Lêwi 15:31 - Sơ̆p Hlabơar Nơ̆r 'Bok Kei-Dei

³¹ Thoi noh ih athei klah lê̆ lu bơngai Isơrael ataih đơ̆ng lu tơdrong kơnê̆ 'mê̆-'mach lu sư, kơnh hli kơ lu sư lôch lăm tơdrong kơnê̆ 'mê̆-'mach lu sư noh na pơm 'mê̆-'mach kơ Bơsŭn Anih Akŭm Inh mă oei tŏk-bŏk lu sư.

Lêwi 15:31 ပူးပေါင်းရင်းမြစ်များ

Horiso 66:18

Tơdah jơhngơ̆m inh mong răk tơdrong kơnê̆; Lei Kră Yang 'Bok Kei-Dei kuă kơ mơ̆ng nơ̆r inh.

Êsêkiên 23:38

Lu sư kư̆m oei đei pơm yoch tih hloh kơ noh hăm Inh lu sư pơm pơ'mê̆ kơ anih rơgoh Inh păng kư̆m pơm yoch lăm năr Sa'bat Inh.

Êsêkiên 36:17

Ơ kon bơngai, kơplah adrĕch adrung Isơrael oei tơ lăm dêh char lu sư kơdih, lu adrĕch Isơrael pơm boih tơdrong 'mê̆-'mach kơ dêh char. Tơdrong mă lu sư pơm 'bơ̆t anăp Inh kư̆m kơnê̆ 'mê̆-'mach thoi drŏ-kăn 'bôh hơbĕn.

Êsêkiên 44:23

Lu sư gô bơtho khan kơ kon pơlei băt kơ tơdrong kiơ mă 'lơ̆ng rơgoh Păng tơdrong kiơ mă hmă đĕch, tơdrong kiơ 'mê̆-'mach păng băt tơdrong kiơ mă rơgoh.

Êsêkiên 5:11

Lei na Kră Yang Tih Hloh khan: Tơpă thoi Inh oei arih, yua kơ ih pơm kơnê̆ 'mê̆-'mach lăm anih rơgoh Inh hăm pơm kơnê̆ krưp, mă Inh areh dêh. Thoi noh na Inh pơrăm ih, măt Inh ưh kơ wă lăng păng ưh pă mơnat.

Da 9:27

Sư pơjing tơdrong kơjăp hăm lơ bơngai lăm minh 'măng giĕng păng truh lăm tŏk-bŏk 'măng giĕng noh, Sư kư̆m ăn kơ tơmam soi 'buh pơyơ̆r kư̆m pơdơh. Lu bơngai nai mă pơrăm gô truh hao pơnăr sem krưp dêh păng gô đei tơdrong hil krưp dêh tuh tơ anih juơ dĭng truh tơ sơnăm tôch, mă sơnăm đei pơkă lê̆ boih.

Lêwi 11:47

Klah lê̆ pha wă kơ băt kon sem brem ayơ mă ưh kơ rơgoh păng ayơ mă rơgoh, kon sem arih đe gơh sa păng ưh kơ gơh sa.

Lêwi 13:59

Noh jing tơdrong juăt gah tơdrong jĭ chin đei phơ̆k 'bơm tơ hơbĕn ao hăm sŏk triu dah hăm che, tơ brai tơdơ̆ng dah tơnanh dah tơ tơmam kiơ mă hăm akar. Wă lăng kiơ̆ kơ tơdrong juăt noh na jô̆ sư rơgoh 'lơ̆ng dah oei kơnê̆ 'mê̆-'mach.

Lêwi 15:32

Noh jing tơdrong juăt gah bơngai drŏ-nglo mă đei tơdrong jĭ đuh lĕch đơ̆ng akâu sư păng bơngai drŏ-nglo lĕch đak kơtăk jing kơnê̆ 'mê̆-'mach.

Lêwi 19:30

Lu iĕm athei bơwei năr Sa'bat păng pơyom kơ Anih 'Lơ̆ng Rơgoh Inh, Inh boih Kră Yang lu iĕm.

Lêwi 20:3

Inh kơdih gô hil mĭl kơ bơngai noh păng pơtôch lê̆ sư đơ̆ng kon pơlei pơla sư, yua kơ sư jao kon hơ'lơ̆p sư kơ yang Mơlŏk, pơm kơ anih 'lơ̆ng rơgoh Inh jing kơnê̆ 'mê̆-'mach păng pơ'mê̆ kơ anăn 'lơ̆ng rơgoh Inh.

