Lêwi 16:23 - Sơ̆p Hlabơar Nơ̆r 'Bok Kei-Dei

²³ Arôn gô mơ̆t lăm Bơsŭn Anih Akŭm, plôh lê̆ hơbĕn ao đêl sư hrŭk mơ̆t tơ anih 'lơ̆ng rơgoh păng sư gô lê̆ hloi hơbĕn ao tơ noh.

Lêwi 16:23 ပူးပေါင်းရင်းမြစ်များ

Êsêkiên 42:14

Mưh lu 'bok soi hlôi mơ̆t tơ anih rơgoh boih, lu sư ưh kơ gơh lĕch đơ̆ng anih rơgoh noh na năm tơ cham 'nguaih, mă-lei athei plôh lê̆ ao 'bok soi mă lu sư hrŭk wă soi kơ Kră Yang yua kơ lu hơbĕn ao noh 'lơ̆ng rơgoh; lu sư athei iŏk hrŭk ao nai, na lu sư gơh lĕch tơ 'nguaih anih mă 'măn kơ lu kon pơlei.

Êsêkiên 44:19

Mưh lu sư lĕch năm tơ cham gah 'nguaih, anih mă đei kon pơlei, lu sư athei plôh lê̆ hơbĕn ao mă lu sư hrŭk bơ̆jang, lê̆ tơ lăm pôm anih rơgoh păng hrŭk ao nai, wă kơ lu sư huay kơ pơm kơ kon pơlei rơgoh 'lơ̆ng yua kơ đơ̆ng hơbĕn ao 'bok soi lu sư.

Lêwi 16:22

Kon bơbe noh gô pŭ tơ akâu sư dôm tơdrong yoch kon pơlei Isơrael, lĕch tơ bri brah ưh kơ đei bơngai, đe achăng bơbe noh tơ tơmăn glă.

Lêwi 16:4

Sư gô hrŭk ao tai che hơtăng rơgoh păng hơbĕn che, tơ̆n tơlei tơ̆n che păng yơ̆l môk che tơ kơ̆l sư, noh jơ̆ hơbĕn ao 'lơ̆ng rơgoh mă-lei sư gô hrŭk đang kơ sư hum.

Lêwi 6:11

Đơ̆ng noh sư plôh lê̆ hơbĕn, na iŏk hrŭk hơbĕn ao nai chĕp ba tơnuh noh tơ 'nguaih tuh tơ minh anih rơgoh.

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.