Lêwi 15:27 - Sơ̆p Hlabơar Nơ̆r 'Bok Kei-Dei

²⁷ Bu hơtŭt 'bơm tơmam noh gô jing kơnê̆ 'mê̆-'mach athei pih hơbĕn ao sư hum lăm đak; păng gô jing kơnê̆ 'mê̆-'mach truh kơmăng.

Lêwi 15:27 ပူးပေါင်းရင်းမြစ်များ

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Êsêkiên 36:29

Inh gô dŏng pơklaih lu iĕm đơ̆ng tơdrong kơnê̆ 'mê̆-'mach; Inh gô ăn kơ 'ba mi jing 'lơ̆ng kơchar rai lơ păng ưh pă ăn kơ lu iĕm pơngot rơwĕt.

Lêwi 11:24

Yua kơ lu kon sem 'nâu bơih na lu iĕm jing 'mê̆-'mach, bu mă hơtŭt 'bơm akâu lôch lu kon sem âu gô đei 'mê̆-'mach truh kơmăng.

Lêwi 15:13

Tơdah bơngai drŏ-nglo đei tơdrong jĭ đuh noh klaih bơih, athei jô̆ đơ̆ng năr sư gơh klaih truh tơ tơpơh năr, đơ̆ng noh pih hơbĕn ao sư păng hum tơ đak ro, na sư gô rơgoh.

Lêwi 15:21

Bu hơtŭt 'bơm giơng sư tep, athei pih hơbĕn ao, hum lăm đak păng gô jing kơnê̆ 'mê̆-'mach truh kơmăng.

Lêwi 15:26

Lăm năr sư 'bôh jơ̆ng. Lu giơng mă sư ngăl 'bĭch păng dôm tơmam kiơ đêl sư kơtĭt hơ-oei jing kơnê̆ 'mê̆-'mach ngăl, kư̆m thoi kơplah sư 'bôh hơbĕn.

Lêwi 15:28

Mă-lei tơdah pham 'bôh jơ̆ng noh păt bơih, athei jô̆ đơ̆ng năr sư păt truh tơ tơpơh năr, đơ̆ng noh jô̆ sư jing rơgoh.

Sa 13:1

Lăm năr noh Inh gô pơchoh ăn minh pôm đak glung kơ hnam Đawit păng lu kon pơlei oei lăm Jêrusalem, yua kơ wă ôp tơdrong yoch kơnê̆ 'mê̆ brư̆.

Jo 19:22

Mă tơmam kiơ bơngai 'bơm 'mê̆ hơtŭt 'bơm gô apoh 'mê̆-'mach; dah bu hơtŭt 'bơm bơngai noh gô apoh 'mê̆-'mach truh kơsơ̆ măng.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

Hêbrơ 9:14

Tơ̆ng thoi ei, lei pham Yêsu Krist kăl hloh kơ dôm lu pham sem noh, yua kơ Sư rơgoh ling-lang ưh kơ đei yoch kiơ ôh. Pơthim kơ Sư Yang arih ling-lang tăm. Sư soi kơ 'Bok Kei-Dei hăm pham Sư kơdih, na pham Sư sut lê̆ đĭ dôm tơdrong yoch bơ̆n, pơm kơ jơhngơ̆m đon bơ̆n jing 'lơ̆ng tơpăt hăm 'Bok Kei-Dei wă kơ bơ̆n gơh jang kơ 'Bok Kei-Dei mă arih ling-lang.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.