Lêwi 16:16 - Sơ̆p Hlabơar Nơ̆r 'Bok Kei-Dei

¹⁶ Thoi noh sư năm soi sơmah tơ lăm anih 'Lơ̆ng rơgoh yua kơ đơ̆ng tơdrong kơnê̆ 'mê̆-'mach, pơm glăi, yoch kon pơlei Isơrael na sư athei soi sơmah huai đơ̆ng tơdrong yoch. Sư kư̆m soi sơmah huay đơ̆ng yoch kơ Bơsŭn Anih Akŭm, yua kơ anih akŭm oei tơ tŏk-bŏk tơdrong kơnê̆ 'mê̆-'mach lu sư.

Lêwi 16:16 ပူးပေါင်းရင်းမြစ်များ

Le 30:10

Minh sơnăm minh wơ̆t, Arôn gô iŏk pham kon sem dơrong soi 'buh huai đơ̆ng tơdrong yoch, pik tơ kơpal ake chơnang soi wă pơm kơ chơnang soi rơgoh minh wơ̆t rim sơnăm lăm đĭ-đăng jơhnơr. 'Nâu boih jing chơnang soi rơgoh 'lơ̆ng hloh ăn kơ Kră Yang.

Lêwi 16:17

Kơplah 'bok soi mơ̆t lăm Bơsŭn Anih Akŭm wă soi sơmah huai đơ̆ng tơdrong yoch lăm anih 'lơ̆ng rơgoh, 'nĕ kơ ăn minh 'nu bơngai bu oei lăm noh, dĭng truh tơ sư lĕch, đơ̆ng rŏng kơ sư soi sơmah huai đơ̆ng yoch sư kơdih, hnam dơnŏ sư păng đĭ-đăng kon pơlei Isơrael.

Lêwi 16:18

Đơ̆ng noh sư gô lĕch năm tơ chơnang soi 'bơ̆t anăp Kră Yang, soi sơmah kơ chơnang soi wă kơ rơgoh; sư iŏk pham rơmo dăm păng pham bơbe tơno pik jum dăr lu ake chơnang soi.

Lêwi 23:27

Năr mônh khei tơpơh âu jơ̆ năr pơm giĕng huai đơ̆ng yoch; lu iĕm gô đei tơdrong akŭm rơgoh, lu iĕm athei hơdrĭ lăm jơhngơ̆m pơmat akâu iĕm kơdihe păng pơyơ̆r tơmam soi yua 'buh hăm ŭnh kơ Kră Yang.

Lêwi 8:15

Môis pơlôch rơmo păng iŏk pham, yua hơnglâu ti sư pik pham noh tơ jum dăr ake chơnang soi wă kơ pơm kơ chơnang rơgoh; đơ̆ng noh tuh pham noh tơ jơ̆ng chơnang soi, thoi noh 'măn lê̆ chơnang soi rơgoh wă soi sơmah huai đơ̆ng yoch tơ noh.

Jo 17:11

Môis pơm thoi noh, wă khan pơm kiơ̆ thoi Kră Yang đei tơtă kơ sư boih.

Jo 28:15

'Nguaih kơ tơmam soi 'buh mă juăt kơ pơyơ̆r păng tơmam soi huch hai, kư̆m athei pơyơ̆r ăn kơ Kră Yang minh pôm kon bơbe tơno pơm tơmam soi pơklaih yoch.

Yo 14:3

Đơ̆ng rŏng kơ Inh năm hơmet kơ iĕm anih oei, Inh gô jur tơ âu dơ̆ng, Inh wă anhăk ba iĕm tơ anih Inh; na iĕm oei hơdai hăm Inh ling-lang tơ ei.

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.