Lêwi 16:18 - Sơ̆p Hlabơar Nơ̆r 'Bok Kei-Dei

¹⁸ Đơ̆ng noh sư gô lĕch năm tơ chơnang soi 'bơ̆t anăp Kră Yang, soi sơmah kơ chơnang soi wă kơ rơgoh; sư iŏk pham rơmo dăm păng pham bơbe tơno pik jum dăr lu ake chơnang soi.

Lêwi 16:18 ပူးပေါင်းရင်းမြစ်များ

Le 30:10

Minh sơnăm minh wơ̆t, Arôn gô iŏk pham kon sem dơrong soi 'buh huai đơ̆ng tơdrong yoch, pik tơ kơpal ake chơnang soi wă pơm kơ chơnang soi rơgoh minh wơ̆t rim sơnăm lăm đĭ-đăng jơhnơr. 'Nâu boih jing chơnang soi rơgoh 'lơ̆ng hloh ăn kơ Kră Yang.

Êsêkiên 43:20

Ih iŏk bĕ pham pik tơ puăn tŏ hơke chơnang soi, tơ puăn pah mum păng tơ gơnăp jum dăr, wă kơ ôp rơgoh chơnang soi păng huai đơ̆ng yoch.

Êsêkiên 43:22

Năr mă 'bar, ih athei pơyơ̆r bơbe tơno, ưh kơ đei rơka wă pơm tơmam soi huai đơ̆ng yoch chơnang soi athei ôp rơgoh kư̆m thoi pơyơ̆r rơmo dăm iŏk pham wă ôp rơgoh.

Êsêkiên 45:19

'Bok soi gô iŏk pham tơmam soi huai đơ̆ng yoch na pik tơ lu jrăng hnam akŭm, tơ puăn pah mum jơ̆ng chơnang soi păng lu jrăng 'măng jang cham gah lăm.

Lêwi 16:16

Thoi noh sư năm soi sơmah tơ lăm anih 'Lơ̆ng rơgoh yua kơ đơ̆ng tơdrong kơnê̆ 'mê̆-'mach, pơm glăi, yoch kon pơlei Isơrael na sư athei soi sơmah huai đơ̆ng tơdrong yoch. Sư kư̆m soi sơmah huay đơ̆ng yoch kơ Bơsŭn Anih Akŭm, yua kơ anih akŭm oei tơ tŏk-bŏk tơdrong kơnê̆ 'mê̆-'mach lu sư.

Lêwi 16:17

Kơplah 'bok soi mơ̆t lăm Bơsŭn Anih Akŭm wă soi sơmah huai đơ̆ng tơdrong yoch lăm anih 'lơ̆ng rơgoh, 'nĕ kơ ăn minh 'nu bơngai bu oei lăm noh, dĭng truh tơ sư lĕch, đơ̆ng rŏng kơ sư soi sơmah huai đơ̆ng yoch sư kơdih, hnam dơnŏ sư păng đĭ-đăng kon pơlei Isơrael.

Lêwi 4:18

Đơ̆ng noh sư gô pik pham tơ lu ake chơnang soi lăm Bơsŭn Anih Akŭm 'bơ̆t anăp Kră Yang, đơ̆ng noh lu pham oei đei tuh đĭ tơ jơ̆ng chơnang soi tơmam soi pơyơ̆r 'buh dan tơ 'măng Bơsŭn Anih Akŭm.

Lêwi 4:25

'Bok soi gô iŏk pham sem dơrong pơm tơmam soi huai đơ̆ng yoch na tôt hơnglâu ti sư na pik tơ ake chơnang soi gah tơmam soi 'buh păng tuh pham mă oei đei tơ jơ̆ng chơnang soi 'buh.

Lêwi 4:7

'Bok soi gô pik pham tơ kơpal lu ake chơnang soi tơmam 'bâu phu lăm Bơsŭn Anih Akŭm 'bơ̆t anăp Kră Yang păng tuh đĭ pham rơmo tơ jơ̆ng chơnang soi tơmam soi 'buh, dan tơ anăp 'măng mơ̆t tơ Bơsŭn Anih Akŭm.

Jo 28:22

hăm minh pôm bơbe tơno pơm tơmam soi pơklaih yoch, wă huai iŏk yoch đơ̆ng lu iĕm.

Yo 17:19

Inh chu ăn akâu Inh tang yua kơ lu sư, wă pơm trŏ thoi Ih wă, wă kơ lu sư kư̆m pơyơ̆r ăn akâu lu sư chu kiơ̆ thoi Ih wă, yua kơ lu sư băt tơdrong Ih boih.

Hêbrơ 2:11

Yêsu pơklaih bơ̆n đơ̆ng tơdrong yoch păng pơyơ̆r bơ̆n kơ 'Bok Kei-Dei yua kơ Sư lăng bơ̆n thoi 'nhŏng oh pôm mĕ 'bă tơpă, 'Bă tơm bơ̆n lăp minh 'nu đĕch, Sư mă oei tơ plĕnh ti. Mă bơngai thoi bơ̆n, Sư kư̆m lăp đon kơ anăn bơ̆n 'nhŏng oh Sư.