Lêwi 16:22 - Sơ̆p Hlabơar Nơ̆r 'Bok Kei-Dei

²² Kon bơbe noh gô pŭ tơ akâu sư dôm tơdrong yoch kon pơlei Isơrael, lĕch tơ bri brah ưh kơ đei bơngai, đe achăng bơbe noh tơ tơmăn glă.

Lêwi 16:22 ပူးပေါင်းရင်းမြစ်များ

Horiso 103:10

Sư huay pơm kơ lu bơ̆n kiơ̆ thoi yoch lu bơ̆n ôh; Kŭm ưh kơ hil 'mong kiơ̆ kơ tơdrong kơnê̆ lu bơ̆n pơm boih.

Horiso 103:12

Gah hơlĕch ataih đơ̆ng gah bơmơ̆t dang yơ, Na Sư kư̆m hŭt lê̆ dôm yoch glăi lu bơ̆n ataih dang noh mơ̆n.

Êsêkiên 18:22

Dôm tơdrong yoch mă sư hlôi pơm ưh pă jô̆ boih; đơ̆ng tơdrong sư pơm 'lơ̆ng sư gô đei tơdrong arih.

Êsêkiên 4:4

Klaih kơ noh, ih athei 'bĭch cheng gah 'ngiĕo păng Inh gô dan tơdrong yoch bơngai Isơrael tơ kơpal ih. Ih 'bĭch thoi noh hơdôm năr, pŭ chĕp tơdrong yoch lu sư kư̆m dang noh.

Lêwi 14:7

'Bok soi athei tơtraih pham tơpơh wơ̆t tơ bơngai mă wă kơ goh kơ jĭ chin păng jô̆ sư 'lơ̆ng rơgoh, đơ̆ng noh achăng sem oei arih păr tơ chŭn mir.

Lêwi 16:21

Arôn dan 'bar pah ti sư kơpal kơ̆l bơbe tơno mă oei arih, na roi đĭ-đăng dôm tơdrong yoch kơnê̆ pơm glăi lu kon pơlei Isơrael păng dan đĭ-đăng tơdrong yoch lu sư pơm boih kơpal kơ̆l bơbe tơno. Đơ̆ng noh yua minh 'nu bơngai đei jao boih tơdrong jang 'nâu na puh achăng bơbe noh tơ tơmăn glă.

Lêwi 16:23

Arôn gô mơ̆t lăm Bơsŭn Anih Akŭm, plôh lê̆ hơbĕn ao đêl sư hrŭk mơ̆t tơ anih 'lơ̆ng rơgoh păng sư gô lê̆ hloi hơbĕn ao tơ noh.

Mi 7:19

Sư kư̆m gô oei 'mêm mơnat kơ bơ̆n, kơtĭt lê̆ tơdrong yoch kơnê̆ lu nhôn tơ ala jơ̆ng Ih; păng klơ̆m hŭt lê̆ tơdrong yoch lu nhôn, tơ lăm đak dơsĭ jrŭ sŭng.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Galati 3:13

Bơ̆n ưh kơ kĕ ôh kiơ̆ tôm tơdrong juăt 'Bok Kei-Dei, na trŏ yơh kơ 'Bok Kei-Dei wă phak bơ̆n, mă-lei Yêsu Krist dŏng pơklaih bơ̆n wă huai iŏk bơ̆n đơ̆ng tơdrong yoch wă kơ 'Bok Kei-Dei huay kơ phak bơ̆n. Sơ̆p hla bơar 'Bok Kei-Dei khan boih thoi âu: “Kon bơngai bu pơm yoch na tơduă kon bơngai phak pơlôch bơngai mă pơm yoch noh atol sư tơ kơpal 'long, 'Bok Kei-Dei kư̆m wă kơ phak bơngai mă pơm yoch noh tơpă mơ̆n.” Na Yêsu lôch tơ 'long pơglang kư̆m trŏ kơ phak thoi noh yua kơ tơdrong yoch bơ̆n.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.