai yoch, wă kơ lu bơngai yoch noh lui kơ Kon Sư, gơnang kơ Kon Sư, na 'Bok Kei-Dei jô̆ lu sư jing bơngai 'lơ̆ng rơgoh, Sư huay pă jô̆ yo boih. Kơplah Yêsu tam mă lôch tang sơ̆, đei mơ̆n lu bơngai lui kơ 'Bok Kei-Dei, gơnang kơ 'Bok Kei-Dei, mă-lei Sư huay kơ jô̆ yo ôh dôm tơdrong yoch lu sư, yua kơ Sư wă ăn Yêsu lôch tang lu sư ning-mônh. Tơdrong Sư ăn Kon Sư Yêsu lôch tang kon bơngai noh, Sư wă kơ kon bơngai băt kơ Sư sek tơlang kon bơngai tơpăt.

Rom 5:9

Na dang ei 'Bok Kei-Dei jô̆ bơ̆n jing bơngai 'lơ̆ng boih yua kơ đei Yêsu Krist lôch tang bơ̆n. 'Noh bơ̆n băt kơ Sư dŏng pơklaih bơ̆n đơ̆ng tơdrong 'Bok Kei-Dei wă phak.

Êphêsô 1:7

Kon pôm Sư lôch tuh pham wă huai iŏk bơ̆n, wă kơ bơ̆n klaih đơ̆ng tơdrong 'Bok Kei-Dei jô̆ yo. Tơdrong noh yua kơ Sư 'mêm na Sư ăn đĕch thoi noh.

Both 12:23

Mă-lei athei kơchăng, 'nĕ kơ sa pham; yua kơ pham đei tơdrong arih, lei na ưh kơ gơh ôh sa tơdrong arih hơdai hăm 'nhĕm.

Kôlôsê 1:14

Kon Sư noh boih huai iŏk bơ̆n, pơklaih bơ̆n đơ̆ng tơdrong yoch.

Kôlôsê 1:20

'Bok Kei-Dei ăn kơ Sư lôch tuh pham tơ 'long pơglang wă kơ tôm tơdrong tơ ala teh, tôm tơdrong tơ kơpal plĕnh hiôk hơiă hăm 'Bok Kei-Dei.

Hêbrơ 13:12

Na Yêsu lôch tang kon bơngai sơ̆ kư̆m thoi noh. Sư lôch tơ jih pơlei wă pơklaih dôm tơdrong yoch kon bơngai, soi kơ 'Bok Kei-Dei hăm pham Sư kơdih.

Hêbrơ 9:22

Kiơ̆ kơ tơdrong juăt sơ̆, dôm tơdrong rơgoh, tă rơgoh yua kơ pham. Tơ̆ng ưh kơ huach pham, ưh kơ gơh klaih đơ̆ng tơdrong yoch ôh.

I Pet 1:2

'Bă tơm bơ̆n 'Bok Kei-Dei băt kơ iĕm đơ̆ng blŭng-a sơ̆ boih, na Sư rơih iŏk iĕm jing kon Sư. Na Yang Bơhngol 'Lơ̆ng ăn kơ iĕm jing bơngai 'lơ̆ng tơpăt wă kơ iĕm lui yom kơ Yêsu Krist, na yua kơ pham Yêsu Krist iĕm klaih đơ̆ng tôm tơdrong yoch iĕm. Inh krao khan apinh Sư wei-lăng iĕm tôm tơdrong wă kơ Sư ăn kơ iĕm hiôk-hian ling-lang.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.