Lêwi 16:6 - Sơ̆p Hlabơar Nơ̆r 'Bok Kei-Dei

⁶ Arôn gô pơyơ̆r rơmo dăm pơm tơmam soi huai đơ̆ng yoch sư kơdih, sư gô soi sơmah wă kơ rơgoh đơ̆ng yoch sư păng hnam dơnŏ sư.

Lêwi 16:6 ပူးပေါင်းရင်းမြစ်များ

Jop 1:5

Đơ̆ng rŏng kơ dôm năr et sa đang bơih, Jop wơh krao lu kon sư brŏk wă pơm giĕng ôp 'nhao rơgoh. Sư iung đơ̆ng hrôih, wă pơyơ̆r tơmam soi 'buh tôm kơ lu kon sư; sư tơchĕng khan: “Băt lu kon inh pơm yoch păng băt lăm jơhngơ̆m lu sư blei hiap Kră Yang 'Bok Kei-Dei.” Jop juăt kơ pơm thoi noh.

Êsêkiên 43:19

Kră Yang khan: Pơjao bĕ kơ 'bok soi adrĕch Lêwi lăm, adrĕch Sađôk noh, lu bơngai gô năm jê̆ wă bơ̆jang kơ Inh, minh pôm rơmo dăm bek wă pơm tơmam soi huai đơ̆ng yoch.

Êsêkiên 43:27

Đơ̆ng rŏng năr kơ lu năr noh hlôi boih, đơ̆ng năr mă tơhngam tơ anăp, lu 'bok soi gô pơyơ̆r tơmam soi 'buh păng tơmam soi 'blŏk bơnê lu iĕm 'bơ̆t chơnang soi noh, thoi noh Inh gô iŏk dôm tơmam soi noh, Kră Yang khan.”

Lêwi 16:3

Arôn gô mơ̆t lăm anih 'lơ̆ng rơgoh thoi âu: Sư dui ba minh pôm rơmo dăm wă pơm tơmam soi huai đơ̆ng yoch păng minh pôm triu tơno wă pơm tơmam soi 'buh.

Lêwi 16:7

Na sư gô rôp 'bar tŏ bơbe tơno, dan 'bơ̆t anăp Kră Yang tơ 'măng Bơsŭn Anih Akŭm.

Lêwi 9:7

Môis khan dơ̆ng kơ Arôn: Ih athei năm jê̆ tơ chơnang soi, pơyơ̆r bĕ tơmam soi huai đơ̆ng yoch păng pơyơ̆r tơmam soi 'buh ih, wă soi huai đơ̆ng yoch ih kơdih gơh rơgoh păng soi huai đơ̆ng yoch kon pơlei pơla păng sơmah huai đơ̆ng yoch lu sư, kiơ̆ thoi Kră Yang đei tơtă bơih.

Hêbrơ 7:27

Lu 'bok soi nai, rim năr lu sư soi kơ 'Bok Kei-Dei. Lu sư soi pơ'lơ̆ng gah tơdrong yoch lu sư kơdih 'mơ̆i, na soi kơ lu kon pơlei pơla. Mă-lei gah Yêsu ưh ôh, Sư soi akâu Sư kơ 'Bok Kei-Dei minh 'măng tơ 'long pơglang tôm boih.

Hêbrơ 9:12

Yêsu mơ̆t boih hnam ei, truh tơ anih giĕng tih hloi. Sư mơ̆t soi minh 'măng đĕch tôm hloi kơ tơdrong soi boih yua kơ Sư soi hăm pham Sư kơdih. Ưh kơ sĭ Sư soi hăm pham bơbe pham rơmo ôh. Sư soi thoi noh đĕch, na bu wă gơnang kơ tơdrong Sư soi noh, bơngai noh gô klaih hloi kơ tơdrong yoch.

Hêbrơ 9:7

Gah lăm mă 'bar lăp minh 'nu 'bok soi tih đĕch gơh mơ̆t kơkuh kơ 'Bok Kei-Dei lơ̆m noh. Mă-lei minh sơnăm minh 'măng đĕch, mă mơ̆t athei yua hăm pham sem dơrong 'mơ̆i na gơh mơ̆t, iŏk pham sem noh soi kơ 'Bok Kei-Dei, wă kơ 'Bok Kei-Dei huay kơ jô̆ yo kơ tơdrong yoch sư kơdih hăm tơdrong yoch lu bôl buăl sư bơngai Isơrael.