Lêwi 21:23

Mă-lei sư ưh kơ gơh năm jê̆ che pĕng, kư̆m ưh kơ gơh năm jê̆ chơnang soi, yua kơ akâu đei jĭ jăn wă kơ sư huay kơ pơm kơ anih 'lơ̆ng rơgoh Inh jing kơnê̆ 'mê̆-'mach; yua kơ Inh boih Kră Yang, pơm kơ lu sư noh jing rơgoh.

Jo 19:13

Bơngai bu mă hơtŭt 'bơm akâu bơngai lôch păng ưh kơ ôp sut sư rơgoh, gô pơm ăn kơ Bơsŭn Anih Akŭm Kră Yang 'mê̆-'mach. Bơngai noh đe gô pơpuh tơlĕch sư đơ̆ng lăm khŭl bơngai Isơrael; yua kơ đak ôp sut tơdrong 'mê̆-'mach ưh kơ đei tơtreh tơ akâu sư, lei na sư oei 'mê̆-'mach đĕch, tơdrong 'mê̆-'mach oei tơ lăm akâu sư.

Jo 19:20

Gah bơngai bu hơtŭt 'bơm 'mê̆ mă ưh kơ pơm hơmet kơdih akâu rơgoh, minh 'nu bơngai thoi noh đe gô puh tơweh tơlĕch sư đơ̆ng tơpôl kon pơlei, yua kơ sư pơm kơ hnam Kră Yang jing 'mê̆-'mach. Đak ôp sut tơdrong 'mê̆ ưh kơ đei tơtraih tơ akâu sư, sư noh đe jô̆ oei 'mê̆-'mach.

Jo 5:3

Mă drŏ-nglo dah drŏ-kăn athei puh tơweh lê̆ lu sư tơ 'nguaih kơ kơđông, wă kơ lu sư huay kơ pơm mơgrĭ 'mê̆-'mach kơ anih kơđông, mă đei Inh oei tơ lăm noh,

I Kor 3:17

Yua kơ thoi noh boih na dah bu pơrăm hnam 'Bok Kei-Dei, 'Bok Kei-Dei gô pơrăm akâu sư mơ̆n, yua kơ hnam 'Bok Kei-Dei noh tơmam Sư kơdih tơpă, wă khan iĕm âu boih hnam 'Bok Kei-Dei.

Both 24:8

Lăm tơdrong jĭ chin kren, athei kơchăng pơm kiơ̆ mă tơpă dôm tơdrong mă 'bok soi bơtho adrĕch Lêwi pơkă boih lu iĕm athei kơchăng pơm kiơ̆ thoi inh đei bơtho pơkă boih hăm 'bok soi.

Hêbrơ 10:29

Tơpă, iĕm tơchĕng lăng tơdrong lu bơngai mă pơjuă kơtĭt Kon pôm 'Bok Kei-Dei păng lăng pham Kon Sư đêl pơm kơ sư rơgoh, mă sư pơm pơhơi thoi ưh kơ yua. Păng Yang Bơhngol 'Lơ̆ng bơtho tơgŭm bơ̆n tôm tơdrong 'lơ̆ng mă sư pơjăm ngôi. Iĕm tơchĕng lăng bơngai noh hăm trŏ kơ phak? Phak tih tơpă ưh kơ băt tih dang yơ.

Ju 1:4

Lu bơngai mă wă pơhlŭ pơlung iĕm noh, lu sư pơm thoi bơngai lui. Lu sư mơ̆t akŭm hơdai iĕm, pơm chur oei tơ tŏk-bŏk lu iĕm. Lu bơngai thoi noh 'Bok Kei-Dei khan wă phak đơ̆ng sơ̆ 'mơ̆i. Lu sư bơngai kơnê̆ tơpă, lu sư khan kơlih kơ 'Bok Kei-Dei mơnat kơ tơdrong yoch bơ̆n, na bơ̆n pơm yoch kiơ kư̆m bưh, pơm tơdrong kơnê̆ kư̆ kă kư̆m bưh. Yŏng Tơ'ngla bơ̆n Yêsu Krist, mă lu sư kư̆m ưh kơ lui yom mơ̆n.

I Sam 3:14

Thoi noh, inh đei pơkă sĭt tơdrong yoch hnam dơnŏ Hêli ưh kơ gơh huai iŏk, mă khan hăm tơmam soi hăm sem dah hăm tơmam soi phe 'ba.