Lêwi 16:33 - Sơ̆p Hlabơar Nơ̆r 'Bok Kei-Dei

³³ Sư mă soi sơmah pơm rơgoh ăn kơ anih rơgoh păng kơ Bơsŭn Anih Akŭm păng soi sơmah kơ chơnang soi, soi sơmah kơ lu 'bok soi păng soi sơmah kơ đĭ-đăng kon pơlei Isơrael.

Lêwi 16:33 ပူးပေါင်းရင်းမြစ်များ

Êsêkiên 45:18

Kră Yang khan thoi âu: Năr blŭng-a lăm khei mônh, ih iŏk minh pôm rơmo dăm ưh kơ đei rơka đơ̆ng lăm khŭl wă pơm rơgoh lăm anih 'lơ̆ng rơgoh.

Lêwi 16:11

Arôn pơyơ̆r rơmo dăm, pơm tơmam soi huai đơ̆ng yoch, sư pơlôch rơmo noh soi sơmah wă kơ goh đơ̆ng yoch sư kơdih păng hnam dơnŏ sư.

Lêwi 16:16

Thoi noh sư năm soi sơmah tơ lăm anih 'Lơ̆ng rơgoh yua kơ đơ̆ng tơdrong kơnê̆ 'mê̆-'mach, pơm glăi, yoch kon pơlei Isơrael na sư athei soi sơmah huai đơ̆ng tơdrong yoch. Sư kư̆m soi sơmah huay đơ̆ng yoch kơ Bơsŭn Anih Akŭm, yua kơ anih akŭm oei tơ tŏk-bŏk tơdrong kơnê̆ 'mê̆-'mach lu sư.

Lêwi 16:24

Sư gô hum tơ lăm minh anih 'lơ̆ng rơgoh, hrŭk ao sư, lĕch tơ 'nguaih, pơyơ̆r tơmam soi 'buh kơ sư kơdih păng tơmam soi 'buh kơ kon pơlei pơla, soi sơmah kơ sư kơdih păng kon pơlei pơla wă kơ rơgoh.

Lêwi 16:6

Arôn gô pơyơ̆r rơmo dăm pơm tơmam soi huai đơ̆ng yoch sư kơdih, sư gô soi sơmah wă kơ rơgoh đơ̆ng yoch sư păng hnam dơnŏ sư.

Lêwi 23:28

Năr noh 'nĕ kơ jang minh tơdrong kiơ; yua kơ năr noh wă huai đơ̆ng tơdrong yoch, lăm năr noh wă pơm rơgoh tơdrong yoch iĕm 'bơ̆t anăp Kră Yang 'Bok Kei-Dei lu iĕm.